ຂ່າວຫຼ້າສຸດ

...ສະເໝີພາບ ດ້ວຍກົດໝາຍ...

163 11 ກ.ຍ. 2019 ນານາສາລະ

    ການ​ບັງ­ຄັບ​ໃຊ້​ກົດ­ໝາຍ​ໃຫ້​ເກີດ​ຄວາມ​ສະ­ເໝີ­ພາບ​ນີ້​ຄື: ຫົນ­ທາງ​ດຽວ​ທີ່​ຈະ​ພິ­ສູດ​ເຖິງ​ຄວາມ​ຍຸ­ຕິ​ທຳ​ໃຫ້​ເກີດ​ຂຶ້ນ​ໃນ​ສັງຄົມ ຍົກ​ຕົວ­ຢ່າງ: ການ​ກະ­ທຳ​ຜິດ​ຂອງ​ປະ­ຊາ­ຊົນ ຫຼື ພະ­ນັກ­ງານ ກໍ​ຕ້ອງ​ໄດ້​ຮັບ​ໂທດ​ເຊັ່ນ​ດຽວ​ກັນ ບໍ່​ດັ່ງ­ນັ້ນ ປະ­ຊາ­ຊົນ​ກໍ​ຈະ​ຂາດ​ຄວາມ​ເຊື່ອ​ຖື​ຕໍ່​ການ­ຈັດ­ຕັ້ງ ປະ­ຕິ­ບັດ​ຕາມ​ຂັ້ນ​ຕອນ​ລົງ­ໂທດ​ຕາມ​ກົດ­ໝາຍ ເພາະ​ການ​ປົກ­ຄອງ​ລັດ​ດ້ວຍ​ກົດ­ໝາຍ ກໍ​ຕ້ອງ​ປະ­ຕິ­ບັດ​ສິດ​ສະ­ເໝີ­ພາບ ຈຶ່ງ​ບໍ່​ເປັນ​ສອງ​ມາດ­ຕະ­ຖານ.

    ຜູ້​ຂຽນ​ຈະ​ນຳ​ສະ­ເໜີ​ບາງ​ມາດ­ຕາ​ຂອງ​ດຳ­ລັດ​ວ່າ​ດ້ວຍ​ຈັນ​ຍາ​ບັນ​ຂອງ​ພະ­ນັກ­ງານ ລັດ­ຖະ­ກອນ ແລະ ກົດ­ໝາຍ​ວ່າ​ດ້ວຍ​ພະ­ນັກ­ງານ?ລັດ­ຖະ­ກອນ ເຊິ່ງ​ທຸກ​ໜ່ວຍ​ງານ​ຂອງ​ລັດ​ບໍ່​ຄວນ​ເບິ່ງ​ຂ້າມ ແລະ ຕ້ອງ​ເຜີຍ­ແຜ່​ໃຫ້​ພະ­ນັກ­ງານ​ທີ່­ຢູ່​ພາຍ​ໃຕ້​ການ​ບັງ­ຄັບ​ບັນ­ຊາ​ຂອງ​ຕົນ​ໄດ້​ເຂົ້າ­ໃຈ​ແຈ້ງ­ວ່າ ຖ້າ​ຜູ້​ໃດ ບໍ່​ວ່າ​ຫົວ­ໜ້າ ຫຼື ລູກ​ນ້ອງ ຕ້ອງ​ໄດ້​ຮັບ​ໂທດ​ສະ­ເໝີ­ພາບ​ຕາມ​ທີ່​ກົດ­ໝາຍ​ໄດ້​ຂຽນ​ໄວ້ ແລະ ສຳ­ຄັນ ການ​ດຳ­ເນີນ​ການ​ແກ້​ໄຂ​ບັນ­ຫາ ກໍ​ຄວນ​ເຮັດ​ແບບ​ໂປ່ງ​ໃສ ບໍ່​ແມ່ນ​ປົກ​ປິດ ມິດ​ງຽບ ຢາກ​ອາຍ​ສັງ­ຄົມ ເພາະ​ຖ້າ​ຜູ້​ລະ­ເມີດ​ເປັນ​ພະ­ນັກ­ງານ?ລັດ­ຖະ­ກອນ ຍິ່ງ​ໜ້າ​ຄິດ ! .

