ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

191 23 ກ.ຍ. 2019 ຂ່າວໜ້າ​ໜຶ່ງ

    ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ໄດ້​ຕາງ­ໜ້າ​ລັດ­ຖະ­ບານ​ລາວ ຮັບ​ເງິນ​ຊ່ວຍ­ເຫຼືອ​ຜູ້​ປະ­ສົບ​ໄພ​ນ້ຳ​ຖ້ວມ​ຢູ່​ພາກ​ກາງ ແລະ ພາກ​ໃຕ້​ລາວ ຈາກ​ກຸ່ມ​ບໍ­ລິ­ສັດ​ລົງ­ທຶນ ແລະ ກໍ່­ສ້າງ ແຂວງ​ຢູນ​ນານ​ຫຸ້ນ​ສ່ວນ ຈຳ­ກັດ ທີ່​ໄດ້​ຮັບ​ຈາກ​ການ​ປະ­ກອບ­ສ່ວນ​ຂອງ​ບັນ­ດາ​ບໍ­ລິ­ສັດ ແລະ ພະ­ນັກ­ງານ​ຢູ່​ເຂດ​ພັດ­ທະ­ນາ​ກວມ​ລວມ​ໄຊ​ເສດ​ຖາ 103.132.000 ກີບ.

    ພິ­ທີ​ມອບ-ຮັບ​ເງິນ​ດັ່ງ­ກ່າວ ຈັດ​ຂຶ້ນ​ວັນ​ທີ 20 ກັນ­ຍາ 2019 ຢູ່​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ເຊິ່ງ​ມອບ​ໂດຍ​ທ່ານ ຫຼິວ ຫູ້ ຕາງ­ໜ້າ​ໃຫ້​ກຸ່ມ​ບໍ­ລິ­ສັດ​ລົງ­ທຶນ ແລະ ກໍ່­ສ້າງ ແຂວງ​ຢູນ​ນານ​ຫຸ້ນ​ສ່ວນ​ຈຳ­ກັດ  ແລະ ຮັບ​ໂດຍ​ທ່ານ  ເພັດ ພົມ​ພິ​ພັກ ມີ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ໂອ­ກາດ​ນີ້ ທ່ານ ເພັດ ພົມ​ພິ​ພັກ ກໍ​ໄດ້​ກ່າວ​ສະ­ແດງ​ຄວາມ​ຂອບ­ໃຈ​ກຸ່ມ​ບໍ­ລິ­ສັດ​ລົງ­ທຶນ ແລະ ກໍ່­ສ້າງ​ແຂວງ​ຢູນ​ນານ​ຫຸ້ນ​ສ່ວນ ຈຳ­ກັດ ກໍ​ຄື ບັນ­ດາ​ບໍ­ລິ­ສັດ ແລະ ພະ­ນັກ­ງານ​ຢູ່​ເຂດ​ພັດ­ທະ­ນາ​ກວມ​ລວມ​ໄຊ​ເສດ​ຖາ ທີ່​ໄດ້​ນຳ​ເອົາ​ເງິນ​ມາ​ມອບ ເພື່ອ​ຊ່ວຍ­ເຫຼືອ​ຜູ້​ປະ­ສົບ​ໄພ​ນ້ຳ​ຖ້ວມ ແນ­ໃສ່​ປະ­ກອບ­ສ່ວນ​ເຮັດ​ໃຫ້­ການ​ແກ້​ໄຂ​ໄພ­ພິ­ບັດ ກໍ​ຄື ຜົນ​ກະ­ທົບ​ຕໍ່​ຊີ­ວິດ​ການ​ເປັນ​ຢູ່​ຂອງ​ຜູ້​ປະ­ສົບ​ໄພ​ນ້ຳ​ຖ້ວມ​ຢູ່​ທ້ອງ­ຖິ່ນ​ຕ່າງໆ ສາ­ມາດ​ຜ່ານ​ພົ້ນ​ໄປ​ໄດ້​ດ້ວຍ​ດີ ເຊິ່ງ​ເງິນ​ຊ່ວຍ­ເຫຼືອ​ດັ່ງ­ກ່າວ​ຈະ​ໄດ້​ນຳ­ໄປ​ມອບ ໃຫ້​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ​ເພື່ອ​ນຳ­ໄປ​ຊ່ວຍ­ເຫຼືອ​ບັນ­ເທົາ​ທຸກ​ໃຫ້​ຜູ້​ໄດ້​ຮັບ​ຜົນ​ກະ­ທົບ​ຢ່າງ​ທົ່ວ​ເຖິງ.

ຂ່າວທີ່ກ່ຽວຂ້ອງ