ທຄຕລ-ສກຊ ຮ່ວມມືເພີ່ມຊ່ອງທາງໃຫ້ບໍລິການລູກຄ້າ

264 09 ກ.ຍ. 2019 ຂ່າວໜ້າ​ໜຶ່ງ
ທຄຕລ-ສກຊ ຮ່ວມມືເພີ່ມຊ່ອງທາງໃຫ້ບໍລິການລູກຄ້າ

    ພິ­ທີ​ເຊັນ​ສັນ­ຍາ​ການ​ຮ່ວມ​ມື ລະ­ຫວ່າງ ທະ­ນາ­ຄານ​ການ​ຄ້າ​ຕ່າງ­ປະ­ເທດ​ລາວ​ມະ­ຫາ­ຊົນ (ທຄຕລ) ແລະ ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ​ໂຊກ​ໄຊ ຈຳ­ກັດ (ສກຊ) ວ່າ​ດ້ວຍ​ການ​ບໍ­ລິ­ການ​ຊຳ­ລະ​ສະ​ສາງ​ຄ່າ​ບໍ​ລິ ການ​ຕ່າງໆ​ຜ່ານ ທຄຕລ ຈັດ​ຂຶ້ນ​ວັນ​ທີ 4 ກັນ­ຍາ 2019 ທີ່​ສຳ­ນັກ­ງານ​ໃຫຍ່ ທຄຕລ ຮ່ວມ​ລົງ​ນາມ​ລະ­ຫວ່າງ​ທ່ານ ນັນ­ທະ​ລາດ ແກ້ວ​ປະ­ເສີດ ຮອງ​ຜູ້­ອຳ­ນວຍ­ການ​ໃຫຍ່ ທຄຕລ ແລະ ທ່ານ ໂຊກ​ໄຊ ສົມ​ໃຈ​ນຶກ ປະ­ທານ​ກຸ່ມ​ບໍ­ລິ­ສັດ ໂຊກ​ໄຊ ປະ­ທານ​ສະ­ພາ​ບໍ­ລິ­ຫານ ສກຊ ມີ​ຄະ­ນະ​ຜູ້​ບໍ­ລິ­ຫານ ແລະ ພະ­ນັກ­ງານ​ທີ່​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

   ສຳ­ລັບ​ການ​ຮ່ວມ​ມື​ສອງ​ຝ່າຍ ລະ­ຫວ່າງ ທຄຕລ ແລະ ສກຊ ຄັ້ງ​ນີ້ ເພື່ອ​ເພີ່ມ​ຊ່ອງ​ທາງ​ການ​ໃຫ້​ບໍ­ລິ­ການ​ລູກ ຄ້າ​ຂອງ ສກຊ ຜ່ານ​ຫຼາຍ​ຊ່ອງ​ທາງ​ຂຶ້ນ​ຕື່ມ ໂດຍ ທຄຕລ ຈະ​ໃຫ້­ການ​ບໍ­ລິ­ການ​ຮັບ​ຊຳ­ລະ​ຄ່າ​ບໍ­ລິ­ການ ແລະ ຮອງ​ຮັບ​ການ​ຊຳ­ລະ​ສະ​ສາງ​ຂອງ​ລູກ​ຄ້າ ສກຊ ຜ່ານ​ເຄົາ​ເຕີ້​ບໍ­ລິ­ການ​ທົ່ວ​ລະ­ບົບ ທຄຕລ ຜ່ານ​ມື​ຖື Smart phone (BCEL One) ແລະ ຜ່ານ BCEL i-Bank ສ້າງ​ຄວາມ​ສະ­ດວກ​ໃຫ້​ແກ່​ລູກ​ຄ້າ ເປັນ­ຕົ້ນ ການ​ບໍ­ລິ­ການ​ວ່ອງ­ໄວ ທັນ​ເວ­ລາ ແລະ ມີ​ຄວາມ​ໂປ່ງ​ໃສ.