    ດຳ­ລັດ​ວ່າ​ດ້ວຍ​ຈັນ​ຍາ​ບັນ ໄດ້​ກຳ­ນົດ​ໄວ້​ວ່າ ຈັນ​ຍາ​ບັນ​ຂອງ​ພະ­ນັກ­ງານ ລັດ­ຖະ­ກອນ ມີ 4 ປະ­ເພດ ຄື: ຈັນ​ຍາ​ບັນ​ຕໍ່​ຕົນ​ເອງ ຈັນ​ຍາ​ບັນ​ຕໍ່​ວິ­ຊາ​ຊີບ ຈັນ​ຍາ​ບັນ​ຕໍ່​ການ­ຈັດ­ຕັ້ງ ຈັນ​ຍາ​ບັນ​ຕໍ່​ປະ­ຊາ­ຊົນ ແລະ ສັງ­ຄົມ ຜູ້​ລະ­ເມີດ​ຕໍ່​ຈັນ​ຍາ​ບັນ​ໄດ້​ກຳ­ນົດ​ໃນ​ມາດ­ຕາ 11 ວ່າ: ຜູ້­ກ່ຽວ​ຈະ​ຖືກ​ສຶກ​ສາ​ອົບ­ຮົມ ກ່າວ​ເຕືອນ ລົງ​ວິ­ໄນ​ຕາມ​ກົດ­ໝາຍ​ວ່າ​ດ້ວຍ​ພະ­ນັກ­ງານ?ລັດ­ຖະ­ກອນ ເຊິ່ງ​ຢ່າ​ລືມ​ວ່າ ໜ່ວຍ​ງານ​ໃດ​ທີ່​ບໍ່​ຢາກ​ໃຫ້​ເກີດ​ຂໍ້​ຜິດ­ພາດ ຫຼື ປະ­ຕິ­ບັດ​ລະ­ບຽບ?ກົດ­ໝາຍ​ນັ້ນ ຕ້ອງ​ຈຳ­ເປັນ​ໄດ້​ເຜີຍ­ແຜ່​ໃຫ້​ພະ­ນັກ­ງານ​ໄດ້​ຮຽນ​ຮູ້​ເຂົ້າ­ໃຈ​ຈະ­ແຈ້ງ​ຢ່າງ​ທົ່ວ​ເຖິງ ເພາະ​ຈະ​ເກີດ​ຜົນ​ດີ​ຕໍ່​ການ​ປະ­ກອບ​ອາ­ຊີບ.

    ບາງ​ມາດ​ຕະ­ການ​ໃນ​ການ​ລົງ​ວິ­ໄນ​ຕາມ​ກົດ­ໝາຍ​ລັດ­ຖະ­ກອນ ເຊັ່ນ: ມາດ­ຕາ 68 ການ​ຖືກ​ໄລ່​ອອກ ເຊິ່ງ​ຖືກ​ສານ​ຕັດ­ສິນ ຫຼື ມີ​ໂທດ​ທາງ​ອາ­ຍາ... ຂັ້ນ​ຕອນ​ການ​ລົງ​ວິ­ໄນ​ມີ​ສີ່​ຂັ້ນ ຄື: 1. ຕິ­ຕຽນ​ບັນ­ທຶກ​ຄວາມ​ຜິດ... 2. ກ່າວ​ເຕືອນ ບັນ­ທຶກ​ຄວາມ​ຜິດ... 3. ໂຈະ​ການ​ເລື່ອນ​ຂັ້ນ​ເງິນ­ເດືອນ... 4. ໃຫ້​ອອກ​ຈາກ​ລັດ​ຖະ​ການ​ໂດຍ​ບໍ່​ໄດ້​ຮັບ​ນະ­ໂຍ­ບາຍ​ໃດໆ.

    ການ​ເຜີຍ­ແຜ່​ລະ­ບຽບ​ນິ­ຕິ​ກຳ​ຕ່າງໆ​ໃຫ້​ພະ­ນັກ­ງານ​ຢູ່​ໃຕ້​ບັງ­ຄັບ​ບັນ­ຊາ​ຂອງ​ຕົນ​ໄດ້​ຮູ້​ແຈ້ງ​ນັ້ນ ມີ​ຄວາມ​ຈຳ­ເປັນ​ຢ່າງ​ຍິ່ງ ເພື່ອ​ໃຫ້​ທຸກ​ຄົນ​ໄດ້​ເຂົ້າ­ໃຈ​ນະ­ໂຍ­ບາຍ​ການ​ປົກ­ຄອງ​ຂອງ​ລັດ ເຊິ່ງ​ຈະ​ເປັນ​ການ​ປ້ອງ​ກັນ​ໄວ້​ເວ­ລາ​ເຮັດ​ຜິດ​ຈະ​ນຳ​ມາ​ອ້າງ​ເປັນ​ຂໍ້​ອ້າງ​ວ່າ​ບໍ່​ຮູ້​ຄວາມ​ຍຸ­ຕິ​ທຳ ກໍ​ຈະ​ເກີດ​ຂຶ້ນ​ໄດ້ !.

ຂ່າວທີ່ກ່ຽວຂ້ອງ