ຂ່າວຫຼ້າສຸດ

ຈີນ ປະກາດ​ປຶ້ມ​ປົກ​ຂາວ​​ກ່ຽວ​ກັບ​ຄວາມ​ປອດ​ໄພ​ດ້ານ​ນິວ​ເຄ​​ລຍ​

193 05 ກ.ຍ. 2019 ຂ່າວຕ່າງປະເທດ
ຈີນ ປະກາດ​ປຶ້ມ​ປົກ​ຂາວ​​ກ່ຽວ​ກັບ​ຄວາມ​ປອດ​ໄພ​ດ້ານ​ນິວ​ເຄ​​ລຍ​

    ວັນ​ທີ 3 ກັນຍາ​ນີ້ ຫ້ອງການ​ຖະແຫຼງ​ຂ່າວ​ຂອງ​ລັດຖະບານ​ຈີນ ໄດ້​ປະກາດ​ປຶ້ມ​ປົກ​ຂາວ “ຄວາມ​ປອດ​ໄພ​ດ້ານ​ນິວ​ເຄລຍ​ຂອງ​ຈີນ” ຊຶ່ງ​ເປັນ​ປື້ມ​ປົກ​ຂາວ​ກ່ຽວ​ກັບ​ຄວາມ​ປອດ​ໄພ​ດ້ານ​ນິວ​ເຄລຍ ສະບັບ​ທຳ​ອິດ​ຂອງ​ລັດຖະບານ​ຈີນ.

     ປຶ້ມ​ປົກ​ຂາວ​ດັ່ງກ່າວ ໄດ້​ແນະນຳ​ໃຫ້​ຮູ້​ເຖິງ​ຂະ​ບວນ​ການ​ພັດທະນາ​ວຽກ​ງານ​ຄວາມ​ປອດ​ໄພ​ດ້ານ​ນິວ​ເຄລຍ​ຂອງ​ຈີນ​ຢ່າງຮອບດ້ານ ອະທິບາຍ​ເຖິງ​ຫຼັກການ​ພື້ນຖານ ແລະ ຈຸດ​ຢືນ​ຂອງ​ຈີນ ກ່ຽວ​ກັບ​ນະໂຍບາຍ​ຄວາມ​ປອດ​ໄພ​ດ້ານ​ນິວ​ເຄລຍ ແບ່ງປັນ​ບົດຮຽນ​ທາງ​ດ້ານ​ແນວ​ຄວາມ​ຄິດ ແລະ ພຶດຕິ​ກຳ​ຂອງ​ຈີນ ໃນ​ການ​ຕິດຕາມ​ຄຸ້ມ​ຄອງ​ຄວາມ​ປອດ​ໄພ​ດ້ານ​ນິວ​ເຄລຍ ຊີ້​ແຈງ​ຄວາມ​ຕັດສິນ​ໃຈ ແລະ ການ​ກະທຳ​ຂອງ​ຈີນ ໃນ​ການ​ຊຸກຍູ້​ຂະ​ບວນ​ການ​ແກ້​ໄຂ ບັນຫາ​ຄວາມ​ປອດ​ໄພ​ດ້ານ​ນິວ​ເຄລຍ​ຂອງ​ໂລກ.

    ປຶ້ມ​ປົກ​ຂາວ​ຊີ້​ໃຫ້​ເຫັນ​ວ່າ ຈີນ​ໄດ້​ຢຶດ​ຖື​ຄວາມ​ປອດ​ໄພ​ດ້ານ​ນິວ​ເຄລຍ ເປັນ​ໜ້າທີ່​ຮັບຜິດຊອບ​ທີ່​ສຳຄັນ​ຂອງ​ຊາດ​ຢ່າງ​ສະເໝີ​ຕົ້ນ​ສະເໝີ​ປາຍ ໄດ້​ພັດທະນາ​ວຽກ​ງານ​ດ້ານ​ນິວ​ເຄລຍ​ບົນ​ເງື່ອນໄຂ​ຖື​ເອົາ​ຄວາມ​ປອດ​ໄພ​ເປັນຕົ້ນ​ຕໍ​ມາ​ໂດຍ​ຕະຫຼອດ ຊຸກຍູ້​ການ​ພັດທະນາ​ນິວ​ເຄລຍ​ຕາມ​ມາດຕະຖານ​ຄວາມ​ປອດ​ໄພ​ຫຼ້າ​ສຸດ ດ້ວຍ​ການ​ປະດິດ​ສ້າງ​ໃໝ່​ຢ່າງ​ບໍ່​ຢຸດ​ຢັ້ງ ໄດ້​ຮັກສາ​ສະຖິຕິ​ດ້ານ​ຄວາມ​ປອດ​ໄພ​ທີ່​ດີ ສະແຫວງຫາ​ວິທີ​ການ​ແຫ່ງ​ຄວາມ​ປອດ​ໄພ​ດ້ານ​ນິວ​ເຄລຍ ດ້ວຍ​ການ​ປະດິດ​ສ້າງ​ໃໝ່​ທີ່​ມີ​ສີສັນ​ຂອງ​ຈີນ.

 

ຂ່າວທີ່ກ່ຽວຂ້ອງ