    ການ​ບໍ­ລິ­ການ​ຊຳ­ລະ​ຄ່າ​ສາ​ທາ​ລະ​ນຸ​ປະ​ໂພກ​ຜ່ານ​ລະ­ບົບ​ທະ­ນາ­ຄານ ທຄຕລ ໄດ້​ເລີ່ມ​ໃຫ້​ບໍ­ລິ­ການ ປີ 2009 ແລະ ເປັນ​ການ​ບໍ­ລິ­ການ​ທີ່​ໄດ້​ມີ​ການ​ຊົມ­ໃຊ້​ຫຼາຍ ມາ​ຮອດ​ປັດ­ຈຸ­ບັນ ທຄຕລ ໄດ້​ໃຫ້​ບໍ­ລິ­ການ​ຊຳ­ລະ​ຄ່າ​ສາ​ທາ​ລະ​ນຸ​ປະ​ໂພກ​ຮ່ວມ​ກັບ 43 ພາກ­ສ່ວນ​ປະ­ກອບ​ມີ: ການ​ຊຳ­ລະ​ຄ່າ​ກະ­ແສ​ໄຟ­ຟ້າ ນ້ຳ​ປະ­ປາ ໂທລະ­ສັບ ພາ­ສີ-ອາ­ກອນ ເຊົ່າ​ສາຍ​ເຄ​ເບີ້ນ ບັດ​ນ້ຳ­ມັນ​ເຊື້ອ​ໄຟ ບັດ​ຂ້າມ​ຂົວ​ມິດ­ຕະ­ພາບ ລາວ-ໄທ ແຫ່ງ​ທີ 1 ແລະ ຊຳ­ລະ​ຄ່າ​ງວດ​ເຊົ່າ​ສິນ​ເຊື່ອ ເຊິ່ງ​ການ​ບໍ­ລິ­ການ​ຊຳ­ລະ​ຄ່າ​ສາ​ທາ​ລະ​ນຸ​ປະ​ໂພກ​ຜ່ານ ທຄຕລ ໄດ້​ພັດ­ທະ­ນາ​ໃຫ້​ສາ­ມາດ​ຊຳ­ລະ​ຜ່ານ​ຫຼາຍ​ຊ່ອງ​ທາງ ຄື: ATM BCEL One i-Bank ແລະ ຜ່ານ​ປ່ອງ​ບໍ­ລິ­ການ ທຄຕລ ຮອດ​ທ້າຍ​ເດືອນ​ກໍ­ລະ­ກົດ 2019 ທຄຕລ ມີ ATM ຈຳ­ນວນ 403 ຕູ້ ຜູ້​ລົງ­ທະ­ບຽນ​ນຳ​ໃຊ້ BCEL One ຈຳ­ນວນ 289.398 Users ແລະ i-Bank ຈຳ­ນວນ 12.148 Users ກວມ​ເອົາ​ຕົວ​ເລກ​ຜູ້­ນຳ​ໃຊ້​ເອ​ເລັກ​ໂຕຣ​ນິກ​ຫຼາຍ​ທີ່​ສຸດ ໃນ​ລະ­ບົບ​ທະ­ນາ­ຄານ​ພາຍ​ໃນ​ປະ­ເທດ ເຊິ່ງ ທຄຕລ ເຊື່ອ​ໝັ້ນ​ວ່າ ຖ້າ​ຂະ­ຫຍາຍ​ການ​ຊຳ­ລະ​ແບບ​ເອ​ເລັກ​ໂຕຣ​ນິກ​ນີ້​ອອກ​ໄປ​ໃຫ້​ກວ້າງ ຂວາງ​ເທົ່າ­ໃດ​ກໍ​ຈະ​ເປັນ​ການ​ສ້າງ​ເງື່ອນ­ໄຂ​ອຳ­ນວຍ​ຄວາມ​ສະ­ດວກ​ໃຫ້​ລູກ​ຄ້າ ຂອງ​ທະ­ນາ­ຄານ​ໃນ​ການ​ຊົມ­ໃຊ້​ການ​ບໍ­ລິ­ການ​ຂອງ​ຫຼາກ​ຫຼາຍ​ຜູ້​ປະ­ກອບ​ການ​ຂຶ້ນ​ເທົ່າ​ນັ້ນ.

ຂ່າວທີ່ກ່ຽວຂ້ອງ