ຂ່າວຫຼ້າສຸດ

ລາວ-ເຢຍລະມັນ ຮ່ວມມືພັດທະນາຊັບພະຍາກອນມະນຸດ

2.871 02 ມີ.ນ. 2011 ສຶກສາ
ລາວ-ເຢຍລະມັນ ຮ່ວມມືພັດທະນາຊັບພະຍາກອນມະນຸດ

<p style="text-align: justify;"> ຈາກ​ບົດ​ລາຍ​ງານ​ຂອງ​ທ່ານ ແສງ ສົມ​ພອນ ວິ­ລະ​ວຸດ ຫົວ­ໜ້າ​ກົມ​ແຜນ­ການ ແລະ ການ​ຮ່ວມ​ມື ກະ­ຊວງ​ສຶກ​ສາ​ທິ​ການ ໃຫ້​ຮູ້​ວ່າ: ກ່ຽວ​ກັບ​ການ​ຮ່ວມ​ມື ລາວ-ເຢຍ​ລະ​ມັນ ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ໃນ ສປປ ລາວ ນັບ​ແຕ່​ປີ 2001 ເປັນ­ຕົ້ນ​ມາ ການ​ແລກ­ປ່ຽນ​ຄະ­ນະ​ຜູ້​ແທນ​ຂັ້ນ​ສູງ ກະ­ຊວງ​ສຶກ​ສາ​ທິ​ການ ທັງ​ສອງ​ປະ­ເທດ ກໍ​ໄດ້​ດຳ­ເນີນ​ມາ​ປົກ­ກະ­ຕິ ພັດ​ປ່ຽນ​ກັນ​ຢ້ຽມ­ຢາມ​ກັນ​ຖານ​ມິດ­ຕະ­ພາບ.</p> <p style="text-align: justify;"> ໃນ​ແຕ່​ລະ​ປີ ສະ­ຫະ­ພັນ​ເຢຍ​ລະ​ມັນ ໃຫ້​ທຶນ​ການ​ສຶກ​ສາ​ໃນ​ລະ­ດັບ​ປະ­ລິນ­ຍາ​ໂທ ປະ­ລິນ­ຍາ​ເອກ ແລະ ທຶນ​ເຝິກ­ອົບ­ຮົມ​ໃຫ້​ແກ່​ນັກ​ສຶກ​ສາ​ລາວ ແລະ ພະ­ນັກ­ງານ​ລາວ 2-5 ທຶນ​ຕໍ່​ປີ ໃນ​ແຕ່​ລະ​ປີ ສ.ເຢຍ​ລະ​ມັນ ຈະ​ໃຫ້​ທຶນ​ເຝິກ­ອົບ­ຮົມ​ໄລ­ຍະ​ສັ້ນ​ໃຫ້​ຄູ​ອະ​ຊີ­ວະ​ສຶກ​ສາ ໄປ​ເຝິກ​ໃນ​ຂົງ­ເຂດ​ຕ່າງໆ ເປັນ­ຕົ້ນ​ແມ່ນ​ຂົງ­ເຂດ​ເຕັກ­ນິກ​ວິ­ຊາ​ຊີບ ການ​ໂຮງ­ແຮມ ແລະ ທ່ອງ​ທ່ຽວ ແຜນ­ການ​ຮ່ວມ​ມື​ທີ່​ໄດ້​ລົງ​ບົດ​ບັນ­ທຶກ​ຮ່ວມ​ກັນ​ຂ້າງ​ເທິງ​ນັ້ນ ແມ່ນ​ບໍ່​ໄດ້​ຮັບ​ການ­ຈັດ­ຕັ້ງ​ປະ­ຕິ­ບັດ​ເທົ່າ​ທີ່​ຄວນ ຍ້ອນ​ມີ​ຫຼາຍ​ສາ­ເຫດ ແລະ ເງື່ອນ­ໄຂ​ຂອງ​ທາງ​ສອງ​ຝ່າຍ ຍັງ​ຈຳ­ກັດ.</p> <p style="text-align: justify;"> ລັດ­ຖະ­ບານ​ເຢຍ​ລະ​ມັນ ໃຫ້​ທຶນ​ຊ່ວຍ­ເຫຼືອ​ໃນ​ໂຄງ­ການ​ກໍ່­ສ້າງ ແລະ ປັບ­ປຸງ​ໂຮງ­ຮຽນ​ເຕັກ­ນິກ​ວິ­ຊາ​ຊີບ​ແບບ​ປະ­ສົມ 6 ແຂວງ​ພາກ​ເໜືອ ມູນ​ຄ່າ 2,5 ລ້ານ​ຢູ​ໂຣ ໂຄງ­ການ​ຮ່ວມ​ມື​ຊ່ວຍ­ເຫຼືອ​ຂອງ​ທະ­ນາ­ຄານ KFW ດ້ານ​ການ​ສຶກ​ສາ​ຊັ້ນ​ສູງ ແລະ ອາ­ຊີ­ວະ​ສຶກ​ສາ​ມູນ​ຄ່າ 8,5 ລ້ານ​ຢູ​ໂຣ.