ຂ່າວຫຼ້າສຸດ

ມອບລາງວັນແກ່ນັກກີລາ ຮ່ວມກິດຈະກໍາແລ່ນເພື່ອສຸຂະພາບ

119 12 ກ.ຍ. 2019 ວົງຈອນກີລາ
ມອບລາງວັນແກ່ນັກກີລາ ຮ່ວມກິດຈະກໍາແລ່ນເພື່ອສຸຂະພາບ

    ພິ­ທີ​ມອບ​ລາ­ງວັນ​ໃຫ້​ແກ່​ນັກ­ກີ­ລາ ທີ່​ຮ່ວມ​ກິດ­ຈະ­ກຳ​ແລ່ນ​ເພື່ອ​ສຸ­ຂະ­ພາບ ໄປ​ກັບ​ສູນ​ການ​ຄ້າ​ວຽງຈັນ​ເຊັນ​ເຕີ ຈັດ​ຂຶ້ນ​ວັນ​ທີ 9 ກັນ­ຍາ 2019 ຢູ່​ສູນ​ການ​ຄ້າ​ວຽງ​ຈັນເຊັນ​ເຕີ ມີ​ທ່ານ​ນາງ ວຽງ​ຄຳ ວິ­ໄລ ຜູ້​ຈັດ­ການ​ບໍ­ລິ­ສັດ ວຽງ​ຈັນ ຟິດ​ເນັດ (ຜູ້​ໃຫ້­ການ​ສະ­ໜັບ­ສະ­ໜູນ​ຫຼັກ) ທ່ານ​ນາງ ນວນ​ສີ ມະ​ຫັດ​ຕະນາ​ວິ­ໂລດ ຮອງ​ຜູ້­ອຳ­ນວຍ­ການ​ໃຫຍ່​ສູນ​ການ​ຄ້າ​ວຽງ​ຈັນ​ເຊັນ​ເຕີ ພ້ອມ​ດ້ວຍ​ບັນ­ດາ​ຜູ້​ສະ­ໜັບ­ສະ­ໜູນ ແລະ ນັກ­ກີ­ລາ ເຂົ້າ​ຮ່ວມ.

    ກິດ­ຈະ­ກຳ​ແລ່ນ​ເພື່ອ​ສຸ­ຂະ­ພາບ​ຄັ້ງ​ນີ້ ຈັດ​ຂຶ້ນ​ລະ­ຫວ່າງ​ວັນ​ທີ 2-8 ກັນ­ຍາ 2019 ໂດຍ​ແບ່ງ​ອອກ ເປັນ 3 ກຸ່ມ​ຄື: ກຸ່ມ VIP ແລະ ນັກ­ທຸ­ລະ­ກິດ ກຸ່ມ​ນັກ­ກີ­ລາ​ດີ­ເດັ່ນ ແລະ ກຸ່ມ​ນັກ­ກີ­ລາ​ສະ​ສົມ​ໄລ­ຍະທາງ ເຊິ່ງ​ຮູບ​ແບບ​ການ​ແຂ່ງ­ຂັນ ຈະ​ເປັນ​ການ​ແລ່ນ​ສະ​ສົມ​ໄລ­ຍະ​ທາງ (ກິ­ໂລ­ແມັດ) ໂດຍ​ຜູ້​ສະ­ໝັກ ສາ­ມາດ​ເລືອກ​ແລ່ນ​ໃນ​ສະ­ໜາມ ຫຼື ເຄື່ອງ​ແລ່ນ​ໄຟ­ຟ້າ​ໄດ້​ຕາມ​ຄວາມ​ຕ້ອງ­ການ ແຕ່​ຕ້ອງ​ມີ​ການ​ບັນ­ທຶກ ໄລ­ຍະ​ທາງ​ຜ່ານ Appication ຫຼື ຈາກ​ຈໍ Monitor ຂອງ​ເຄື່ອງ​ແລ່ນ​ໄຟ­ຟ້າ ຄົນ​ທີ່​ມີ​ໄລ­ຍະ​ທາງ​ຫຼາຍ ທີ່​ສຸດ​ຈະ​ເປັນ​ຜູ້​ຊະ­ນະ.

    ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ກຸ່ມ VIP ແລະ ນັກ­ທຸ­ລະ­ກິດ ທີ່ 1 ທ່ານ ຈັນ­ທະ​ວົງ ພະ​ມີ​ສິດ ທີ 2 ທ່ານ ທິ​ລະ​ກອນ ອາ​ນຸ​ວົງ ແລະ ທີ 3 ທ່ານ ປໍ​ລະ​ເມດ ພິມ​ໂຄດ ກຸ່ມ​ນັກ­ກີ­ລາ​ດີ­ເດັ່ນ ທີ 1 ທ້າວ ປິ­ຍະ​ວັດ ຫຼຸ່ງ​ເປົາ ທີ 2 ທ້າວ ສະ​ລັນ ອິນ​ປະ­ດິດ ແລະ ທີ 3 ທ້າວ ອາ​ນຸ​ສອນ ແກ້ວ ວົງ­ສາ ສ່ວນ ກຸ່ມ​ນັກ­ກີ­ລາ​ສະ​ສົມ​ໄລ­ຍະ​ທາງ ທີ 1 ທ້າວ ກິ ເພັດ​ແສນ​ເພັງ ທີ 2 ທ້າວ ກິດ­ສະ­ໜາ ເພຍ​ປະ​ລັດ ແລະ ທີ 3 ນາງ ສຸ­ພາ​ລັກ ພົງ​ສະ​ຫວັດ ທຸກໆ​ກຸ່ມ​ອັນ​ດັບ 1-3 ແມ່ນ​ໄດ້​ຮັບ​ຂັນ​ລາ­ງວັນ ພ້ອມ​ເງິນ­ສົດ ອີກ​ຈຳ­ນວນ​ໜຶ່ງ.

ຂ່າວທີ່ກ່ຽວຂ້ອງ