ພະແນກຊັບພະຍາກອນ ປັບປຸງປະກາດການຈັດຕັ້ງ

174 09 ກ.ຍ. 2019 ຂ່າວໜ້າ​ໜຶ່ງ

    ພິ­ທີ​ປະ­ກາດ​ການ­ຈັດ­ຕັ້ງ​ຮອງ​ຫົວ­ໜ້າ​ພະ​ແນກ ຫົວ­ໜ້າ​ຄະ­ນະ ແລະ ຫົວ­ໜ້າ​ຂະ­ແໜງ​ອ້ອມ​ຂ້າງ​ພະ​ແນກ​ຊັບພະ­ຍາ­ກອນ ທຳ​ມະ​ຊາດ ແລະ ສິ່ງ­ແວ­ດລ້ອມ (ພຊສ) ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 6 ກັນ­ຍາ 2019 ທີ່​ຫ້ອງ​ວ່າ­ການ​ປົກ­ຄອງ ນວ ມີ​ທ່ານ ລາດ​ຊະ­ນີ​ວົງ ອະ​ມາ​ຣາ​ທິ​ທາ­ດາ ຄະ­ນະ​ປະ­ຈຳ​ພັກ ປະ­ທານ​ອົງ ການ​ກວດ­ກາ​ພັກ-ລັດ ນວ ທ່ານ ໄຊ​ຍະ​ເວດ ວິ​ໄຊ ຄະ­ນະ​ປະ­ຈຳ​ພັກ ຫົວ­ໜ້າ​ກົມ​ຈັດ​ຕັ້ງ​ພະ­ນັກ­ງານ ກະ­ຊວງ​ຊັບ­ພະ­ຍາ­ກອນ ທຳ​ມະ​ຊາດ (ກຊສ) ແລະ ສິ່ງ­ແວ­ດລ້ອມ ທ່ານ ບຸນ​ທາມ ພຸດ​ທະ​ວົງ­ສາ ຫົວ­ໜ້າ ພຊສ ນວ ທ່ານ​ນາງ ດຳ​ດວນ ຈັນ­ທະ​ວົງ ຮອງ​ຫົວ­ໜ້າ​ຄະ­ນະ​ຈັດ​ຕັ້ງ ນວ ບັນ­ດາ​ຮອງ​ຫົວ­ໜ້າ​ພະ​ແນກ ຮອງ​ເຈົ້າ­ເມືອງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໃນ​ພິ­ທີ​ໄດ້​ຜ່ານ​ຂໍ້​ຕົກ­ລົງ​ປະ­ກາດ​ແຕ່ງ­ຕັ້ງ​ທ່ານ ແສງ​ພອນ ແພງ​ສຸ­ວັນ ຫົວ­ໜ້າ​ພະ​ແນກ​ຄຸ້ມ​ຄອງ​ການ​ນຳ​ໃຊ້​ນ້ຳ ກົມ​ຊັບ­ພະ­ຍາ­ກອນ​ນ້ຳ ກຊສ ມາ​ເປັນ​ຮອງ​ຫົວ­ໜ້າ ພຊສ ນວ ທ່ານ ສຸ​ພົນ ໂສ​ມາ­ຍາ ຫົວ­ໜ້າ​ຫ້ອງ­ການ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ (ຫຊສ) ເມືອງ​ໄຊ​ເສດ​ຖາ ທ່ານ​ນາງ ວັນ​ທອງ ໄຊ​ຄຳ​ເພັງ ຮອງ​ຫົວ­ໜ້າ ຫຊສ ເມືອງ​ຈັນ­ທະ​ບູ​ລີ ແລະ ທ່ານ ສີ​ວິ​ໄຊ ສາ­ລີ​ວັນ ຮອງ​ຫົວ­ໜ້າ​ພະ​ແນກ ກົມ​ທີ່​ດິນ ກຊສ ມາ​ປະ­ຈຳ­ການ​ຢູ່ ພຊສ ນວ ແລະ ທ່ານ ລຳ​ເພັດ ຄຳ​ຄໍ້​ຮົມ​ພັນ ຫົວ­ໜ້າ​ຂະ­ແໜງ​ບໍ­ລິ­ຫານ​ແຜນ­ການ ແລະ ການ​ເງິນ ພຊສ ນວ ໄປ​ປະ­ຈຳ­ການ​ຢູ່​ເມືອງ​ຫາດ​ຊາຍ​ຟອງ ທ່ານ​ນາງ ທອງ​ໃສ ແກ່ນ​ປະ­ເສີດ ຫົວ­ໜ້າ​ຂະ­ແໜງ​ຈັດ​ຕັ້ງ ແລະ ກວດ­ກາ ພຊສ ນວ ໄປ​ປະ­ຈຳ​ຢູ່​ເມືອງ​ໄຊ​ເສດ​ຖາ ທ່ານ ເພັດ​ສະ­ຫວັນ ປະ​ຖັມ​ມະ​ວົງ ຮັກ­ສາ​ການ​ຫົວ­ໜ້າ​ຄຸ້ມ​ຄອງ​ທີ່​ດິນ ພຊສ ນວ ໄປ​ປະ­ຈຳ­ການ​ຢູ່​ເມືອງ​ໄຊ​ທາ­ນີ ທ່ານ ແກ້ວ​ເລີດ​ວິ­ໄລ ໄຊ​ຍະ​ວົງ­ສາ ຮອງ​ຫົວ­ໜ້າ​ຂະ­ແໜງ​ຈັດ​ສັນ ແລະ ພັດ­ທະ­ນາ​ທີ່​ດິນ ພຊສ ນວ ໄປ​ປະ­ຈຳ­ການ​ຢູ່​ເມືອງ​ສີ​ສັດ­ຕະ​ນາກ ທ່ານ ອາ​ນຸ​ລັກ ວົງ​ພະ­ຈັນ ຮອງ​ຫົວ­ໜ້າ​ຂະ­ແໜງ​ຈັດ​ສັນ ແລະ ພັດ­ທະ­ນາ​ທີ່​ດິນ ພຊສ ນວ ໄປ​ປະ­ຈຳ­ການ​ຢູ່​ເມືອງ​ໄຊ​ເສດ​ຖາ ແລະ ທ່ານ ບົວ​ຈັນ ຂຸນ​ໄຊ ຮອງ​ຫົວ­ໜ້າ​ຄຸ້ມ​ຄອງ​ທີ່​ດິນ ພຊສ ນວ ໄປ​ປະ­ຈຳ​ຢູ່​ເມືອງ​ສັງ​ທອງ ປະ­ກາດ​ແຕ່ງ­ຕັ້ງ​ທ່ານ ສຸ​ພົນ ໂສ​ມາ­ຍາ ຫົວ­ໜ້າ​ຂະ­ແໜງ​ບໍ­ລິ­ຫານ ແລະ ການ​ເງິນ ຫຊສ ເມືອງ​ໄຊ​ເສດ​ຖາ ທ່ານ ອຸ່ນ​ຫຼ້າ ທຳ​ມະ​ວົງ­ສາ ແລະ ທ່ານ​ນາງ ຈັນ​ສຸກ ບົວ​ລະ​ວົງ ຮອງ​ຫົວ­ໜ້າ​ຂະ­ແໜງ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ພຊສ ນວ ນອກ​ນີ້ ຍັງ​ມີ​ຂະ­ແໜງ​ແຜນ­ການ​ສະ­ຖິ­ຕິ ແລະ ຂໍ້​ມູນ-ຂ່າວ­ສານ ຂະ­ແໜງ​ຈັດ​ຕັ້ງ ແລະ ພະ­ນັກ­ງານ ຂະ­ແໜງ ກວດ­ກາ ຂະ­ແໜງ​ທີ່​ດິນ ຂະ­ແໜງ​ຊັບ­ພະ­ຍາ­ກອນ​ນ້ຳ ແລະ ອຸ­ຕຸ­ນິ­ຍົມ ຂະ­ແໜງ​ສິ່ງ­ແວ­ດລ້ອມ ແລະ ການ​ປ່ຽນ­ແປງ​ດິນ​ຟ້າ​ອາ­ກາດ ແລະ ຂະ­ແໜງ ຕິດ­ຕາມ​ກວດ­ກາ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ທັງ​ນີ້ ເພື່ອ​ປະ­ຕິ­ບັດ​ຕາມ​ຂໍ້​ຕົກ­ລົງ​ຂອງ​ທ່ານ​ເຈົ້າ​ຄອງ ນວ ແລະ ລະ­ບຽບ​ຂອງ​ລັດ­ຖະ­ກອນ ເຮັດ​ໃຫ້​ມີ​ຄວາມ​ສອດ ຄ່ອງ​ກັບ​ໜ້າ­ທີ່​ວິ­ຊາ​ສະ­ເພາະ.

ຂ່າວທີ່ກ່ຽວຂ້ອງ