ຂ່າວຫຼ້າສຸດ

ເຂດເສດຖະກິດພິເສດສາມຫຼ່ຽມຄຳ ມອບເງິນ 3 ຕື້ກີບ ຊ່ວຍເຫຼືອຜູ້ປະສົບໄພນ້ຳຖ້ວມ

434 19 ກ.ຍ. 2019 ຂ່າວໜ້າ​ໜຶ່ງ
ເຂດເສດຖະກິດພິເສດສາມຫຼ່ຽມຄຳ ມອບເງິນ 3 ຕື້ກີບ ຊ່ວຍເຫຼືອຜູ້ປະສົບໄພນ້ຳຖ້ວມ

    ເຂດ​ເສດ­ຖະ­ກິດ​ພິ­ເສດ​ສາມ­ຫຼ່ຽມ​ຄຳ ນຳ​ເງິນ 3 ຕື້​ກີບ ມາ​ມອບ​ໃຫ້​ລັດ­ຖະ­ບານ ເພື່ອ​ນຳ­ໄປ​ຊ່ວຍ­ເຫຼືອ​ຜູ້ ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຢູ່​ພາກ​ກາງ ແລະ ພາກ​ໃຕ້​ຂອງ​ລາວ ໃນ​ວັນ​ທີ 17 ກັນ­ຍາ 2019 ຢູ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ເຊິ່ງ​ມອບ​ໂດຍ​ທ່ານ ຈ້າວ ເຫວີຍ ປະ­ທານ​ສະ­ພາ​ບໍ­ລິ­ຫານ​ເຂດ​ເສດ­ຖະ­ກິດ​ພິ­ເສດ​ສາມ­ຫຼ່ຽມ​ຄຳ ແລະ ຮັບ​ໂດຍ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ມີ​ທ່ານ ເພັດ ພົມ​ພິ​ພັກ ລັດ​ຖະ ມົນ­ຕີ ຫົວ­ໜ້າ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ເຂດ​ເສດ­ຖະ­ກິດ​ພິ­ເສດ​ສາມ­ຫຼ່ຽມ​ຄຳ ຕັ້ງ​ຢູ່​ເມືອງ​ຕົ້ນ​ເຜິ້ງ ແຂວງ​ບໍ່​ແກ້ວ ສ້າງ­ຕັ້ງ​ປີ 2007 ມີ​ເນື້ອ­ທີ່ 3.000 ເຮັກ­ຕາ ມູນ​ຄ່າ​ການ​ລົງ­ທຶນ 86,6 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 761,16 ຕື້​ກີບ ອາ­ຍຸ​ສຳ​ປະ ທານ 99 ປີ ໂດຍ​ແມ່ນ​ລັດ­ຖະ­ບານ ສປປ ລາວ ຮ່ວມ​ກັບ​ເອ­ກະ​ຊົນ ສປ ຈີນ ເປັນ​ຜູ້​ພັດ­ທະ­ນາ ເຂດ​ເສດ ຖະ​ກິດ​ພິ­ເສດ​ສາມ­ຫຼ່ຽມ​ຄຳ ເປັນ​ເຂດ​ເສດ­ຖະ­ກິດ​ທີ່​ປະ­ກອບ​ມີ​ຫຼາຍ​ກິດ­ຈະ­ການ​ໃນ​ການ​ລົງ­ທຶນ ແລະ ມີ​ຄວາມ​ເຂັ້ມ­ແຂງ ໄລ­ຍະ​ຜ່ານ​ມາ​ໄດ້​ປະ­ກອບ­ສ່ວນ​ສຳ­ຄັນ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ ສປປ ລາວ ໂດຍ​ສະ­ເພາະ ການ​ພັດ­ທະ­ນາ​ດ້ານ​ພື້ນ­ຖານ​ໂຄງ​ລ່າງ ການ​ສຶກ​ສາ ແລະ ຂະ­ແໜງ­ການ​ອື່ນໆ ຢູ່​ແຂວງ​ທ້ອງ­ຖິ່ນ​ຈຳ­ນວນ​ຫຼາຍ​ຕື້​ກີບ​ຕໍ່​ປີ.

