ເປຕັງລາວ ຮ່ວມແຂ່ງຂັນເປຕັງ ຊີງແຊັມປະເທດໄທ

578 09 ກ.ຍ. 2019 ວົງຈອນກີລາ
ເປຕັງລາວ ຮ່ວມແຂ່ງຂັນເປຕັງ ຊີງແຊັມປະເທດໄທ

   ວັນ​ທີ 5 ກັນ­ຍາ 2019 ຄະ­ນະ​ນັກ­ກີ­ລາ​ເປ​ຕັງ​ທີມ​ຊາດ​ລາວ ເດີນ­ທາງ​ໄປ​ເຂົ້າ​ຮ່ວມ​ແຂ່ງ­ຂັນ​ເປ​ຕັງ ຊີງ​ແຊັມ​ປະ­ເທດ​ໄທ ຢູ່​ແຂວງ​ຣະ​ຍອງ ວັນ​ທີ 7-10 ກັນ­ຍາ 2019 ນຳ​ໂດຍ​ທ່ານ ວຽງ​ທາ ເຂັມ​ວົງ ສາ ຫົວ­ໜ້າ​ຄະ­ນະ​ນຳ­ພາ ຄູ​ເຝິກ ພ້ອມ​ດ້ວຍ​ນັກ­ກີ­ລາ 5 ຄົນ ຄື: ນາງ ຈັນ​ສະ­ໝອນ ວົງ​ສະ​ຫວັດ ຈາກ​ແຂວງ​ສາ­ລະ​ວັນ ນາງ ມະ­ນີ​ວັນ ສຸ­ລິ­ຍາ ຈາກ​ແຂວງ​ຈຳ­ປາ​ສັກ ນາງ ຄູນ ສຸກ​ສະ­ຫວັນ ຈາກ​ນະ ຄອນ​ຫຼວງ​ວຽງ​ຈັນ ທ້າວ ສຸ­ພະ​ກອນ ລັດ­ຕະ­ນະ​ບໍ​ວັນ ຈາກ​ແຂວງ​ຫຼວງ​ພະ​ບາງ ທ້າວ ໄຊ​ສະ­ຫວັນ ຈາກ​ແຂວງ​ຄຳ​ມ່ວນ ແລະ ທ້າວ ພົງ​ສະ­ຫວັນ ພົມ​ມະ​ແສງ ຈາກ​ນະ­ຄອນ­ຫຼວງ​ວຽງ​ຈັນ.

    ການ​ແຂ່ງ­ຂັນ​ຄັ້ງ​ນີ້ ມີ 9 ປະ­ເທດ​ເຂົ້າ​ຮ່ວມ​ເຊັ່ນ: ສປປ ລາວ ບຣູ​ໄນ ໄຕ້​ຫວັນ ອິນ​ເດຍ ສປ ຈີນ ປາ​ກິດ​ສະ­ຖານ ຄາ​ຊັກ​ສະ­ຖານ ສ ເກົາ­ຫຼີ ແລະ ໄທ ສະ­ເພາະ ສປປ ລາວ ຈະ​ແຂ່ງ­ຂັນ 4 ລາຍ­ການ​ຄື: ຊຸດ​ຕິ້ງ​ຍິງ-ຊາຍ ທີມ​ຊຸດ​ຍິງ ແລະ ຊຸດ​ຊາຍ ຕັ້ງ​ເປົ້າ​ສູ້​ຊົນ​ໃຫ້​ຕິດ 1 ໃນ 3 ທັງ 4 ລາຍ ການ.

    ຫຼັງ​ຈາກ​ຈົບ​ການ​ແຂ່ງ­ຂັນ​ຄັ້ງ​ນີ້ ສະ­ຫະ­ພັນ​ເປ​ຕັງ​ແຫ່ງ​ຊາດ​ລາວ ຈະ​ສືບ­ຕໍ່​ເກັບ​ຕົວ​ເຝິກ­ຊ້ອມ ແລະ ທົດ​ສອບ​ນັກ­ກີ­ລາ​ຕື່ມ​ອີກ ເພື່ອ​ແຂ່ງ­ຂັນ​ລາຍ­ການ​ຕ່າງໆ​ຢູ່​ພາຍ​ໃນ ແລະ ຕ່າງ­ປະ­ເທດ ຕາມ​ສະ­ພາບ​ເງື່ອນ­ໄຂ ເພື່ອ​ກຽມ​ຄວາມ​ພ້ອມ​ສູ່​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ໃນ​ທ້າຍ​ປີ 2019 ຢູ່​ປະ­ເທດ​ຟີ​ລິບ​ປິນ.

ຂ່າວທີ່ກ່ຽວຂ້ອງ