ຕຳຫຼວດ​ໃນ​ຮົງ​ກົງ​ ຍິງ​​ແກ​​ັສ​ນ້ຳ​ຕາ​ເພື່ອ​ສະຫຼາຍ​ກຸ່ມ​ຜູ້​ປະ​ທ້ວງ​ຢູ່​ໃກ້​ກັບ​ສຳນັກ​ງານ​ຂອງ​ທາງ​ການ

155 17 ກ.ຍ. 2019 ຂ່າວຕ່າງປະເທດ
ຕຳຫຼວດ​ໃນ​ຮົງ​ກົງ​ ຍິງ​​ແກ​​ັສ​ນ້ຳ​ຕາ​ເພື່ອ​ສະຫຼາຍ​ກຸ່ມ​ຜູ້​ປະ​ທ້ວງ​ຢູ່​ໃກ້​ກັບ​ສຳນັກ​ງານ​ຂອງ​ທາງ​ການ

    ວັນ​ທີ 15 ກັນຍາ​ນີ້ ບັນດາ​ຜູ້​ປະ​ທ້ວງ​ຫົວ​ຮຸນ​ແຮງ ໄດ້​ວາງ​ເພີງ ແກວ່ງ​ລະເບີດ​ເຊື້ອ​ໄຟ ຢູ່​ຕາມ​ຖະໜົນ​ຫຼາຍ​ສາຍ ໃນ​ຄຸ້ມ​ເມືອງ Central ແລະ  Admiralty ບ່ອນ​ທີ່​ມີ​ສຳນັກງານ​ອົງການ ຂອງ​ອຳນາດ​ການ​ປົກຄອງ​ຮົງ​ກົງ (ຈີນ) ຕັ້ງ​ຢູ່.

    ໃນ​ຂະນະ​ດຽວ​ກັນ ມີ​ຜູ້​ປະ​ທ້ວງ​ຈຳນວນ​ໜຶ່ງ ໄດ້​ໄປ​ທຳລາຍ ແລະ ກີດ​ກັນ​ທາງ​ເຂົ້າ-ອອກ​ຂອງ​ສະຖານີ​ລົດໄຟ​ຟ້າ Admiralty. ມີ​ຜູ້​ປະ​ທ້ວງ​ອີກ​ຈຳນວນ​ໜຶ່ງ ໄດ້​ແກວ່ງ​ຂີ້​ເຫຍື້ອ ໃນ​ນັ້ນ​ມີ​ທັງ​ກ້ອນ​ດິນຈີ່ ໄປ​ທາງ​ທິດ​ສຳນັກງານ​ອົງການ​ຂອງ​ທາງ​ການ​ຮົງ​ກົງ.

    ຈາກ​ສະພາບ​ການ​ຄື​ດັ່ງກ່າວ ຕຳຫຼວດ​ຮົງ​ກົງ ຕ້ອງ​ໄດ້​ນຳ​ໃຊ້​ແກ​​ັສ​ນ້ຳ​ຕາ ເພືອ​ສະຫຼາຍ​ກຸ່ມ​ຜູ້​ປະ​ທ້ວງ ພ້ອມ​ກັນ​ນັ້ນ​ກໍ​ແຈ້ງ​ເຕືອນ​ໃຫ້​ຜູ້​ປະ​ທ້ວງ​ຢຸດຕິ​ທຸກໆ​ການ​ກະທຳ ທີ່​ເປັນ​ການ​ລະເມີດ​ກົດໝາຍ ແລະ ໃຫ້​ອອກ​ໄປ​ຈາກ​ທີ່​ເກີດ​ເຫດ​ນັ້ນ​ທັນທີ.

    ນອກຈາກ​ນັ້ນແລ້ວ ທາງ​ການ​ຕຳຫຼວດ​ກໍ​ໄດ້​ຈັດ​ໃຫ້​ຕຳຫຼວດ​ປາບ​ຈາລະ​ຈົນ ປະມານ 200 ຄົນ ລົດ​ສີດ​ນ້ຳ​ອັດ​ແຮງ 2 ຄັນ ລົດ​ຫຸ້ມ​ເກາະ 2 ຄັນ ໄປ​ປະຕິບັດ​ໜ້າທີ່​ຢູ່​ໃກ້​ກັບ​ຫ້ອງການ​ຕິດຕໍ່​ຂອງ​ຈີນ ປະຈຳ​ຮົງ​ກົງ ເພື່ອ​ສະກັດ​ກັ້ນ​ຜູ້​ປະ​ທ້ວງ.

ຂ່າວທີ່ກ່ຽວຂ້ອງ