ລາວ ໂຕໂຢຕ້າ ຄວ້າແຊັມບານເຕະ ເປບຊີ ລາວ ພຣີເມຍລີກ ສະໄໝທີ 4

527 18 ກ.ຍ. 2019 ວົງຈອນກີລາ
ລາວ ໂຕໂຢຕ້າ ຄວ້າແຊັມບານເຕະ ເປບຊີ ລາວ ພຣີເມຍລີກ ສະໄໝທີ 4

    ສະ­ໂມ­ສອນ ລາວ ໂຕ​ໂຢ​ຕ້າ ເອັຟ​ຊີ ແຊັມ 3 ສະ­ໄໝ ເປີດ​ບ້ານ​ເອົາ​ຊະ­ນະ ສະ­ໂມ­ສອນ ກະຊວງ​ປ້ອງ​ກັນ​ຄວາມ​ສະ­ຫງົບ (ປກສ) ເອັຟ​ຊີ 4-0 ປະ­ຕູ ຄວ້າ​ແຊັມ​ການ​ແຂ່ງ­ຂັນ​ເຕະ­ບານ ເປບ​ຊີ ລາວ ພຣີ​ເມຍ​ລີກ ປີ 2019 ໄປ​ຄອງ ແລະ ຍັງ​ເປັນ​ແຊັມ​ສະ­ໄໝ​ທີ 4 ໃນ​ລາຍ­ການ​ເຕະ­ບານ​ລີກ​ສູງ​ສຸດ​ຂອງ​ປະ­ເທດ ໃນ​ວັນ​ທີ 14 ກັນ­ຍາ 2019 ຢູ່​ສະ­ໜາມ​ກີ­ລາ​ແຫ່ງ​ຊາດ.

    ການ​ແຂ່ງ­ຂັນ​ເປບ​ຊີ ລາວ ພຣີ​ເມຍ​ລີກ ປີ 2019 ປະ­ກອບ​ມີ ເລີ່ມ​ແຂ່ງ­ຂັນ​ວັນ​ທີ 23 ກຸມ­ພາ-14 ກັນ­ຍາ 2019 ເຊິ່ງ​ມີ 8 ສະ­ໂມ­ສອນ ເຂົ້າ​ຮ່ວມ ຜ່ານ​ການ​ແຂ່ງ­ຂັນ 15 ນັດ ຊະ­ນະ​ເລີດ​ແມ່ນ ລາວ ໂຕ​ໂຢ​ຕ້າ ເອັຟ​ຊີ ຊະ­ນະ 12 ສະ­ເໝີ 1 ເສຍ 2 ນັດ ມີ 37 ຄະ­ແນນ ໄດ້​ຮັບ​ເງິນ​ລາ­ງວັນ 300 ລ້ານ​ກີບ ພ້ອມ​ທັງ​ສິດ​ໄປ​ແຂ່ງ­ຂັນ AFC CUP 2020 ສ່ວນ​ຮອງ​ແຊັມ ແມ່ນ​ສະ­ໂມ­ສອນ ມາ​ສ​ເຕີ ເຊ​ເວັນ ເອັຟ​ຊີ ຊະ­ນະ 9 ນັດ ສະ­ເໝີ 2 ນັດ ເສຍ 4 ນັດ ມີ 29 ຄະ­ແນນ ໄດ້​ຮັບ​ເງິນ​ລາ­ງວັນ 200 ລ້ານ​ກີບ ພ້ອມ​ທັງ​ໄດ້​ສິດ​ໄປ​ແຂ່ງ­ຂັນ AFC CUP 2020 ຮອບ​ຄັດ​ເລືອກ ອັນ​ດັບ 3 ສະ​ໂມ ສອນ ຊ້າງ​ນ້ອຍ ເອັຟ​ຊີ ຊະ­ນະ 9 ນັດ ສະ­ເໝີ 4 ນັດ ເສຍ 3 ນັດ ມີ 28 ຄະ­ແນນ ຮັບ​ເງິນ​ລາ­ງວັນ 100 ລ້ານ​ກີບ ອັນ​ດັບ 4 ສະ­ໂມ­ສອນ ປກສ ເອັຟ​ຊີ ຊະ­ນະ 4 ນັດ ສະ­ເໝີ 3 ນັດ ເສຍ 8 ນັດ ມີ 15 ຄະ­ແນນ ຮັບ​ເງິນ​ລາ­ງວັນ 20 ລ້ານ​ກີບ ອັນ​ດັບ 5 ສະ­ໂມ­ສອນ ກອງ­ທັບ ເອັຟ​ຊີ ຊະ­ນະ 2 ນັດ ສະເໝີ 4 ນັດ ເສຍ 9 ນັດ ມີ 10 ຄະ­ແນນ ຮັບ​ເງິນ​ລາ­ງວັນ 10 ລ້ານ​ກີບ.

ຂ່າວທີ່ກ່ຽວຂ້ອງ