ຂ່າວຫຼ້າສຸດ

ຍີ່ປຸ່ນ ຊະນະ ລາວ 4-0 ບານເຕະຄັດເລືອກ ຢູ-16 ຊີງແຊັມອາຊີ 2020

885 20 ກ.ຍ. 2019 ວົງຈອນກີລາ
ຍີ່ປຸ່ນ ຊະນະ ລາວ 4-0 ບານເຕະຄັດເລືອກ ຢູ-16 ຊີງແຊັມອາຊີ 2020

    ການ​ແຂ່ງ­ຂັນ​ບານ­ເຕະ​ຊາຍ ຮຸ່ນ​ອາ­ຍຸ​ບໍ່​ເກີນ 16 ປີ (U-16) ຊີງ​ແຊັມ​ອາ­ຊີ 2020 ຮອບ​ຄັດ​ເລືອກ ກຸ່ມ J ໂດຍ ລາວ ເປັນ​ເຈົ້າ­ພາບ ວັນ​ທີ 18-22 ກັນ­ຍາ 2019 ຢູ່​ສະ­ໜາມ​ກີ­ລາ​ແຫ່ງ​ຊາດ ເຊິ່ງ​ນັດ​ທຳ​ອິດ​ຂອງ U-16 ທີມ​ຊາດ​ລາວ ພົບ ຢູ-16 ທີມ​ຊາດ​ຍີ່­ປຸ່ນ ແຊັມ​ເກົ່າ ວັນ​ທີ 18 ກັນ­ຍາ 2019 ຍີ່­ປຸ່ນ ແບກ​ຄວາມ​ກົດ​ດັນ​ສົມ­ຄວນ​ກັບ​ການ​ມາ​ຄັດ​ເລືອກ​ຄັ້ງ​ນີ້ ເພາະ​ເປົ້າ​ໝາຍ​ຄື​ການ​ຮັກ­ສາ​ມູນ ເຊື້ອ​ເຂົ້າ​ຮອບ​ສຸດ​ທ້າຍ ຢູ່​ປະ­ເທດ​ບາ​ເຣນ ປີ 2020 ຂະ­ນະ​ທີ່ ຢູ-16 ທີມ​ຊາດ​ລາວ ກໍ​ແບກ​ຄວາມ​ກົດ​ດັນ​ເໝືອນ​ກັນ ແລະ ຫວັງ​ຈະ​ເຂົ້າ​ສູ່​ຮອບ​ສຸດ​ທ້າຍ​ອີກ​ຄັ້ງ ໃນ​ຮອບ 8 ປີ.

    ການ​ແຂ່ງ­ຂັນ​ນັດ​ນີ້ ຍີ່­ປຸ່ນ ເຮັດ​ໄດ້​ດີ​ກວ່າ ທັງ​ການ​ຄອບ​ຄອງ​ບານ ເກມ​ຮັບ ແລະ ເກມ​ບຸກ ແລະ ຄວາມ​ແມ້ນ​ຢຳ​ໃນ​ການ​ສົ່ງ​ບານ ຈົບ​ເຄິ່ງ​ເວ­ລາ​ທີ 1 ຍີ່­ປຸ່ນ ຂຶ້ນ​ນຳ ລາວ 2-0 ປະ­ຕູ ຈາກ ຮິ​ໂຣ​ໂຕະ ຊູ​ຊູ​ກິ ນາ­ທີໆ 25 ແລະ ໂຢ​ຊີ​ກິ ນາ​ຣາ​ຮາ​ຣະ ນາ­ທີໆ 26 ເຄິ່ງ​ເວ­ລາ​ຫຼັງ ຍີ່­ປຸ່ນ ໄດ້​ເພີ່ມ​ອີກ 2 ປະ­ຕູ ໃນ​ນາ­ທີໆ 63 ໄຕ​ຊິນ ຢາ​ມາ​ຊາ​ກິ ແລະ ຮິ​ໂຣ​ໂຕະ ຊູ​ຊູ​ກິ ນາ­ທີໆ 75 ຈົບ​ເກມ ຍີ່­ປຸ່ນ ຊະ­ນະ ລາວ 4-0 ປະ­ຕູ ສ່ວນ​ອີກ 1 ຄູ່ ໃນ​ກຸ່ມ​ດຽວ​ກັນ ແມ່ນ ມາ​ເລ​ເຊຍ ຊະ­ນະ ກຳ­ປູ­ເຈຍ 7-0 ປະ­ຕູ.

    ສຳ­ລັບ​ນັດ​ທີ 2 ຂອງ​ກຸ່ມ​ນີ້ ຈະ​ແຂ່ງ­ຂັນ​ວັນ​ທີ 20 ກັນ­ຍາ ທີ່​ຈະ​ມາ​ເຖິງ ໂດຍ​ກຳ­ປູ­ເຈຍ ພົບ ຍີ່­ປຸ່ນ ເວ­ລາ 15:00 ໂມງ ລາວ ພົບ ມາ​ເລ​ເຊຍ ເວ­ລາ 18:30 ໂມງ ຢູ່​ສະ­ໜາມ​ກີ­ລາ​ແຫ່ງ​ຊາດ.

ຂ່າວທີ່ກ່ຽວຂ້ອງ