    ທ່ານ​ນາ­ຍົກ­ລັດ­ຖະ­ມົນ­ຕີ ໄດ້​ແຈ້ງ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ປີ​ນີ້​ແມ່ນ​ໜັກ­ໜ່ວງ ແລະ ກວມ​ເອົາ​ພື້ນ​ທີ່​ກວ້າງ­ຂວາງ ສ້າງ​ຄວາມ​ເສຍ​ຫາຍ​ຕໍ່​ຊີ­ວິດ ແລະ ຊັບ​ສິນ​ຂອງ​ປະ­ຊາ­ຊົນ​ເປັນ​ຈຳ­ນວນ​ຫຼວງ­ຫຼາຍ ເຊິ່ງ​ລັດ​ຖະ ບານ ກໍ​ຄື ຂະ­ແໜງ­ການ ທ້ອງ­ຖິ່ນ ແລະ ພາກ­ສ່ວນ​ຕ່າງໆ ໄດ້​ສຸມ​ໃສ່​ຊ່ວຍ­ເຫຼືອ​ຜູ້​ໄດ້​ຮັບ​ຜົນ​ກະ­ທົບ​ດັ່ງ­ກ່າວ​ຢ່າງ​ຕັ້ງ­ໜ້າ ພ້ອມ​ນີ້ ທ່ານ​ນາ­ຍົກ­ລັດ­ຖະ­ມົນ­ຕີ​ຍັງ​ໄດ້​ສະ­ແດງ​ຄວາມ​ຂອບ­ໃຈ​ຕໍ່​ທ່ານ ຈ້າວ ເຫວີຍ ກໍ​ຄື ຄະ­ນະ​ຜູ້​ບໍ­ລິ­ຫານ ແລະ ພະ­ນັກ­ງານ​ເຂດ​ເສດ­ຖະ­ກິດ​ພິ­ເສດ​ສາມ­ຫຼ່ຽມ​ຄຳ ທີ່​ໄດ້​ນຳ​ເອົາ​ເງິນ​ມາ​ມອບ​ເພື່ອ​ຊ່ວຍ­ເຫຼືອ​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຄັ້ງ​ນີ້ ເຊິ່ງ​ຈະ​ປະ­ກອບ­ສ່ວນ​ເຮັດ​ໃຫ້​ເຂົາ­ເຈົ້າ​ມີ​ກຳ­ລັງ​ໃຈ ແກ້​ໄຂ​ຜົນ​ກະ­ທົບ ແລະ ຟື້ນ​ຟູ​ຊີ­ວິດ​ການ​ເປັນ​ຢູ່​ກັບ​ຄືນ​ສູ່​ສະ­ພາບ​ປົກ­ກະ­ຕິ​ໂດຍ​ໄວ ພ້ອມ​ທັງ​ຢືນ­ຢັນ​ວ່າ ລັດ­ຖະ­ບານ​ຈະ​ນຳ​ເງິນ​ຈຳ­ນວນ​ດັ່ງ­ກ່າວ​ມອບ​ໃຫ້​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ເພື່ອ​ນຳ­ໄປ​ຊ່ວຍ­ເຫຼືອ​ບັນ­ເທົາ​ທຸກ​ໃຫ້​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຢູ່​ທ້ອງ­ຖິ່ນ​ຕ່າງໆ​ໃຫ້​ທົ່ວ​ເຖິງ.

    ໂອ­ກາດ​ດຽວ​ກັນ​ນີ້ ທ່ານ​ນາ­ຍົກ­ລັດ­ຖະ­ມົນ­ຕີ​ຍັງ​ໄດ້​ຮັບ​ເງິນ​ຊ່ວຍ­ເຫຼືອ​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ຢູ່​ພາກ​ກາງ ແລະ ພາກ​ໃຕ້​ຂອງ​ລາວ ຈາກ​ທ່ານ Sun Fenglei ຜູ້­ອຳ­ນວຍ­ການ​ທະ­ນາ­ຄານ ICBC ຈຳ­ນວນ 180.000 ໂດ​ລາ​ສະ­ຫະ­ລັດ ຫຼື ປະ­ມານ 1,58 ຕື້​ກີບ ແລະ ທ່ານ Florent Perrot ຮອງ​ຜູ້­ອຳ­ນວຍ­ການ​ບໍ­ລິ­ສັດ​ໄຟ­ຟ້າ​ນ້ຳ​ເທີນ ຈຳ­ນວນ 1 ຕື້​ກີບ ຕື່ມ​ອີກ.

ຂ່າວທີ່ກ່ຽວຂ້ອງ