ນະຄອນ ນີວ ​ແດນ​ລີ ພະຍາຍາມ​ແກ້​ໄຂ​ບັນຫາ​ມົນ​ລະ​ພິດ​ໃນ​ລະດູ​ໜາວ

96 23 ກ.ຍ. 2019 ຂ່າວຕ່າງປະເທດ
ນະຄອນ ນີວ ​ແດນ​ລີ ພະຍາຍາມ​ແກ້​ໄຂ​ບັນຫາ​ມົນ​ລະ​ພິດ​ໃນ​ລະດູ​ໜາວ

   ເມື່ອ​ວັນ​ທີ 13 ກັນຍາ​ທີ່​ຜ່ານ​ມາ ນະຄອນ ນີວ ແດນ​ລີ ຂອງ​ອິນ​ເດຍ ໄດ້​ປະກາດ​ແຜນການ​ຮັບ​ມື​ກັບ​ມົນ​ລະ​ພິດ​ໃນ​ອາກາດ ທ່າມກາງ​ທີ່​ເຈົ້າ​ໜ້າທີ່​ພວມ​ຊອກ​ຫາ​ວິທີ “ໄລ່” ຄວັນ​ພິດ​ທີ່​ປົກ​ຄຸມ​ນະຄອນ​ດັ່ງກ່າວ ໂດຍ​ສະເພາະ​ກໍ​ແມ່ນ​ໃນ​ລະດູ​ໜາວ.

    ທ່ານ ອາກ​ວິນ ເຄ​ຈຣີ​ວານ ຜູ້​ວ່າການ ນີວ ເດລີ ເວົ້າ​ວ່າ ໃນ​ຈຳນວນ​ມາດ​ຕະການ​ທີ່​ປະຕິບັດ​ໃນ​ປີ​ນີ້ ມີ​ການ​ມາດ​ຕະການ​ໃນ​ການ​ໃຊ້​ລົດຍົນ​ໃນ​ການ​ສັນຈອນ ໂດຍ​ຜັດປ່ຽນ​ກັນ​ຕາມ​ເລກ​ທ້າຍ​ຂອງ​ປ້າຍ​ທະບຽນ​ໝາຍ​ເລກ​ຄູ່-ຄີກ ແຈກ​ໜ້າ​ກາກ​ອະນາໄມ​ໂດຍ​ບໍ່​ເສຍ​ຄ່າ (ໃຫ້​ລ້າ) ແກ່​ປະຊາຊົນ ແລະ ສ້າງຕັ້ງ​ໜ່ວຍ​ງານ​ໜຶ່ງ​ຂຶ້ນ​ມາ ເພື່ອ​ແກ້​ໄຂ​ການ​ຮ້ອງ​ຟ້ອງ​ກ່ຽວ​ກັບ​ບັນຫາ​ມົນ​ລະ​ພິດ​ໃນ​ອາກາດ. ນອກຈາກ​ນັ້ນແລ້ວ ອຳນາດ​ການ​ປົກຄອງ​ນະຄອນ ນີວ ແດນ​ລີ ກໍ​ມີ​ແຜນການ​ນຳ​ໃຊ້​ອຸປະກອນ​ສີດ​ນ້ຳ ເພື່ອ​ຄວບ​ຄຸມ​ປະລິມານ​ຂີ້ຝຸ່ນ​ຢູ່​ໃນ​ອາກາດ. ແຜນການ​ດັ່ງກ່າວ ຖືກ​ນຳ​ໃຊ້​ຢູ່​ໃນ 12 ຈຸດ ທີ່​ອາກາດ​ເປັນ​ພິດ​ຮ້າຍ​ແຮງ.

    ນີວ ແດນ​ລີ ເປັນ​ໜຶ່ງ​ໃນ​ບັນດາ​ນະຄອນ​ທີ່​ເປັນ​ມົນ​ລະ​ພິດ​ຫຼາຍ​ທີ່​ສຸດ​ໃນ​ໂລກ. ການ​ທີ່​ກະສິກອນ​ພາກັນ​ຈູດ​ເຟືອງ ແລະ ຕໍ​ເຟືອງ ໃນ​ລະດູ​ໜາວ ໄດ້​ກໍ່ໃຫ້ເກີດ​ກຸ່ມ​ຄວັນ​ໜາ​ຕຶບ. ນອກຈາກ​ນັ້ນແລ້ວ ຄັວນ​ທີ່​ເກີດ​ມາ​ຈາກ​ດອກ​ໄມ້​ໄຟ​ຫຼາຍ​ລ້ານ​ໜ່ວຍ ທີ່​ຖືກ​ຍິງ​ໃນ​ໂອກາດ​ວັນ​ບຸນ ດີ​ວາລີ (Diwali) ກໍ​ເປັນ​ການ​ປະກອບ​ສວ່ນ​ໃຫ້​ທ້ອງຟ້າ​ເໜືອ​ນະຄອນ​ນີວ ແດນ​ລີ ຈົມ​ຢູ່​ໃນ​ຝຸ່ນ​ຄວັນ. ຜົນ​ຂອງ​ການ​ຄົ້ນຄວ້າ​ສະບັບ​ໜຶ່ງ​ຂອງ ສ ອາ​ເມ​ຣິ​ກາ ທີ່​ນຳ​ອອກ​ມາ​ເປີດເຜີຍ​ເມື່ອ​ປີ 2017 ຊີ້​ໃຫ້​ເຫັນ​ວ່າ ອາກາດ​ເປັນ​ພິດ ເປັນ​ສາເຫດ​ເຮັດ​ໃຫ້​ມີ​ຜູ້​ເສຍ​ຊີວິດ​ກ່ອນ​ໄວ​ອັນ​ຄວນ ຈຳນວນ 1 ລ້ານ​ຄົນ ໃນ​ແຕ່​ລະ​ປີ ຢູ່​ໃນ​ອິນ​ເດຍ.

ຂ່າວທີ່ກ່ຽວຂ້ອງ