...ຄອບຄົວ ກັບບົດບາດແກ້ໄຂບັນຫາຢາເສບຕິດ...

5.388 20 ກ.ຍ. 2019 ນານາສາລະ

    ຂ່າວ​ນາ­ຍົກ​ສັ່ງ​ຖອນ​ຮ້ານ​ກິນ​ດື່ມ​ທີ່­ຢູ່​ໃກ້​ໂຮງ­ຮຽນ ນັ້ນ​ເປັນ​ການ​ເຫັນ­ແກ່​ປະ­ໂຫຍດ​ສ່ວນ​ໃຫຍ່​ຂອງ​ສັງ­ຄົມ ເພາະ​ຮ້ານ​ກິນ​ດື່ມ ບັນ­ເທີງ​ຕ່າງໆ ຕ້ອງ​ຕັ້ງ​ຢູ່​ເປັນ​ເຂດ​ຂອງ​ເຂົາ​ໃຜ​ຢາກ​ໄປ​ກໍ​ໄປ... ແຕ່​ຫ້າມ​ເຍົາ­ວະ​ຊົນ​ເຂົ້າ​ໄປ​ຫຍຸ້ງ​ກ່ຽວ ນີ້​ແມ່ນ​ມາດ​ຕະ­ການ​ແກ້​ປາ­ກົດ­ການ​ຫຍໍ້­ທໍ້​ໃນ​ໝູ່​ນັກ­ຮຽນ ແຕ່​ຍັງ​ມີ​ປາ­ກົດ­ການ​ທີ່​ມີ​ຂ່າວ​ບາງ​ຄົນ​ຖືກ​ວາງ­ຢາ ຈົນ​ໄປ​ຟື້ນ​ຢູ່​ໂຮງ­ໝໍ ດັ່ງ­ນັ້ນ ແຫຼ່ງ​ບັນ   ເທີງ​ກໍ​ຄວນ​ມີ​ລະ­ບຽບ​ຫ້າມ ຫຼື ກວດ­ກາ​ແຈ້ງ​ໃຫ້​ລູກ​ຄ້າ ເຖິງ​ໂທດ​ທີ່​ເກີດ​ຂຶ້ນ...!

    ຢາ​ເສບ​ຕິດ​ໄດ້​ປາ­ກົດ​ເປັນ​ປາ­ກົດ­ການ​ຫຍໍ້­ທໍ້​ທີ່​ຍັງ​ແກ້​ບໍ່​ຕົກ ຕາມ​ແຫຼ່ງ​ຂ່າວ ປກສ ໃຫ້​ຮູ້​ວ່າ: ທົ່ວ​ປະ­ເທດ​ມີ​ຄະ­ດີ​ເກີດ​ຂຶ້ນ​ທັງ​ໝົດ 165 ເລື່ອງ ຄະ­ດີ​ທົ່ວ​ໄປ 74 ເລື່ອງ ຄະ­ດີ​ຢາ​ເສບ​ຕິດ 81 ເລື່ອງ ເສດ­ຖະ­ກິດ 7 ເລື່ອງ ຄ້າ​ມະ­ນຸດ 3 ເລື່ອງ ແກ້​ໄຂ​ໄດ້ 142 ເລື່ອງ ກັກ​ຕົວ​ໄດ້ 196 ຄົນ ລົດ­ຈັກ​ເສຍ 29 ຄັນ ອຸ­ບັດ­ເຫດ​ທົ່ວ​ປະ­ເທດ 106 ຄັ້ງ ພາ­ຫະ­ນະ​ເປ່​ເພ 166 ຄັນ ບາດ­ເຈັບ 141 ຄົນ ເສຍ​ຊີ­ວິດ 25 ຄົນ ແລະ ເກີດ​ອັກ­ຄີ​ໄພ 2 ຄັ້ງ ສຳ­ລັບ​ນະ­ຄອນ­ຫຼວງ​ວຽງ​ຈັນ ມີ​ຄະ­ດີ​ເກີດ​ຂຶ້ນ​ທັງ​ໝົດ 58 ເລື່ອງ (ເພີ່ມ​ຂຶ້ນ 12 ເລື່ອງ) ອຸ­ບັດ­ເຫດ 27 ຄັ້ງ ເສຍ​ຊີ­ວິດ 7 ຄົນ..

