ລອຍນ້ຳຄົນພິການລາວ ເກັບຕົວເຝິກຊ້ອມທີ່ຍີ່ປຸ່ນ

511 16 ກ.ຍ. 2019 ວົງຈອນກີລາ
ລອຍນ້ຳຄົນພິການລາວ ເກັບຕົວເຝິກຊ້ອມທີ່ຍີ່ປຸ່ນ

    ນັກ­ກີ­ລາ​ລອຍ­ນ້ຳ​ຄົນ​ພິ­ການ​ທີມ​ຊາດ​ລາວ 12 ຄົນ ໄດ້​ເດີນ­ທາງ​ໄປ​ເກັບ​ຕົວ​ເຝິກ­ຊ້ອມ​ທີ່​ເມືອງ​ອິ​ຕາ​ເຕະ ປະ­ເທດ​ຍີ່­ປຸ່ນ ວັນ​ທີ 9 ກັນ­ຍາ 2019 ທີ່​ສະ­ໜາມ​ບິນ​ສາ­ກົນ​ວັດ​ໄຕ ເປັນ​ເວ­ລາ 16 ວັນ ເພື່ອ​ກະ­ກຽມ​ຄວາມ​ພ້ອມ ແລະ ເກັບ​ກ່ຽວ​ປະ­ສົບ​ການ​ກ່ອນ​ງານ​ມະ​ຫະ​ກຳ​ກິ­ລາ​ອາ​ຊຽນ​ພາ​ຣາ​ເກມ ຄັ້ງ​ທີ X ທີ່​ປະ­ເທດ​ຟີ​ລິບ​ປິນ​ເປັນ​ເຈົ້າ­ພາບ ຈັດ​ຂຶ້ນ​ວັນ​ທີ 18-25 ມັງ­ກອນ 2020.

    ຕະ­ຫຼອດ​ເວ­ລາ​ການ​ໄປ​ເກັບ​ຕົວ​ເຝິກ­ຊ້ອມ​ຄັ້ງ​ນີ້ ນັກ­ກີ­ລາ​ມີ​ແຜນ​ຈະ​ເຂົ້າ​ຮ່ວມ​ການ​ແຂ່ງ­ຂັນ​ລາຍ­ການ​ຕ່າງໆ​ໃນ​ປະ­ເທດ​ຍີ່­ປຸ່ນ ເພື່ອ​ໃຫ້​ນັກ­ກີ­ລາ​ໄດ້​ເກັບ​ກ່ຽວ​ປະ­ສົບ​ການ ເພື່ອ​ນຳ­ໄປ​ພັດ­ທະ­ນາ​ຕົວ​ເອງ ໃຫ້​ມີ​ຄວາມ​ເຂັ້ມ­ແຂງ​ກໍ​ຄື​ໃຫ້​ມີ​ຄວາມ​ພ້ອມ​ທັງ​ດ້ານ​ຮ່າງ­ກາຍ ຈິດ­ໃຈ ພະ­ລະ​ກຳ­ລັງ ແລະ ເຕັກ­ນິກ ກ່ອນ​ເຂົ້າ​ຮ່ວມ​ການ​ແຂ່ງ­ຂັນ​ງານ​ກີ­ລາ​ອາ​ຊຽນ​ພາ​ຣາ​ເກມ ຄັ້ງ​ທີ X ທີ່​ປະ­ເທດ​ຟີ​ລິບ​ປິນ ແລະ ງານ​ມະ​ຫະ​ກຳ​ກີ­ລາ​ພາ​ຣາ​ແລມ​ປິກ​ເກມ​ທີ່​ນະ­ຄອນ­ຫຼວງ​ໂຕ​ກຽວ​ປະ­ເທດ​ຍີ່­ປຸ່ນ ເປັນ​ເຈົ້າ­ພາບ.

ຂ່າວທີ່ກ່ຽວຂ້ອງ