ຫົວໜ່ວຍທຸລະກິດ ຊ່ວຍເຫຼືອຜູ້ປະສົບໄພນ້ຳຖ້ວມ

370 09 ກ.ຍ. 2019 ຂ່າວໜ້າ​ໜຶ່ງ
ຫົວໜ່ວຍທຸລະກິດ ຊ່ວຍເຫຼືອຜູ້ປະສົບໄພນ້ຳຖ້ວມ

   ວັນ​ທີ 5 ກັນ­ຍາ 2019 ທີ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ບໍ­ລິ­ສັດ ຈະ­ເລີນ​ເຊ​ກອງ​ພະ­ລັງ­ງານ ຈຳ­ກັດ ແລະ ກຸ່ມ​ບໍ­ລິ­ສັດ ພອນ​ສັກ ໄດ້​ມອບ​ເງິນ ແລະ ເຄື່ອງ​ຊ່ວຍ­ເຫຼືອ​ໃຫ້​ຜູ້​ປະ­ສົບ​ໄພ​ນ້ຳ​ຖ້ວມ 4 ແຂວງ​ພາກ​ໃຕ້ ລວມ​ມູນ​ຄ່າ 4 ຕື້​ກີບ ໃນ​ນີ້ ທ່ານ ຈັນ­ທະ​ໜອມ ພົມ​ມະ­ນີ ປະ­ທານ​ບໍ­ລິ­ສັດ ຈະ­ເລີນ​ເຊ​ກອງ ພະ­ລັງ ງານ ຈຳ­ກັດ ມອບ 2 ຕື້​ກີບ (ເງິນ­ສົດ 1 ຕື້​ກີບ ແລະ ວັດ­ຖຸ​ສິ່ງ​ຂອງ 1 ຕື້​ກີບ) ແລະ ທ່ານ​ນາງ ສຸດ​ດາ­ລາ​ວັນ ສີ​ຫາ​ພົມ ຕາງ­ໜ້າ​ກຸ່ມ​ບໍ­ລິ­ສັດ ພອນ​ສັກ ມອບ​ເງິນ 2 ຕື້​ກີບ ໃຫ້​ກຽດ​ກ່າວ​ຮັບ​ໂດຍ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ມີ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ໂອ­ກາດ​ນີ້ ທ່ານ​ນາ­ຍົກ­ລັດ­ຖະ­ມົນ­ຕີ​ໄດ້​ກ່າວ​ສະ­ແດງ​ຂອບ­ໃຈ​ຕໍ່​ທັງ​ສອງ​ບໍ­ລິ­ສັດ ທີ່​ໄດ້​ໃຫ້­ການ​ຊ່ວຍ ເຫຼືອ​ບັນ­ເທົາ​ທຸກ​ຜູ້​ປະ­ສົບ​ໄພ​ນ້ຳ​ຖ້ວມ ປີ 2019 ຂອງ​ບັນ­ດາ​ແຂວງ​ພາກ​ໃຕ້ ພ້ອມ​ທັງ​ໃຫ້​ຄຳ​ໝັ້ນ​ສັນ­ຍາ​ວ່າ​ຈະ​ນຳ​ເອົາ​ວັດ­ຖຸ​ສິ່ງ​ຂອງ​ທີ່​ໄດ້​ຮັບ​ການ​ຊ່ວຍ­ເຫຼືອ​ຄັ້ງ​ນີ້ ໄປ​ມອບ​ຕໍ່­ໃຫ້​ຮອດ​ໃຫ້​ເຖິງ​ປະ­ຊາ­ຊົນ​ທີ່​ກຳ­ລັງ​ປະ­ສົບ​ໄພ­ພິ­ບັດ​ນ້ຳ​ຖ້ວມ​ຢ່າງ​ແທ້​ຈິງ.

    ປັດ­ຈຸ­ບັນ ປະ­ຊາ­ຊົນ​ທີ່​ປະ­ສົບ​ໄພ​ນ້ຳ​ຖ້ວມ​ຢູ່​ບັນ­ດາ​ແຂວງ​ພາກ​ໃຕ້ ຍັງ​ມີ​ຄວາມ​ຕ້ອງ­ການ ການ​ຊ່ວຍ ເຫຼືອ​ຈາກ​ສັງ­ຄົມ ກໍ​ຄື ຜູ້​ໃຈ​ບຸນ​ທັງ­ຫຼາຍ ເປັນ­ຕົ້ນ ຕ້ອງ­ການ​ເຮືອ ຈັກ​ປັ່ນ​ໄຟ ເຂົ້າ­ສານ ອາ­ຫານ​ແຫ້ງ ນ້ຳ​ດື່ມ ເຄື່ອງ​ອຸ­ປະ­ໂພກ-ບໍ­ລິ­ໂພກ ແລະ ສິ່ງ​ຂອງ​ທີ່​ຈຳ­ເປັນ​ຕ່າງໆ ດັ່ງ­ນັ້ນ ຜູ້​ທີ່​ມີ​ເງື່ອນ­ໄຂ​ສາ­ມາດ​ບໍ­ລິ­ຈາກ​ໄດ້ ຕິດ­ຕໍ່​ພົວ­ພັນ​ໄດ້​ນຳ​ຄະ­ນະ​ກຳ­ມະ­ການ​ຕ້ານ​ໄພ­ພິ­ບັດ​ຂັ້ນ​ຕ່າງໆ ກໍ​ຄື ກະ­ຊວງ​ແຮງ​ງານ ແລະ ສະ­ຫວັດ­ດີ ການ​ສັງ­ຄົມ ຫຼື ພາກ­ສ່ວນ​ອື່ນໆ​ທີ່​ມີ​ສູນ​ຮັບ​ບໍ­ລິ­ຈາກ.

ຂ່າວທີ່ກ່ຽວຂ້ອງ