    ບັນ­ຫາ​ຢາ​ເສບ​ຕິດ​ນີ້ ຝ່າຍ​ຄອບ­ຄົວ​ຕ້ອງ​ໄດ້​ເອົາ­ໃຈ­ໃສ່​ຕິດ­ຕາມ​ລູກ​ຫຼານ​ຂອງ​ຕົນ ອົບ­ຮົມ​ບອກ­ສອນ​ໃຫ້​ພວກ​ເຂົາ​ຮູ້​ໂທດ ແລະ ຜົນ​ເສຍ​ຫາຍ​ທີ່​ເກີດ​ຂຶ້ນ ສຳ­ຄັນ​ກໍ​ແມ່ນ​ບໍ່​ເຂົ້າ​ຂ້າງ ຫຼື ຮັກ​ລູກ​ຈົນ​ຫຼົງ​ວ່າ​ລູກ​ໂຕ​ເອງ​ເປັນ​ຝ່າຍ​ຖືກ​ໝົດ​ທຸກ​ຢ່າງ ເພາະ​ດ້ວຍ​ຄວາມ​ຮັກ​ແບບ​ຜິດໆ ຈຶ່ງ​ອອກ​ໜ້າ​ປົກ​ປ້ອງ​ລູກ ແຕ່​ບາດ​ເລື່ອງ​ບານ​ປາຍ​ຈິ່ງ​ແກ້ ບັນ­ຫາ​ຍາກ​ນີ້​ກໍ​ແມ່ນ​ຫາງ​ສຽງ​ທີ່​ພວກ​ເຮົາ​ມັກ­ໄດ້​ຍິນ​ນຳ​ກັນ.

    ສຳ­ລັບ​ປະ­ເດັນ​ສຳ­ຄັນ​ທີ່​ເປັນ​ຊ່ອງ​ທາງ​ໃຫ້​ໄວ​ລຸ້ນ?ເຍົາ­ວະ​ຊົນ ມົ້ວ​ສຸມ​ຢາ ຫຼື ກິນ​ດື່ມ​ມຶນ­ເມົາ ກໍ​ແມ່ນ​ບາງ​ຮ້ານ​ບັນ­ເທີງ ເຊິ່ງ​ບັນ­ຫາ​ແບບ​ນີ້​ຫຼາຍ​ປະ­ເທດ​ກໍ​ເປັນ​ຄື​ກັນ ສຳ­ຄັນ​ແມ່ນ​ພໍ່​ແມ່​ໃຫ້­ການ​ຮ່ວມ​ມື​ກັບ​ເຈົ້າ​ໜ້າ­ທີ່ ເວ­ລາ​ລູກ​ຫຼານ​ຢູ່​ບ້ານ​ເຮືອນ​ກໍ​ຕ້ອງ​ໄດ້​ໃຊ້​ເວ­ລາ​ໂອ້​ລົມ ບອກ­ສອນ​ເຂົາ­ເຈົ້າ ເຊິ່ງ​ການ​ໄດ້​ໃຊ້​ເວ­ລາ​ຢູ່​ຮ່ວມ​ກັນ​ຂອງ​ຄອບ­ຄົວ​ກໍ​ແມ່ນ​ວິ­ທີ​ທີ່​ດີ​ອັນ​ໜຶ່ງ ເພາະ​ຄອບ­ຄົວ​ແມ່ນ​ສະ​ຖາ​ບັນ​ຫຼັກ​ທີ່​ມີ​ບົດ­ບາດ​ສຳ­ຄັນ​ຊ່ວຍ​ກັນ​ແກ້​ໄຂ​ບັນ­ຫາ​ກັບ​ເຈົ້າ​ໜ້າ­ທີ່.

    ການ​ປ້ອງ​ກັນ​ແກ້​ໄຂ​ບັນ­ຫາ​ແຕ່​ຕົ້ນ ກໍ​ແມ່ນ​ເລີ່ມ​ຈາກ​ພໍ່​ແມ່​ຜູ້​ປົກ­ຄອງ​ອົບ­ຮົມ ບົ່ມ​ນິ­ໄສ ທາງ​ທີ່​ດີ​ແຕ່​ຍັງ​ນ້ອຍ ການ​ໃຊ້​ເວ­ລາ​ຮ່ວມ​ກັນ​ກັບ​ຄອບ­ຄົວ​ສຳ­ຄັນ​ຫຼາຍ ບໍ່​ເຫີ່​ງານ​ສັງ­ຄົມ​ເກີນ​ໄປ ບໍ່​ເຫີ່​ຫຼົງ​ສິດ­ທິ​ເກີນ​ໄປ ຈົນ​ລືມ​ຮີດ­ຄອງ ແລະ ສິນ​ລະ​ທຳ!.

ຂ່າວທີ່ກ່ຽວຂ້ອງ