ຂ່າວຫຼ້າສຸດ

ຜູ້ນຳ​ຊີ​ຣີ ​ໃຫ້​ອະ​ໄພ​ໂທດ ​ແລະ ​ ຫຼຸດ​ໂທດ​ໃຫ້​ແກ່​ນັກ​ໂທດ

174 17 ກ.ຍ. 2019 ຂ່າວຕ່າງປະເທດ
ຜູ້ນຳ​ຊີ​ຣີ ​ໃຫ້​ອະ​ໄພ​ໂທດ  ​ແລະ ​ ຫຼຸດ​ໂທດ​ໃຫ້​ແກ່​ນັກ​ໂທດ

    ວັນ​ທີ 15 ກັນຍາ​ນີ້ ປະທານາທິບໍດີ ບາ​ຊາ ອາ​​ລ-​ອັສ​ຊັດ ຜູ້ນຳ​ຊີ​ຣີ ໄດ້​ປະກາດ​ໃຊ້​ດຳລັດ​ສະບັບ​ໜຶ່ງ​ວ່າ​ດ້ວຍ​ການ​ຫຼຸດ​ໂທດ ຫຼື​ໃຫ້​ອະໄພໂທດ​ກ່ອນ​ກຳນົດ ແກ່​ບັນດາ​ນັກໂທດ​ທີ່​ຖືກ​ຈຳ​ຄຸກ ໃນ​ນັ້ນ​ມີ​ບັນດາ​ເປົ້າ​ໝາຍ​ທີ່​ຖືກ​ຄຸມ​ຂັງ​ຕາມ​ກົດໝາຍ “ຕ້ານ​ການ​ກໍ່​ການ​ຮ້າຍ” ຂອງ​ຊີ​ຣີ.

    ດຳລັດ​ດັ່ງກ່າວ ເປັນ​ການເຄື່ອນໄຫວ​ໃໝ່​ຫຼ້າ​ສຸດ ນັບ​ແຕ່​ເວລາ​ທີ່​ລັດຖະບານ​ຊີ​ຣີ​ປະກາດ​ໃຊ້​ດຳລັດ​ສະບັບ​ໜຶ່ງ​ທີ່​ຄ້າຍຄື​ກັນ​ນີ້ ເມື່ອ​ປີ 2014 ໂດຍ​ໄດ້​ໃຫ້​ອະໄພ​ໂທກ​ແກ່​ນັກໂທດ​ຫຼາຍ​ພັນ​ຄົນ​ໃນ​ປີ​ນັ້ນ.

    ດຳລັດ​ທີ່​ນຳ​ອອກ​ມາ​ປະກາດ​ເມື່ອ​ວັນ​ທີ 15 ກັນຍາ​ນີ້ ລະບຸ​ວ່າ ບັນດາ​ນັກໂທດ​ທີ່​ຖືກ​ຈຳ​ຄຸກ​ຕາມ​ກົດໝາຍ “ຕ້ານ​ການ​ກໍ່​ການ​ຮ້າຍ” ສະບັບ​ປີ 2012 ປະກອບ​ມີ​ບັນດາ​ນັກ​ເຄື່ອນ​ໄຫວ​ຕໍ່ຕ້ານ​ລັດຖະບານ ມື​ປືນ ຫຼື​ນັກຮົບ​ສັກສິດ ແມ່ນ​ຈະ​ໄດ້​ຮັບ​ການ​ປ່ອຍ​ຕົວ​ໃຫ້​ເປັນ​ອິດ​ສະລະ. ສ່ວນ​ບັນດາ​ນັກໂທດ ທີ່​ຖືກ​ຕັດສິນ​ປະຫານ​ຊີວິດ ແມ່ນ​ຈະ​ໄດ້​ຫຼຸດ​ໂທດ​ລົງ​ສູ່​ການ​ຈຳ​ຄຸກ​ຕະຫຼອດ​ຊີວິດ ແລະ ອອກແຮງ​ງານ. ນອກຈາກ​ນັ້ນແລ້ວ ນັກໂທດ​ອື່ນໆ​ອີກ​ຈຳນວນ​ຫຼາຍ ແມ່ນ​ຈະ​ໄດ້​ຫຼຸດ​ໂທດ​ລົງ​ຕາມ​ແຕ່​ລະ​ລະດັບ.

    ສະຖິຕິ​ໃຫ້​ຮູ້​ວ່າ ການ​ພິພາດ​ທີ່​ໄດ້​ລະເບີດ​ຂຶ້ນ​ຢູ່​ໃນ​ຊີ​ຣີ ນັບ​ແຕ່​ປີ 2011 ເປັນຕົ້ນ​ມາ ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ 370.000 ກວ່າ​ຄົນ ແລະ ປະຊາຊົນ​ຊີ​ຣີ​ຫຼາຍ​ລ້ານ​ຄົນ ຕ້ອງ​ໄດ້​ອົບ​ພະ​ຍົບ​ເພື່ອ​ໜີ​ໄພ​ຮຸນ​ແຮງ.

ຂ່າວທີ່ກ່ຽວຂ້ອງ