ໃຫ້ຄວາມສຳຄັນຕໍ່ສຸຂະພາບຈິດເດັກນ້ອຍ-ເຍົາວະຊົນ

136 16 ກ.ຍ. 2019 ຂ່າວໜ້າ​ໜຶ່ງ

    ວັນ​ທີ 12 ກັນ­ຍາ 2019 ຢູ່​ໂຮງ­ແຮມ​ຄຣາວ​ພລາ​ຊາ ນະ­ຄອນ­ຫຼວງ​ວຽງ​ຈັນ ສະ​ຖາ​ບັນ​ລາວ-ອົດ​ສະ​ຕຣາ​ລີ ໃນ​ນາມ​ສະ­ຖານ­ທູດ​ອົດ​ສະ​ຕຣາ​ລີ​ປະ­ຈຳ​ລາວ ຈັດ​ງານ​ສົນ­ທະ­ນາ​ກ່ຽວ​ກັບ​ຫົວ­ຂໍ້ “ສຸ­ຂະ­ພາບ​ຈິດ​ເດັກ­ນ້ອຍ ແລະ ເຍົາ­ວະ​ຊົນ” ມີ​ທ່ານ​ນາງ ດາ​ໄລ​ວັນ ແກ້ວ​ນະ­ຄອນ ຫົວ­ໜ້າ​ສູນ​ໄວ​ໜຸ່ມ ນະ­ຄອນ­ຫຼວງ​ວຽງ​ຈັນ ທ່ານ ນາງ Nicole Gibson ຜູ້​ບໍ­ລິ­ຫານ​ໂຄງ­ການ“Love Out Loud” ພ້ອມ​ດ້ວຍ​ຜູ້​ຮັບ­ຜິດ­ຊອບ​ໂຄງ­ການ​ສຶກ​ສາ​ຂອງ​ອົງ­ການ USAID/Laos ແລະ ແຂກ​ຖືກ​ເຊີນ ເຂົ້າ​ຮ່ວມ.

    ການ​ຈັດ​ງານ​ຄັ້ງ​ນີ້ ແນ­ໃສ່​ບັນ­ຫາ​ທີ່​ເປັນ​ສິ່ງ​ທ້າ​ທາຍ​ຕໍ່​ສຸ­ຂະ­ພາບ​ຈິດ​ຂອງ​ເດັກ­ນ້ອຍ ແລະ ເຍົາ­ວະ​ຊົນ ບໍ່​ວ່າ​ຈະ​ຢູ່​ໃນ​ຄອບ­ຄົວ ຫຼື ສະ​ຖາ​ບັນ​ການ​ສຶກ​ສາ ການ​ໃຊ້​ຄວາມ​ຮຸນ​ແຮງ​ຕໍ່​ເດັກ ແລະ ໄວ​ໜຸ່ມ ເຊິ່ງ​ຈະ​ສົ່ງ​ຜົນ​ກະ­ທົບ​ຕໍ່​ຊີ­ວິດ ບໍ່​ວ່າ​ທາງ​ດ້ານ​ສຸ­ຂະ­ພາບ ຮ່າງ­ກາຍ ແລະ ຈິດ­ໃຈ​ຂອງ​ຜູ້​ຖືກ​ເຄາະ​ຮ້າຍ ວິ­ທີ​ປ້ອງ​ກັນ ແລະ ທາງ​ເລືອກ​ໃນ​ການ​ຮັກ­ສາ​ປິ່ນ­ປົວ ພ້ອມ​ນີ້ ຍັງ​ເປີດ​ໂອ­ກາດ​ໃຫ້​ອະ­ດີດ​ນັກ​ສຶກ​ສາ​ທຶນ​ອົດ​ສະ​ຕຣາ​ລີ ໄດ້​ແລກ­ປ່ຽນ​ຄວາມ​ຮູ້ ແລະ ປະ­ສົບ​ການ ທີ່​ມີ​ຄວາມ​ສຳ­ຄັນ ແລະ ເປັນ​ປະ­ໂຫຍດ​ຕໍ່​ສັງ­ຄົມ ກໍ​ຄື ການ​ພັດ­ທະ­ນາ​ປະ­ເທດ​ຊາດ ເຊິ່ງ​ງານ​ດັ່ງ­ກ່າວ ເປັນ​ງານ​ພົບ​ປະ​ສົນ­ທະ­ນາ​ຂະ­ໜາດ​ນ້ອຍ​ທີ່​ເປີດ​ໃຫ້​ປະ­ຊາ­ຊົນ​ທົ່ວ​ໄປ​ທີ່​ສົນ­ໃຈ ເຂົ້າ​ຮ່ວມ​ສາ­ມາດ​ສົນ­ທະ­ນາ​ກັບ​ຜູ້​ມີ​ປະ­ສົບ​ການ​ທີ່​ມາ​ແລກ­ປ່ຽນ​ກ່ຽວ​ກັບ​ບັນ­ຫາ​ຕ່າງໆ.

ຂ່າວທີ່ກ່ຽວຂ້ອງ