ນຳສະເໜີປຶ້ມ “ລົມຫາຍໃຈຂອງແຜ່ນດິນ” ສະທ້ອນຄວາມສຳຄັນດ້ານສິ່ງແວດລ້ອມ

212 23 ກ.ຍ. 2019 ຂ່າວໜ້າ​ໜຶ່ງ
ນຳສະເໜີປຶ້ມ “ລົມຫາຍໃຈຂອງແຜ່ນດິນ” ສະທ້ອນຄວາມສຳຄັນດ້ານສິ່ງແວດລ້ອມ

    ກົມ​ຂ່າວ­ສານ​ແມ່­ຍິງ​ລາວ ສູນ​ກາງ​ສະ­ຫະ­ພັນ​ແມ່­ຍິງ​ລາວ ຮ່ວມ​ກັບ​ສຳ­ນັກ​ພິມ​ລາວ​ດວງ​ເດືອນ ຈັດ​ພິ­ທີ ນຳ​ສະ­ເໜີ​ປຶ້ມ “ລົມ​ຫາຍ­ໃຈ​ຂອງ​ແຜ່ນ­ດິນ” ຂຶ້ນ​ວັນ​ທີ 19 ກັນ­ຍາ 2019 ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ມີ​ຫົວ­ໜ້າ​ກົມ-ຮອງ​ກົມ ປະ­ທານ-ຮອງ​ປະ­ທານ​ສະ­ມາ­ຄົມ​ນັກ​ປະ­ພັນ​ລາວ ຜູ້​ປະ­ສານ​ງານ​ກອງ​ທຶນ​ສິ່ງ​ແວດ ລ້ອມ​ໂລກ ແຜນ​ງານ​ໂຄງ­ການ​ຂະ­ໜາດ​ນ້ອຍ ຫົວ­ໜ້າ​ບັນ­ນາ­ທິ­ການ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ສາຍ­ສະ­ໝອນ ບຸດ​ດາ​ຣາ ຫົວ­ໜ້າ​ຂ່າວ­ສານ​ແມ່­ຍິງ​ລາວ ກ່າວ​ວ່າ: ປຶ້ມ “ລົມ​ຫາຍ­ໃຈ​ຂອງ​ແຜ່ນ­ດິນ” ໄດ້​ຮວບ​ຮວມ​ເອົາ​ບົດ​ຄວາມ-ຮູບ​ພາບ​ຈາກ​ຜູ້​ເຂົ້າ​ຮ່ວມ​ແຂ່ງ­ຂັນ​ພາຍ​ໃຕ້​ຫົວ­ຂໍ້ “ຄືນ​ຊີ­ວິດ​ສູ່​ທຳ​ມະ​ຊາດ” ກະ­ວີ​ກ້ອງ​ຮົ່ມ​ໄມ້​ຂອງ​ສາຍ​ດາ​ຣາ​ທີ່​ສະ­ທ້ອນ​ບັນ­ຫາ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ໃນ​ແງ່​ມຸມ​ຕ່າງໆ​ໃນ​ເວ­ລາ​ເຄື່ອນ​ໄຫວ​ໂຄງ­ການ ກໍ​ຄື ໃນ​ອາ­ຊີບ​ນັກ​ຂ່າວ​ເປັນ​ເວ­ລາ 11 ປີ ແລະ ໂຮມ​ກະ­ວີ​ເລື່ອງ­ສັ້ນ ນັກ​ຂຽນ​ຮ່ວມ​ສະ­ໄໝ​ໃນ​ວົງ​ຂອງ​ກຸ່ມ​ລາວ​ດວງ​ເດືອນ ເຊິ່ງ​ປຶ້ມ​ຫົວ​ນີ້​ໄດ້​ພິມ​ຈຳ­ໜ່າຍ​ສູ່​ສັງ­ຄົມ​ຄັ້ງ​ທີ 1 ໃນ​ວັນ​ທີ 1 ກໍ­ລະ­ກົດ 2019 ຈຳ­ນວນ 2.000 ເຫຼັ້ມ ຂະ­ໜາດ 14,8x21 ຊັງ​ຕີ​ແມັດ ມີ 277 ໜ້າ ພິມ​ທີ່​ໂຮງ­ພິມ​ປະ​ລິນ​ດາ ໂດຍ​ມີ​ທ່ານ​ນາງ ອິນ​ລາ​ວັນ ແກ້ວ​ບຸນ​ພັນ ປະ­ທານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ເປັນ​ທີ່​ປຶກ­ສາ ທ່ານ ບຸນ​ທະ​ນອງ ຊົມ​ໄຊ​ຜົນ ທ່ານ ສາຍ­ສະ­ໝອນ ບຸດ​ດາ​ຣາ ແລະ ທ່ານ ປັນ­ຍາ ພັນ­ທະ​ພາ­ນິດ ເປັນ​ຜູ້​ບັນ­ນາ­ທິ­ການ.

ຂ່າວທີ່ກ່ຽວຂ້ອງ