ຂ່າວຫຼ້າສຸດ

ລາວ ຄວ້າອັນດັບ 5 ການແຂ່ງຂັນຢູໂດຊີງແຊັມໂລກ 2019

261 06 ກ.ຍ. 2019 ວົງຈອນກີລາ
ລາວ ຄວ້າອັນດັບ 5 ການແຂ່ງຂັນຢູໂດຊີງແຊັມໂລກ 2019

    ມະ­ຍຸ­ລີ ພາ­ນຸ​ວົງ ແລະ ພອນ​ວັນ ສີ​ອຳ­ພອນ ນັກ­ກີ­ລາ​ຢູ​ໂດ​ທີມ​ຊາດ​ລາວ ປະ­ເພດ​ຟ້ອນ KATA ເຮັດ​ໄດ້​ພຽງ​ອັນ​ດັບ 5 ຂອງ​ໂລກ ປະ­ເພດ​ຄູ່​ຍິງ ໃນ​ການ​ແຂ່ງ­ຂັນ​ຢູ​ໂດ ຊີງ​ແຊັມ​ໂລກ ປີ 2019 ຢູ່​ຈຸງ​ຈູ ສ ເກົາ­ຫຼີ ວັນ​ທີ 4-5 ກັນ­ຍາ 2019 ມີ​ນັກ­ກີ­ລາ 166 ຄົນ ຈາກ 29 ປະ­ເທດ​ເຂົ້າ​ຮ່ວມ.

    ທ່ານ ຄຳ​ບໍ່ ສີ​ປະ­ເສີດ ຮອງ​ປະ­ທານ ແລະ ເລ­ຂາ­ທິ­ການ​ສະ­ຫະ­ພັນ​ຢູ​ໂດ​ແຫ່ງ​ຊາດ​ລາວ ກ່າວ​ວ່າ: ການ​ແຂ່ງ­ຂັນ​ຄັ້ງ​ນີ້ ລາວ​ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 2 ຄົນ ປະ­ເພດ​ຟ້ອນ​ຄູ່​ຍິງ ຮ່ວມ​ແຂ່ງ­ຂັນ​ກັບ​ນັກ­ກີ­ລາ​ຈາກ 17 ປະ­ເທດ ເຊັ່ນ: ສ ເກົາ­ຫຼີ ສປປ ລາວ ໄທ ສປ ຈີນ ໄຕ້​ຫວັນ ອີ​ຕາ​ລີ ສະ­ຫະ​ຣາ​ຊ​ອາ­ນາ­ຈັກ ເຢຍ​ລະ​ມັນ ແອັດ​ສະ​ປາຍ ຣູ​ມາ​ນີ ຝຣັ່ງ ໂຄຣ​ອາ­ຊີ ບຣາ​ຊິນ ສ ເມ​ຣິ​ກາ ອົດ​ສະ​ຕຣາ​ລີ ແລະ ກາ​ນາ​ດາ.

    ການ​ແຂ່ງ­ຂັນ​ຮອບ​ຄັດ​ເລືອກ​ສອງ​ນັກ­ກີ­ລາ​ຈາກ​ລາວ ໄດ້​ອັນ​ດັບ 3 ກຸ່ມ​ທີ 1 ມີ 383 ຄະ­ແນນ ຄວ້າ​ສິດ​ເຂົ້າ​ຮອບ​ຊີງ​ຊະ­ນະ​ເລີດ 6 ຄູ່​ສຸດ​ທ້າຍ ໂດຍ​ຮອບ​ຊີງ​ຊະ­ນະ​ເລີດ ລາວ​ໄດ້​ອັນ​ດັບ​ທີ 5 ມີ 407,5 ຄະ­ແນນ ອັນ​ດັບ​ທີ 1 ເຢຍ​ລະ​ມັນ 442,5 ຄະ­ແນນ ອັນ​ດັບ 2 ຣູ​ມາ​ນີ 429,5 ຄະ­ແນນ ອັນ​ດັບ 3 ອີ​ຕາ​ລີ 418,5 ຄະ­ແນນ ອັນ​ດັບ 4 ຝຣັ່ງ ທີມ A 414 ຄະ­ແນນ ເຮັດ​ໃຫ້​ລາວ​ເປັນ​ອັນ​ດັບ 1 ຂອງ​ອາ­ຊີ ແລະ ອາ​ຊຽນ ເພາະ​ຫຼາຍ​ຊາດ​ໃນ​ອາ­ຊີ ແລະ ອາ​ຊຽນ ບໍ່​ຜ່ານ​ຮອບ​ຄັດ​ເລືອກ.

ຂ່າວທີ່ກ່ຽວຂ້ອງ