ຂ່າວຫຼ້າສຸດ

ຮ່ວມໃຈບໍລິຈາກສິ່ງຂອງແກ່ຜູ້ປະສົບໄພພິບັດ

213 19 ກ.ຍ. 2019 ຂ່າວໜ້າ​ໜຶ່ງ
ຮ່ວມໃຈບໍລິຈາກສິ່ງຂອງແກ່ຜູ້ປະສົບໄພພິບັດ

    ປັດ­ຈຸ­ບັນ ປະ­ຊາ­ຊົນ​ຢູ່​ແຂວງ​ພາກ​ກາງ ແລະ ພາກ​ໃຕ້​ຂອງ​ລາວ ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຫຼາຍ​ພັນ​ຄອບ­ຄົວ ມີ​ຄວາມ​ຕ້ອງ­ການ​ການ​ຊ່ວຍ­ເຫຼືອ​ຢ່າງ​ເລັ່ງ​ດ່ວນ​ຈາກ​ພາກ​ລັດ ເອ­ກະ​ຊົນ ແລະ ຜູ້​ທີ່​ໃຈ​ບຸນ​ທັງ­ຫຼາຍ ເປັນ­ຕົ້ນ ເຄື່ອງ­ນຸ່ງ​ຫົ່ມ ຢາ​ປົວ​ພະ­ຍາດ ເຄື່ອງ​ອຸ­ປະ­ໂພກ-ບໍ­ລິ­ໂພກ ແລະ ເຄື່ອງ­ໃຊ້​ສອຍ​ທີ່​ຈຳ­ເປັນ​ໃນ​ຊີ­ວິດ​ປະ­ຈຳ​ວັນ.

    ວັນ​ທີ 18 ກັນ­ຍາ 2019 ຢູ່​ຫໍ​ວັດ­ທະ­ນະ­ທຳ​ແຫ່ງ​ຊາດ 3 ອົງ​ການ­ຈັດ­ຕັ້ງ​ມະ­ຫາ­ຊົນ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ (ຖວ​ທ) ໄດ້​ຈັດ​ຂະ​ບວນ​ການ​ປຸກ­ລະ­ດົມ​ນ້ຳ­ໃຈ​ເພື່ອ​ຊ່ວຍ­ເຫຼືອ​ຜູ້​ປະ­ສົບ​ໄພ​ນ້ຳ​ຖ້ວມ​ຢູ່​ພາກ​ກາງ ແລະ ພາກ​ໃຕ້​ຂອງ​ລາວ ໂດຍ​ມີ​ທ່ານ ບົວ​ເງິນ ຊາ​ພູ​ວົງ ຮອງ​ລັດ­ຖະ­ມົນ­ຕີ​ກະ­ຊວງ ຖວ​ທ ພ້ອມ​ບັນ­ດາ​ຫົວ­ໜ້າ​ກົມ ຫ້ອງ­ການ ແລະ ພະ­ນັກ­ງານ​ຫຼັກ​ແຫຼ່ງ​ເຂົ້າ​ຮ່ວມ.

    ການ​ປຸກ­ລະ­ດົມ​ການ​ຊ່ວຍ­ເຫຼືອ​ຄັ້ງ​ນີ້ ແຕ່​ລະ​ກົມ​ກອງ ຫ້ອງ­ການ ພະ­ແນກ­ການ ແລະ ພະ­ນັກ­ງານ​ອ້ອມ​ຂ້າງ​ກະ­ຊວງ ຖວ​ທ ໄດ້​ນຳ​ເຄື່ອງ­ນຸ່ງ​ຫົ່ມ ໝີ່ ປ໋ອງ​ປາ ເຂົ້າ­ສານ ນ້ຳ​ດື່ມ ແລະ ເງິນ​ຈຳ­ນວນ​ໜຶ່ງ​ມາ​ມອບ​ໃຫ້ ເພື່ອ​ນຳ​ເຄື່ອງ​ຊ່ວຍ­ເຫຼືອ​ດັ່ງ­ກ່າວ​ໄປ​ຊ່ວຍ​ບັນ­ເທົາ​ທຸກ​ໃຫ້​ຜູ້​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ພິ ບັດ.

ຂ່າວທີ່ກ່ຽວຂ້ອງ