ຂ່າວຫຼ້າສຸດ

ຊຽງຂວາງ ພໍໃຈຜົນງານນັກກີລາ ຊີງຂັນເຈົ້າຄອງ ນວ

240 05 ກ.ຍ. 2019 ວົງຈອນກີລາ
ຊຽງຂວາງ ພໍໃຈຜົນງານນັກກີລາ ຊີງຂັນເຈົ້າຄອງ ນວ

    ທ່ານ ໄຊ​ຖາ­ວອນ ບຸນ​ທະ­ລາ ເລ­ຂາ­ທິ­ການ​ສະ­ຫະ­ພັນ​ກີ­ລາ​ເທ​ຄວັນ​ໂດ ແຂວງ​ຊຽງ​ຂວາງ ໃຫ້​ສຳ­ພາດ​ເມື່ອ​ບໍ່​ດົນ​ມາ​ນີ້​ວ່າ: ການ​ແຂ່ງ­ຂັນ​ເທ​ຄວັນ​ໂດ ຊີງ​ຂັນ​ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ II ຈັດ​ຂຶ້ນ​ທ້າຍ​ເດືອນ​ສິງ­ຫາ 2019 ຢູ່​ສະ­ໂມ­ສອນ​ກີ­ລາ​ໃນ​ຮົ່ມ​ບູ​ຢອງ (ວິ­ທະ­ຍາ​ເຂດ​ດົງ​ໂດກ) ປະ­ກອບ​ມີ 5 ຮຸ່ນ ຄື: ອາ­ຍຸ 8 ປີ 10 ປີ 15 ປີ 17 ປີ ແລະ ຮຸ່ນ​ທົ່ວ​ໄປ ມີ 28 ສະ­ໂມ­ສອນ ໃນ​ນີ້ 4 ແຂວງ​ຈາກ​ປະ­ເທດ​ໄທ ເຂົ້າ​ຮ່ວມ 400 ກວ່າ​ຄົນ ສະ­ເພາະ​ແຂວງ​ຊຽງ​ຂວາງ ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ 13 ຄົນ ຍິງ 3 ຄົນ.

    ຜ່ານ​ການ​ແຂ່ງ­ຂັນ​ທັບ​ນັກ­ກີ­ລາ​ເທ​ຄວັນ​ໂດ​ແຂວງ​ຊຽງ​ຂວາງ ຍາດ​ມາ​ໄດ້ 3 ຫຼຽນ​ຄຳ 4 ຫຼຽນ​ເງິນ 2 ຫຼຽນ​ທອງ ລວມ 9 ຫຼຽນ ຈັດ​ຢູ່​ອັນ​ດັບ 11 ນອກ​ນີ້​ຍັງ​ຍາດ​ໄດ້ 2 ຂັນ​ລາ­ງວັນ​ດີ­ເດັ່ນ ຄື: ນາງ ກິ​ດາ​ວອນ ພິ­ລາ​ວົງ ໄດ້​ລາ­ງວັນ​ດີ­ເດັ່ນ​ປະ­ເພດ​ຟ້ອນ​ປຸ່ມ​ເຊ້​ດ່ຽວ​ຍິງ ທ້າວ ຄອນ​ສະ­ຫວັນ ລາດ​ພົມ­ມະ­ຈັນ ທ້າວ ສຸ­ລະ​ສັກ ສີ​ປັນ­ຍາ ແລະ ທ້າວ ຄອນ​ສະ­ຫວັນ ນັນ­ທະ​ວົງ ໄດ້​ລາ­ງວັນ​ດີ­ເດັ່ນ​ປະ­ເພດ​ຟ້ອມ​ປຸ່ມ​ເຊ້ ທີມ​ຊາຍ.

    ຜົນ­ສຳ­ເລັດ​ທີ່​ນັກ­ກີ­ລາ​ຍາດ​ມາ​ໄດ້​ຄັ້ງ​ນີ້ ບໍ່​ພຽງ​ແຕ່​ຢັ້ງ­ຢືນ​ເຖິງ​ຄວາມ​ສາ­ມາດ ຄວາມ​ເອົາ­ໃຈ­ໃສ່ ແລະ ພະ­ຍາ­ຍາມ​ຂອງ​ນັກ­ກີ­ລາ​ເທົ່າ​ນັ້ນ ຍັງ​ຢັ້ງ­ຢືນ​ເຖິງ​ຄວາມ​ເອົາ­ໃຈ­ໃສ່​ໃນ​ການ​ຊີ້​ນຳ-ນຳ­ພາ​ຂອງ​ຄະ­ນະ​ນຳ​ທີ່​ກ່ຽວ­ຂ້ອງ ສະ­ຫະ­ພັນ​ກີ­ລາ​ເທ​ຄວັນ​ໂດ​ແຂວງ ແລະ ຄູ​ເຝິກ ທີ່​ໄດ້​ພ້ອມ​ກັນ​ຊຸກ­ຍູ້-ສົ່ງ­ເສີມ ແລະ ສ້າງ​ຄວາມ​ເຂັ້ມ­ແຂງ​ໃຫ້​ນັກ­ກີ­ລາ​ໃນ​ເວ­ລາ​ລົງ​ແຂ່ງ­ຂັນ​ລະ­ດັບ​ຕ່າງໆ​ພາຍ​ໃນ​ແຂວງ ແລະ ລະ­ດັບ​ຊາດ ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ເທ​ຄວັນ​ໂດ ໃນ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ XI ຢູ່​ແຂວງ​ຊຽງ​ຂວາງ ວັນ​ທີ 22 ມີ­ນາ-2 ເມ­ສາ 2019 ອີກ​ດ້ວຍ.

ຂ່າວທີ່ກ່ຽວຂ້ອງ