ຂ່າວຫຼ້າສຸດ

ປູເປ້ເສຍໃຫ້ມື 1 ຂອງລາຍການ ຕົກຮອບ 4 ຄົນສຸດທ້າຍ

994 12 ກ.ຍ. 2019 ວົງຈອນກີລາ
ປູເປ້ເສຍໃຫ້ມື 1 ຂອງລາຍການ ຕົກຮອບ 4 ຄົນສຸດທ້າຍ

    ນາງ ອາ​ລິ​ຍາ ວົງ​ດາ­ລາ ຫຼື ປູ​ເປ້ ນັກ​ເທັນ​ນິ​ສ​ເຍົາ­ວະ​ຊົນ​ລາວ ດາວ​ຮຸ່ງ​ອາ­ຍຸ 14 ປີ ລົງ​ແຂ່ງ­ຂັນ​ເທັນ​ນິ​ສ ລາຍ­ການ Montpelier ASPTT Tennis TOURNOI Open 2019 ທີ່​ມອງ​ເປລີ​ເຢ ປະ­ເທດ​ຝຣັ່ງ ໃນ​ວັນ​ທີ 10 ກັນ­ຍາ 2019 ກ້າວ​ມາ​ເຖິງ​ຮອບ 4 ຄົນ​ສຸດ​ທ້າຍ ເປັນ​ລາຍ­ການ​ທີ 4 ຕິດ­ຕໍ່​ກັນ ພົບ​ກັບ Claire JALADE ມື 1 ຂອງ​ລາຍ­ການ​ຝຣັ່ງ​ຮຸ່ນ​ອາ­ຍຸ 40 ປີ ອະ­ດີດ​ອັນ​ດັບ 76 ຂອງ​ໂລກ ຈາກ​ສະ­ໂມ­ສອນ TC DU BARROU ເຊິ່ງ​ຕາມ​ແຜນ​ຄູ່​ນີ້​ລົງ​ແຂ່ງ​ຢູ່​ເດີ່ນ​ກາງ­ແຈ້ງ ແຕ່​ມີ​ຝົນ­ຕົກ​ລົບ​ກວນ ຈຶ່ງ​ຍ້າຍ​ມາ​ແຂ່ງ​ຢູ່​ເດີ່ນ​ໃນ​ຮົ່ມ ແລະ ເປັນ​ຄັ້ງ​ທຳ​ອິດ​ທີ່ ປູ​ເປ້ ລົງ​ແຂ່ງ­ຂັນ​ເດີ່ນ​ໃນ​ຮົ່ມ ຜ່ານ​ການ​ແຂ່ງ­ຂັນ​ເຊັດ​ທີ 1 ປູ​ເປ້ ເອົາ​ຊະ­ນະ​ກ່ອນ 6-3 ແຕ່​ສອງ​ເຊັດ​ຕໍ່​ມາ​ເປັນ Claire JALADE ໃຊ້​ປະ­ສົບ​ການ​ຍາດ​ຄະ­ແນນ​ສຳ­ຄັນ​ຈາກ ປູ​ເປ້ ແລະ ແຊງ​ຊະ­ນະ 6-2 ແລະ 6-4 ປູ​ເປ້ ເສຍ 1-2 ເຊັດ​ຢ່າງ​ໜ້າ​ເສຍ­ດາຍ ໃຊ້​ເວ­ລາ​ແຂ່ງ­ຂັນ​ເຖິງ 2 ຊົ່ວ­ໂມງ.

    ວັນ​ທີ 12 ກັນ­ຍາ 2019 ປູ​ເປ້ ຈະ​ສືບ­ຕໍ່​ແຂ່ງ­ຂັນ​ລາຍ­ການ​ສຸດ​ທ້າຍ​ທີ່​ມອງ​ເປລີ​ເຢ ພາຍ­ຫຼັງ​ແຂ່ງ­ຂັນ​ສຳ­ເລັດ​ຈະ​ເດີນ­ທາງ​ກັບ​ນະ­ຄອນ­ຫຼວງ​ປາ​ຣີ​ສ ເພື່ອ​ເຊັນ​ສັນ­ຍາ​ຮ່ວມ​ສະ­ໂມ­ສອນ​ຢູ່​ຝຣັ່ງ ເພື່ອ​ຮັບ​ໂອ­ກາດ​ແຂ່ງ­ຂັນ​ຕໍ່​ເນື່ອງ​ໃນ​ປະ­ເທດ​ຝຣັ່ງ ແລະ ລະ­ດັບ​ສາ­ກົນ​ຕໍ່​ໄປ.

    ປູ​ເປ້ ເດີນ­ທາງ​ມາ​ແຂ່ງ­ຂັນ​ຢູ່​ຝຣັ່ງ​ນັບ​ແຕ່​ວັນ​ທີ 18 ສິງ­ຫາ​ເຖິງ​ປັດ­ຈຸ­ບັນ ສາ­ມາດ​ເຂົ້າ​ເຖິງ​ຮອບ​ຮອງ​ຊະ­ນະ​ເລີດ 4 ລາຍ­ການ ຕໍ່​ຈາກ​ລາຍ­ການ Tennispro Cup ໄດ້​ແຊັມ​ລາຍ­ການ Tennis Club Tournament Loupian TC 34 2019 ໄດ້​ແຊັມ​ລາຍ­ການ Tournoi TC JACOU 2019 ຕົກ​ຮອບ​ຮອງ​ຊະ­ນະ​ເລີດ ແລະ ລາຍ­ການ TMC les raquette de la d໙pທche 2019 ຂອດ​ດິນ ປູ​ເປ້ ຕົກ​ຮອບ​ຮອງ​ຊະ­ນະ​ເລີດ.

ຂ່າວທີ່ກ່ຽວຂ້ອງ