</p> <p style="text-align: justify;"> ອົງ­ການ​ພັດ­ທະ­ນາ DED ກໍ​ໄດ້​ມີ​ໂຄງ­ການ​ຊ່ວຍ­ເຫຼືອ​ສະ­ໜອງ​ຊ່ຽວ­ຊານ ແລະ ອາ­ສາ​ສະ­ໝັກ​ເຢຍ​ລະ​ມັນ ປີ​ລະ 4-8 ຄົນ ມາ​ປະ­ຈຳ​ຢູ່​ໂຮງ­ຮຽນ​ວິ­ຊາ​ຊີບ​ແຫ່ງ​ຕ່າງໆ ພ້ອມ​ທັງ​ສະ­ໜອງ​ອຸ­ປະ­ກອນ​ການ​ສຶກ​ສາ​ຈຳ­ນວນ​ໜຶ່ງ ມູນ​ຄ່າ 3,7 ລ້ານ​ຢູ​ໂຣ.</p> <p style="text-align: justify;"> ການ​ໃຫ້​ທຶນ​ນັກ​ສຶກ​ສາ​ລາວ ໄປ​ຮຽນ​ຕໍ່​ທີ່​ປະ­ເທດ​ເຢຍ​ລະ​ມັນ ນັບ​ແຕ່​ປີ 2001 ມາ​ຮອດ 2010 ລວມ​ທັງ​ໝົດ​ມີ 45 ຄົນ ຍິງ 11 ຄົນ ໃນ​ນັ້ນ​ມີ​ປະ­ລິນ­ຍາ​ເອກ 13 ຄົນ ປະ­ລິນ­ຍາ​ໂທ 27 ຄົນ ຊັ້ນ​ສູງ 4 ຄົນ ເປັນ​ທຶນ​ຮ່ວມ​ມື 4 ຄົນ ແລະ ທຶນ​ຂອງ​ໂຄງ­ການ 41 ຄົນ.</p> <p style="text-align: justify;"> ສຳ­ລັບ​ແຜນ­ການ​ໃນ­ຕໍ່­ໜ້າ 2011-2014 ລັດ­ຖະ­ບານ​ເຢຍ​ລະ​ມັນ ຈະ​ສືບ­ຕໍ່​ໃຫ້​ທຶນ​ພັດ­ທະ­ນາ​ໂຮງ­ຮຽນ​ວິ­ຊາ​ຊີບ ມູນ​ຄ່າ 1,5 ລ້ານ​ຢູ​ໂຣ ຈາກ​ທະ­ນາ­ຄານ​ພັດ­ທະ­ນາ​ເຢຍ​ລະ​ມັນ ມູນ​ຄ່າ 5 ລ້ານ​ຢູ​ໂຣ ສຳ­ລັບ​ໂຄງ­ການ​ອາ­ຊີ­ວະ​ສຶກ​ສາ ໃຫ້​ທຶນ​ກໍ່­ສ້າງ​ຄູ​ອາ­ຊີ­ວະ​ສຶກ​ສາ ໃນ​ລະ­ດັບ​ປະ­ລິນ­ຍາ​ຕີ ຈຳ­ນວນ 4 ລ້ານ​ຢູ​ໂຣ ແລະ ໃຫ້​ທຶນ​ປັບ­ປຸງ​ໂຮງ­ຮຽນ​ວິ­ຊາ​ຊີບ​ແບບ​ປະ­ສົມ ຈຳ­ນວນ 6 ແຫ່ງ​ພາກ​ເໜືອ​ທີ່​ມີ​ແລ້ວ ຈຳ­ນວນ 3,5 ລ້ານ​ຢູ​ໂຣ ແລະ ອົງ­ການ​ພັດ­ທະ­ນາ​ເຢຍ​ລະ​ມັນ DED ຈະ​ໃຫ້​ທຶນ​ມູນ​ຄ່າ 3 ລ້ານ​ຢູ​ໂຣ ເພື່ອ​ປະ­ກອບ­ສ່ວນ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ໃນ​ຂະ­ແໜງ­ການ​ສຶກ​ສາ​ຢູ່ ສປປ ລາວ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