ມີລາຍໄດ້ດີ ແຕ່ກໍຄວນມີສະຕິຕໍ່ລະບຽບ

5.544 02 ມີ.ນ. 2011 ພັດທະນານະຄອນຫຼວງ

<p style="text-align: justify;"> ການ​ຊື້-ການ​ຂາຍ ເປັນ​ສິດ­ທິ​ຂອງ​ບຸກ­ຄົນ ເປັນ­ຄວາມ​ເພິ່ງ​ພໍ­ໃຈ​ຂອງ​ຜູ້​ຊື້ ແລະ ຜູ້​ຂາຍ ທັງ​ເປັນ​ການ​ສົ່ງ­ເສີມ​ໃຫ້​ມີ​ວຽກ​ເຮັດ​ງານ​ທຳ ສ້າງ​ລາຍ​ໄດ້​ໃຫ້​ແກ່​ຄອບ­ຄົວ ເຊິ່ງ​ເປັນ​ເລື່ອງ​ທີ່​ດີ ແລະ ໜ້າ​ຍ້ອງ­ຍໍ​ຊົມ­ເຊີຍ ແຕ່​ສິ່ງ​ທີ່​ຈະ​ເວົ້າ​ເຖິງ​ນີ້ ຫຼາຍ​ທ່ານ​ກໍ​ຄົງ​ຈະ​ຮູ້ ແລະ ປະ­ສົບ​ພົບ­ພໍ້​ດ້ວຍ​ຕົນ​ເອງ ໂດຍ​ສະ­ເພາະ ຕາມ​ເສັ້ນ­ທາງ​ຫຼວງ­ຫຼາຍ​ສາຍ ບໍ່​ວ່າ​ເສັ້ນ­ທາງ​ຮ່ອມ ທາງ​ຊອຍ ກໍ​ຈະ​ເຫັນ​ບັນ­ດາ​ຫ້າງ​ຮ້ານ ລວມ​ທັງ​ລົດ​ລໍ້​ຂາຍ­ເຄື່ອງ​ຂອງ​ຢູ່​ຂອງ​ກິນ ຈອດ​ລຽງ​ລາຍ​ຕາມ​ແຄມ​ທາງ ຢ່າງ​ບໍ່​ເປັນ​ລະ­ບຽບ.</p> <p style="text-align: justify;"> ຖະ­ໜົນ​ທີ່​ເຫັນ​ວ່າ​ສັບ­ສົນ ກໍ​ແມ່ນ​ເສັ້ນ­ທາງ​ແຄມ​ຂອງ ບໍ­ລິ­ເວນ​ແຕ່​ໜ້າ​ໂຮງ­ແຮມ​ດອນ​ຈັນ​ພາ​ເລດ ມາ​ເຖິງ 3 ແຍກ​ໂຮງ­ແຮມ​ປາກ​ປ່າ​ສັກ ເພາະ​ສັງ­ເກດ​ເຫັນ​ການ​ຊື້​ຂາຍ​ຕາມ​ແຄມ​ທາງ​ຄຶກ­ຄື້ນ​ຫຼາຍ ໂດຍ​ສະ­ເພາະ​ເວ­ລາ​ກາງ­ເວັນ ຢູ່​ຕໍ່­ໜ້າ​ສວນ​ເຈົ້າ​ອະ­ນຸ­ວົງ ຍິ່ງ​ມີ​ບັນ­ຫາ​ຫຼາຍ ອຸ­ປະ­ຕິ­ເຫດ​ລົດ​ຕຳ​ກັນ ກໍ​ເກີດ​ມີ​ໃຫ້​ເຫັນ ຍ້ອນ​ມີ​ສິ່ງ​ກີດ­ຂວາງ ບວກ​ກັບ​ຜູ້​ຂັບ​ຂີ່​ບໍ່​ນັບ­ຖື​ກົດ​ລະ­ບຽບ​ຈະ­ລາ­ຈອນ.