ລາວ ຕ້ອນຮັບຂະບວນລົດຄາຣາວານ ຈີນ-ອາຊຽນ

219 17 ກ.ຍ. 2019 ຂ່າວໜ້າ​ໜຶ່ງ
ລາວ ຕ້ອນຮັບຂະບວນລົດຄາຣາວານ ຈີນ-ອາຊຽນ

    ພິ­ທີ​ຕ້ອນ­ຮັບ​ຂະ​ບວນ​ລົດ​ຄາ​ຣາ​ວານ​ກີ­ລາ-ກາ​ຍະ​ກຳ​ມວນ​ຊົນ​ການ­ທ່ອງ­ທ່ຽວ ລາວ-ຈີນ ອາ​ຊຽນ ແລະ ການ​ແຂ່ງ­ຂັນ​ລົດ ຈີນ-ອາ​ຊຽນ ແລະ ການ​ແຂ່ງ­ຂັນ​ສື່​ມວນ​ຊົນ​ຈີນ-ອາ​ຊຽນ ປະ­ຈຳ​ປີ 2019 ຈັດ​ຂຶ້ນ​ວັນ​ທີ 16 ກັນ­ຍາ 2019 ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ທ່ານ Xie qiang ຮອງ​ຫົວ­ໜ້າ​ພະ​ແນກ​ກີ­ລາ ແຂວງ​ກວາງ­ຊີ ປະ­ທານ​ຜູ້​ຊີ້​ນຳ​ການ​ແຂ່ງ­ຂັນ ພ້ອມ​ດ້ວຍ​ຂະ­ແໜງ­ການ​ກ່ຽວ­ຂ້ອງ ລາວ-ຈີນ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ສີ­ທາດ ຈັນ­ທະ​ບູ​ລີ ກ່າວ​ວ່າ: ໂດຍ​ປະ­ຕິ­ບັດ​ຕາມ​ໜັງ­ສື​ແຈ້ງ​ການ​ຂອງ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ ລັດ­ຖະ­ມົນ­ຕີ ວ່າ​ດ້ວຍ​ການ​ເຫັນ​ດີ​ອະ­ນຸ­ມັດ​ໃຫ້​ກະ­ຊວງ ສສກ ຈັດ​ຕັ້ງ​ນຳ­ພາ​ລົດ​ຄາ​ຣາ​ວານ​ການ­ທ່ອງ­ທ່ຽວ ຈີນ-ອາ ຊຽນ ປະ­ຈຳ​ປີ 2019 ຜ່ານ ສປປ ລາວ ເຊິ່ງ​ມື້­ນີ້​ຕົນ​ໄດ້​ຕາງ­ໜ້າ​ໃຫ້​ກະ­ຊວງ ສສກ ຕ້ອນ­ຮັບ​ຂະ​ບວນ​ກີ­ລາ ຄາ​ຣາ​ວານ​ການ­ທ່ອງ­ທ່ຽວ ຈີນ-ອາ​ຊຽນ ປະ­ຈຳ​ປີ 2019 ພ້ອມ​ແຂ່ງ­ຂັນ​ລົດ​ຄາ​ຣາ​ວານ ຈີນ-ອາ​ຊຽນ ແລະ ແຂ່ງ­ຂັນ​ສື່​ມວນ​ຊົນ ຈີນ-ອາ​ຊຽນ ເຊິ່ງ​ຂະ​ບວນ​ລົດ​ຄາ​ຣາ​ວານ​ຄັ້ງ​ນີ້​ມີ​ຄວາມ​ໝາຍ​ສຳ­ຄັນ ເພື່ອ​ສົ່ງ­ເສີມ​ດ້ານ​ພົວ­ພັນ ຕິດ­ຕໍ່​ສື່ ສານ​ວຽກ​ງານ​ກີ­ລາ​ກາ​ຍະ​ກຳ ກ່ຽວ​ກັບ​ການ​ພົວ­ພັນ​ຮ່ວມ​ມື ລະ­ຫວ່າງ​ປະ­ເທດ​ຈີນ ກັບ​ປະ­ເທດ​ສະ­ມາ­ຊິກ​ອາ​ຊຽນ ດ້ານ​ການ​ສົ່ງ­ເສີມ​ກີ­ລາ​ກາ​ຍະ​ກຳ​ມວນ​ຊົນ ວັດ­ທະ­ນະ­ທຳ​ທ່ອງ​ທ່ຽວ ເສດ­ຖະ­ກິດ ທຸ­ລະ​ກິດ ແລະ ອື່ນໆ.

    ທ່ານ Xie qiang ກ່າວ​ວ່າ: ປີ​ນີ້​ເປັນ​ປີ​ທີ່​ຈີນ ແລະ ອາ​ຊຽນ ໄດ້​ສ້າງ­ຕັ້ງ​ຄູ່​ຮ່ວມ​ມື​ຍຸດ​ທະ​ສາດ ຄົບ­ຮອບ 16 ປີ ເປັນ​ປີ​ແຫ່ງ​ການ​ສ້າງ­ຕັ້ງ​ສາຍ​ພົວ­ພັນ​ທາງ​ການ​ທູດ ລາວ-ຈີນ ຄົບ­ຮອບ 58 ປີ ການ​ແຂ່ງ­ຂັນ​ຄັ້ງ​ນີ້​ໄດ້​ເດີນ­ທາງ​ມາ​ເຖິງ​ນະ­ຄອນ­ຫຼວງ​ວຽງ​ຈັນ ເປັນ​ເຫດ­ການ​ສຳ­ຄັນ​ເພື່ອ​ຊຸກ­ຍູ້​ການ​ຮ່ວມ​ມື ຈີນ ແລະ ອາ​ຊຽນ ບໍ່​ພຽງ​ແຕ່​ເປັນ​ການ​ແຂ່ງ​ລົດ​ແບບ​ມ່ວນ­ຊື່ນ​ເທົ່າ​ນັ້ນ ຍັງ​ຈະ​ຈັດ­ການ​ແຂ່ງ­ຂັນ​ຢູ່​ນະ­ຄອນ­ຫຼວງ​ວຽງ​ຈັນ ເຊິ່ງ​ຈັດ​ຂຶ້ນ​ໂດຍ​ສະ­ພາ​ການ​ຄ້າ​ຈີນ ປະ­ຈຳ​ນະ­ຄອນ­ຫຼວງ​ວຽງ​ຈັນ.

    ຈາກ​ນັ້ນ ທ່ານ ສີ­ທາດ ຈັນ­ທະ​ບູ​ລີ ທ່ານ ເຊີ​ສຽງ ແລະ ພາກ­ສ່ວນ​ກ່ຽວ­ຂ້ອງ ກໍ​ໄດ້​ຮ່ວມ​ເປີດ​ການ​ແຂ່ງ­ຂັນ​ລົດ ຈີນ-ອາ​ຊຽນ ຂີ່​ອ້ອມ​ນະ­ຄອນ­ຫຼວງ​ວຽງ​ຈັນ ແລະ ວັນ​ທີ 17 ກັນ­ຍາ 2019 ຂະ​ບວນ​ລົດ​ດັ່ງ­ກ່າວ ຈະ​ເດີນ­ທາງ​ໄປ​ຜ່ານ​ປະ­ເທດ​ໄທ.

ຂ່າວທີ່ກ່ຽວຂ້ອງ