ລັດຖະບານລາວ ປະ¬ດັບຫຼຽນກາມິດຕະພາບໃຫ້ທູດໄທ

216 23 ກ.ຍ. 2019 ຂ່າວໜ້າ​ໜຶ່ງ
ລັດຖະບານລາວ ປະ¬ດັບຫຼຽນກາມິດຕະພາບໃຫ້ທູດໄທ

    ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ສປປ ລາວ ຕ້ອນ­ຮັບ​ການ​ເຂົ້າ​ຢ້ຽມ​ອຳ​ລາ​ຂອງ​ທ່ານ ກຽດ​ຕິ​ຄຸນ ຊາດ​ປຣະ​ເສີດ ເອກ​ອັກ­ຄະ­ລາ­ຊະ­ທູດ​ລາ­ຊະ​ອາ­ນາ­ຈັກ​ໄທ ປະ­ຈຳ ສປປ ລາວ ວັນ​ທີ 19 ກັນ­ຍາ 2019 ຢູ່​ກະ­ຊວງ​ການ​ຕ່າງ­ປະ­ເທດ ໃນ​ໂອ­ກາດ​ທີ່​ສຳ­ເລັດ​ໜ້າ­ທີ່​ການ​ທູດ​ຢູ່ ສປປ ລາວ.

    ທ່ານ ສະ­ເຫຼີມ​ໄຊ ກົມ​ມະ​ສິດ ໄດ້​ສະ­ແດງ​ຄວາມ​ຍິນ​ດີ​ຕ້ອນ­ຮັບ ແລະ ຊົມ­ເຊີຍ​ທ່ານ ກຽດ​ຕິ​ຄຸນ ຊາດ​ປຣະ​ເສີດ ທີ່​ໄດ້​ສຳ­ເລັດ​ການ​ປະ­ຕິ­ບັດ​ໜ້າ­ທີ່​ການ​ທູດ​ຢູ່ ສປປ ລາວ ໄລ­ຍະ​ເວ­ລາ 1 ປີ​ກວ່າ ພ້ອມ​ທັງ​ຕີ​ລາ­ຄາ​ສູງ​ຕໍ່​ສາຍ​ພົວ­ພັນ ແລະ ການ​ຮ່ວມ​ມື​ອັນ​ດີ­ງາມ ລະ­ຫວ່າງ ລາວ-ໄທ ໄລ­ຍະ​ເກືອບ 7 ທົດ​ສະ​ວັດ​ຜ່ານ​ມາ ທີ່​ນັບ​ມື້​ໄດ້​ຮັບ​ການ​ເສີມ​ຂະ­ຫຍາຍ​ຢ່າງ​ກວ້າງ­ຂວາງ ແລະ ມີ​ຜົນ­ສຳ­ເລັດ ສະ­ແດງ​ອອກ​ສອງ​ປະ­ເທດ​ໄດ້​ມີ​ການ​ແລກ­ປ່ຽນ​ການ​ຢ້ຽມ ຢາມ ລະ­ຫວ່າງ​ການ​ນຳ​ຂັ້ນ​ສູງ​ເປັນ​ປົກ­ກະ­ຕິ ມີ​ການ​ຮ່ວມ​ມື​ທີ່​ດີ​ນຳ​ກັນ​ດ້ານ​ຕ່າງໆ ເປັນ­ຕົ້ນ ດ້ານ​ການ​ຄ້າ ການ​ລົງ ທຶນ ການ​ສຶກ​ສາ ສາ­ທາ­ລະ­ນະ​ສຸກ ແລະ ອື່ນໆ.

    ໂອ­ກາດ​ນີ້ ທ່ານ ສະ­ເຫຼີມ​ໄຊ ກົມ​ມະ​ສິດ ກໍ​ໄດ້​ຕາງ­ໜ້າ​ລັດ­ຖະ­ບານ ແລະ ປະ­ຊາ­ຊົນ​ລາວ ປະ­ດັບ​ຫຼຽນ​ກາ​ມິດ ຕະ​ພາບ​ໃຫ້​ທ່ານ ກຽດ​ຕິ​ຄຸນ ຊາດ​ປຣະ​ເສີດ ເພື່ອ​ສະ­ແດງ​ຄວາມ​ຊົມ­ເຊີຍ ແລະ ຈາ­ລຶກ​ຜົນ­ງານ ຄຸນ­ງາມ­ຄວາມ­ດີ​ທີ່​ທ່ານ​ໄດ້​ອຸ­ທິດ​ເຫື່ອ­ແຮງ ແລະ ສະ­ຕິ​ປັນ­ຍາ ປະ­ກອບ­ສ່ວນ​ຢ່າງ​ຫ້າວ­ຫັນ​ໃນ​ການ​ເສີມ​ຂະ­ຫຍາຍ​ສາຍ​ພົວ­ພັນ​ມິດ​ຕະ ພາບ ແລະ ການ​ຮ່ວມ​ມື​ອັນ​ດີ​ຂອງ​ສອງ​ປະ­ເທດ​ໃຫ້​ແໜ້ນ​ແຟ້ນ​ຍິ່ງ​ຂຶ້ນ.

ຂ່າວທີ່ກ່ຽວຂ້ອງ