</p> <p style="text-align: justify;"> ຕໍ່​ບັນ­ຫາ​ດັ່ງ­ກ່າວ​ນີ້ ບໍ່​ຮູ້​ວ່າ​ຈະ​ໃຫ້​ພາກ­ສ່ວນ​ໃດ​ຮັບ­ຜິດ­ຊອບ ຜູ້​ຂາຍ​ກໍ​ຢາກ​ໄດ້​ເງິນ ຜູ້​ຊື້​ກໍ​ຢາກ​ມີ​ຄວາມ​ສະ­ດວກ​ສະ­ບາຍ ເວ­ລາ​ອິດ­ເມື່ອຍ​ຄິດ​ຢາກ​ກິນ​ຫຍັງ​ກໍ​ໄດ້​ກິນ ວ່າ​ແຕ່​ມີ​ເງິນ​ຊື້ ເພາະ​ສັງ­ເກດ​ເຫັນ​ລໍ້​ຂາຍ­ເຄື່ອງ​ຕາມ​ແຄມ​ຖະ­ໜົນ​ນັ້ນ ມີ​ທຸກ​ປະ­ເພດ ຂາຍ​ນ້ຳ ຂາຍ­ຂອງ​ສົ້ມ​ຂອງ­ຫວານ ລວມ​ໄປ​ເຖິງ​ຂອງ​ປີ້ງ​ຂອງ​ຈີ່ ມີ​ໄວ້​ບໍ­ລິ­ການ​ພຽບ​ພ້ອມ ແມ່ນ​ຢູ່​ວ່າ​ຜູ້​ຄົນ​ທີ່​ມາ​ທ່ຽວ​ຊົມ​ສະ­ຖານ­ທີ່​ດັ່ງ­ກ່າວ ແຕ່​ລະ​ວັນ​ກໍ​ມີ​ຈຳ­ນວນ​ຫຼວງ­ຫຼາຍ ມີ​ທັງ​ແຂກ​ພາຍ​ໃນ ແລະ ຕ່າງ­ປະ­ເທດ ແນ່­ນອນ​ວ່າ ກໍ​ຕ້ອງ​ເກີດ​ຢາກ​ກິນ​ນ້ຳ​ກິນ​ສົ້ມ​ກິນ​ຫວານ ແຕ່​ກໍ​ຄວນ​ມີ​ໜ່ວຍ​ງານ​ຈັດ​ສັນ​ບ່ອນ​ຊື້​ຂາຍ​ໃຫ້​ເໝາະ​ສົມ ເປັນ​ລະ­ບຽບ​ຮຽບ​ຮ້ອຍ ບໍ່​ໃຫ້​ກີດ­ຂວາງ​ການ​ສັນ­ຈອນ​ໄປ​ມາ.</p> <p style="text-align: justify;"> ພ້ອມ​ດຽວ​ກັນ ກໍ​ຍັງ​ຈະ​ເປັນ​ການ​ປະ­ກອບ­ສ່ວນ ສ້າງ​ຄວາມ​ເປັນ​ລະ­ບຽບ​ຮຽບ​ຮ້ອຍ​ໃນ​ສະ­ຖານ­ທີ່​ສາ­ທາ­ລະ­ນະ ແຂກ​ຄົນ​ທີ່​ມາ​ທ່ຽວ​ຊົມ ລວມ​ທັງ​ຜູ້​ສັນ­ຈອນ​ໄປ​ມາ ກໍ​ຈະ​ໄດ້​ຮັບ​ຄວາມ​ສະ­ດວກ​ສະ­ບາຍ​ຂຶ້ນ ໂດຍ​ສະ­ເພາະ​ຍິ່ງ​ເປັນ​ສະ­ຖານ­ທີ່​ສຳ­ຄັນ ເປັນ​ເຂດ​ທີ່​ແຂກ​ຕ່າງ­ປະ­ເທດ​ຜ່ານ​ໄປ​ມາ​ຢ່າງ​ຫຼວງ­ຫຼາຍ ຈະ​ໄດ້​ເຫັນ​ວ່າ​ຊາວ​ນະ­ຄອນ­ຫຼວງ ມີ​ລະ­ບຽບ​ວິ­ໄນ ເປັນ​ຜູ້​ທີ່​ເອົາ­ໃຈ­ໃສ່​ວຽກ​ງານ 6 ສ ຢ່າງ​ແທ້​ຈິງ.</p> <p style="text-align: justify;"> <strong>ໂດຍ: ລູກ​ຊາຍ​ດຽວ</strong></p>

ຂ່າວທີ່ກ່ຽວຂ້ອງ