ຂ່າວຫຼ້າສຸດ

ເປີດນຳໃຊ້ສຳນັກງານຄະນະກຳມະການຮ່ວມມື ລາວ-ຫວຽດນາມ

377 10 ກ.ຍ. 2019 ຂ່າວໜ້າ​ໜຶ່ງ
ເປີດນຳໃຊ້ສຳນັກງານຄະນະກຳມະການຮ່ວມມື ລາວ-ຫວຽດນາມ

    ພິ­ທີ​ເປີດ​ນຳ​ໃຊ້​ສຳ­ນັກ­ງານ​ຄະ­ນະ​ກຳ­ມະ­ການ​ຮ່ວມ​ມື​ລາວ-ຫວຽດ­ນາມ​ຫຼັງ​ໃໝ່ ທີ່​ຕັ້ງ​ຢູ່​ດ້ານ​ຫຼັງ​ສຳ­ນັກ­ງານ​ກະ­ຊວງ​ແຜນ­ການ ແລະ ການ​ລົງ­ທຶນ ຈັດ​ຂຶ້ນ​ວັນ​ທີ 9 ກັນ­ຍາ 2019 ມີ​ທ່ານ ສຸ­ພັນ ແກ້ວ​ມີ​ໄຊ ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ປະ­ທານ​ຄະ­ນະ​ກຳ­ມະ­ການ​ຮ່ວມ​ມື​ລາວ-ຫວຽດ­ນາມ ທ່ານ ຫງວ​ຽນ ວັນ​ຈຸງ ຮອງ​ລັດ­ຖະ­ມົນ­ຕີ​ກະ­ຊວງ​ແຜນ­ການ ແລະ ການ​ລົງ­ທຶນ ຮອງ​ປະ­ທານ​ຄະ­ນະ​ກຳ­ມະ­ການ​ຮ່ວມ​ມື​ຫວຽດ­ນາມ-ລາວ ທ່ານ ຫງວ​ຽນ ແທ້ງ ຕຸ່ງ ເອກ​ອັກ​ຄະ​ລັດ​ຖະ​ທູດ​ຫວຽດ­ນາມ ປະ­ຈຳ​ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ກໍ່­ສ້າງ​ສຳ­ນັກ­ງານ​ຄະ­ນະ​ກຳ­ມະ­ການ​ຮ່ວມ​ມື​ລາວ-ຫວຽດ­ນາມ ມີ​ມູນ​ຄ່າ 60,85 ຕື້​ດົງ ຫຼື ປະ­ມານ 23 ຕື້​ກີບ ໃນ​ນັ້ນ ມີ​ທຶນ​ຊ່ວຍ­ເຫຼືອ​ລ້າ​ຂອງ​ລັດ­ຖະ­ບານ​ຫວຽດ­ນາມ 56,40 ຕື້​ດົງ ຫຼື ປະ­ມານ 21 ຕື້​ກີບ ແລະ ທຶນ​ສົມ­ທົບ​ລັດ­ຖະ­ບານ​ລາວ​ປະ­ມານ 1,6 ຕື້​ກີບ ໂຄງ­ການ​ໄດ້​ເລີ່ມ​ກໍ່­ສ້າງ​ໃນ​ວັນ​ທີ 22 ມິ­ຖຸ­ນາ 2018 ແລະ ສຳ­ເລັດ​ໃນ​ເດືອນ​ສິງ­ຫາ 2019 ເຊິ່ງ​ອາ­ຄານ 4 ຊັ້ນ ເພື່ອ​ອຳ­ນວຍ​ຄວາມ​ສະ­ດວກ​ການ​ເຮັດ​ວຽກ​ຂອງ​ຄະ­ນະ​ກຳ­ມະ­ການ​ຮ່ວມ​ມື ລາວ-ຫວຽດ­ນາມ.

    ໂອ­ກາດ​ນີ້ ຕາງ­ໜ້າ​ຄະ­ນະ​ກຳ­ມະ­ການ​ຮ່ວມ​ມື​ຫວຽດ­ນາມ-ລາວ ກະ­ຊວງ​ແຜນ­ການ ແລະ ການ​ລົງ­ທຶນ​ຫວຽດ­ນາມ ຍັງ​ໄດ້​ມອບ​ເງິນ​ຊ່ວຍ­ເຫຼືອ​ບັນ­ເທົາ​ທຸກ​ຜູ້​ປະ­ສົບ​ໄພ­ພິ­ບັດ​ທຳ​ມະ​ຊາດ​ນ້ຳ​ຖ້ວມ​ຢູ່​ບັນ­ດາ​ແຂວງ​ພາກ​ກາງ ແລະ ພາກ​ໃຕ້​ຂອງ​ລາວ 10.000 ໂດ​ລາ​ສະ­ຫະ­ລັດ ຫຼື ປະ­ມານ 87,6 ລ້ານ​ກີບ​ຕື່ມ​ອີກ ເປັນ​ການ​ປະ­ກອບ­ສ່ວນ​ແບ່ງ​ເບົາ​ຂອງ​ລັດ­ຖະ­ບານ​ລາວ.

ຂ່າວທີ່ກ່ຽວຂ້ອງ