ຫຼາຍພາກສ່ວນ ມອບເງິນ 6,5 ຕື້ກີບ ຊ່ວຍເຫຼືອຜູ້ໄດ້ຮັບຜົນກະທົບຈາກໄພນ້ຳຖ້ວມຢູ່ພາກໃຕ້

500 11 ກ.ຍ. 2019 ຂ່າວໜ້າ​ໜຶ່ງ
ຫຼາຍພາກສ່ວນ ມອບເງິນ 6,5 ຕື້ກີບ ຊ່ວຍເຫຼືອຜູ້ໄດ້ຮັບຜົນກະທົບຈາກໄພນ້ຳຖ້ວມຢູ່ພາກໃຕ້

    ບໍ­ລິ­ສັດ​ໃນ​ເຄືອ​ເອັສ​ທີ​ກຣຸບ ນຳ​ເງິນ 2,5 ຕື້​ກີບ ກຸ່ມ​ບໍ­ລິ­ສັດ​ພົງ​ຊັບ​ທະ­ວີ​ຈຳ­ກັດ​ຜູ້​ດຽວ 2 ຕື້​ກີບ ແລະ ບໍ­ລິ­ສັດ ທີ່​ປຶກ­ສາ​ດ້ານ​ການ​ລົງ­ທຶນ ແລະ ກໍ່­ສ້າງ​ເຂື່ອນ​ໄຟ­ຟ້າ ຈຳ­ກັດ​ຜູ້​ດຽວ 2 ຕື້​ກີບ ລວມ 6,5 ຕື້​ກີບ ມາ​ມອບ​ໃຫ້​ລັດ­ຖະ­ບານ​ລາວ ເພື່ອ​ນຳ­ໄປ​ຊ່ວຍ­ເຫຼືອ​ບັນ­ເທົາ​ທຸກ​ໃຫ້​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຢູ່​ພາກ​ໃຕ້​ລາວ ໃນ​ໄລ­ຍະ​ຜ່ານ​ມາ.

    ພິ­ທີ​ມອບ-ຮັບ​ເງິນ​ຊ່ວຍ­ເຫຼືອ​ດັ່ງ­ກ່າວ ຈັດ​ຂຶ້ນ​ວັນ​ທີ 10 ກັນ­ຍາ 2019 ຢູ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ເຊິ່ງ​ມອບ​ໂດຍ​ທ່ານ ສີ​ທັດ ໄຊ​ສຸ​ລິ​ວົງ ປະ­ທານ​ບໍ­ລິ­ສັດ​ໃນ​ເຄືອ​ເອັສ​ທີ​ກຣຸບ ທ່ານ ພົງ​ສະ​ຫວັດ ເສ­ນາ​ພວນ ປະ­ທານ​ກຸ່ມ​ບໍ­ລິ­ສັດ ພົງ​ຊັບ​ທະ­ວີ ຈຳ­ກັດ​ຜູ້​ດຽວ ແລະ ທ່ານ ປີ​ຊາ ແກ້ວ​ໄຊ​ຍະ​ຈັກ ປະ­ທານ​ບໍ­ລິ­ສັດ ບໍ­ລິ­ສັດ ທີ່​ປຶກ­ສາ​ດ້ານ​ການ​ລົງ­ທຶນ ແລະ ກໍ່­ສ້າງ​ເຂື່ອນ​ໄຟ­ຟ້າ ຈຳ­ກັດ​ຜູ້​ດຽວ ເຊິ່ງ​ຮັບ​ໂດຍ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ສປປ ລາວ ໂດຍ​ມີ​ພະ­ນັກ­ງານ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ​ນາ­ຍົກ­ລັດ­ຖະ­ມົນ­ຕີ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ສາມ​ພາກ­ສ່ວນ​ດັ່ງ­ກ່າວ ທີ່​ນຳ​ເອົາ​ເງິນ​ມາ​ມອບ​ໃຫ້​ຄັ້ງ​ນີ້ ເພື່ອ​ນຳ­ໄປ​ຊ່ວຍ­ເຫຼືອ​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ໃນ​ປີ​ນີ້ ແນ­ໃສ່​ບັນ­ເທົາ​ທຸກ ແລະ ແກ້​ໄຂ​ບັນ­ຫາ​ຕ່າງໆ​ທີ່​ໄດ້​ຮັບ​ຜົນ​ກະ­ທົບ ແລະ ເສຍ​ຫາຍ​ຈາກ​ໄພ­ພິ­ບັດ​ນ້ຳ​ຖ້ວມ ໃຫ້​ສາ­ມາດ​ຜ່ານ​ພົ້ນ​ໄປ​ໄດ້​ດ້ວຍ​ດີ.

ຂ່າວທີ່ກ່ຽວຂ້ອງ