ຂ່າວຫຼ້າສຸດ

ປູເປ້ ຄວ້າແຊັມລາຍການທີ 3 ສົ່ງທ້າຍເທັນນິສ ຢູ່ຝຣັ່ງ

823 19 ກ.ຍ. 2019 ວົງຈອນກີລາ
ປູເປ້ ຄວ້າແຊັມລາຍການທີ 3 ສົ່ງທ້າຍເທັນນິສ ຢູ່ຝຣັ່ງ

    ນາງ ອາ​ລິ​ຍາ ວົງ​ດາ­ລາ (ປູ​ເປ້) ນັກ​ເທັນ​ນິ​ສ​ເຍົາ­ວະ​ຊົນ​ລາວ ອາ­ຍຸ 14 ປີ ຍັງ​ສືບ­ຕໍ່​ສ້າງ​ຜົນ­ງານ​ໄດ້​ຢ່າງ​ໂດດ​ເດັ່ນ​ຕໍ່​ເນື່ອງ ໃນ​ການ​ເດີນ­ທາງ​ໄປ​ເກັບ​ໂຕ​ເຝິກ­ຊ້ອມ ແລະ ແຂ່ງ­ຂັນ​ຢູ່​ປະ­ເທດ​ຝຣັ່ງ ວັນ​ທີ 18 ສິງ­ຫາ-23 ກັນ­ຍາ 2019 ໂດຍ​ໄດ້​ລົງ​ແຂ່ງ­ຂັນ​ລາຍ­ການ TEYRAN TOURNOI OPEN 2019 ໃນ​ອາ­ທິດ​ຜ່ານ​ມາ ສາ­ມາດ​ຜ່ານ​ເຂົ້າ​ຮອບ​ຊີງ​ຊະ­ນະ​ເລີດ.

    ສຳ­ລັບ​ການ​ແຂ່ງ­ຂັນ​ລາຍ­ການ​ນີ້ ປູ​ເປ້ ໄດ້​ສິດ​ຢືນ​ຖ້າ​ໃນ​ຮອບ 8 ຄົນ​ສຸດ​ທ້າຍ ແລະ ເອົາ​ຊະ­ນະ Laetitia MUS ຈາກ​ສະ­ໂມ­ສອນ TC VANDARGUES 2-0 ເຊັດ 6-2 ທັງ​ສອງ​ເຊັດ ເຂົ້າ​ສູ່​ຮອບ​ຮອງ​ຊະ­ນະ​ເລີດ ເອົາ​ຊະ­ນະ Lea DELORME ຈາກ​ສະ­ໂມ­ສອນ TC MONTPELIER 2-0 ເຊັດ 6-3 ແລະ 6-2 ເຂົ້າ​ສູ່​ຮອບ​ຊີງ​ຊະ­ນະ​ເລີດ ພົບ​ກັບ Aline COULERIE ຈາກ​ສະ­ໂມ­ສອນ ASPTT MONTPELIER ວັນ​ທີ 13 ກັນ­ຍາ 2019 ເຊິ່ງ ປູ​ເປ້ ເອົາ​ຊະ­ນະ 2-0 ເຊັດ 7-6 ແລະ 6-3 ຄວ້າ​ຂັນ​ຊະ­ນະ​ເລີດ ແລະ ເງິນ​ລາ­ງວັນ 200 ເອີ​ໂຣ ຫຼື ປະ­ມານ 1,94 ລ້ານ​ກີບ.

    ປູ​ເປ້ ຄວ້າ​ແຊັມ​ລາຍ­ການ​ທີ 3 ຈາກ 6 ລາຍ­ການ​ທີ່​ເຂົ້າ​ຮ່ວມ ຕໍ່​ຈາກ​ລາຍ­ການ Tennispro Cup 2019 ແລະ Tennis Club Tournament Loupian TC 34 2019 ສ່ວນ​ອີກ 3 ລາຍ ການ​ສາ­ມາດ​ເຂົ້າ​ເຖິງ​ຮອບ​ຮອງ​ຊະ­ນະ​ເລີດ ຄື: ລາຍ­ການ Tournoi TC JACOU 2019 ລາຍ­ການ TMC les raquette de la dépêche 2019 (ຂອດ​ດິນ) ແລະ ລາຍ­ການ Montpelier ASPTT Tennis TOURNOI Open 2019 (ແຂ່ງ​ໃນ​ຮົ່ມ​ຄັ້ງ​ທຳ​ອິດ​ຂອງ​ປູ​ເປ້).

ຂ່າວທີ່ກ່ຽວຂ້ອງ