ຂ່າວຫຼ້າສຸດ

ຢູ-16 ລາວ ເກັບຕົວທີ່ ຫວຽດນາມ ກ່ອນເຕະບານ ເອເອັຟຊີ ແຊັມປ້ຽນຊິບ 2020

283 04 ກ.ຍ. 2019 ວົງຈອນກີລາ

    ທັບ​ນັກ​ກິ­ລາ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 16 ປີ (ຢູ-16) ອອກ​ເດີນ­ທາງ​ໄປ​ເກັບ​ຕົວ​ທີ່ ສສ ຫວຽດ­ນາມ ໃນ​ວັນ​ທີ 31 ສິງ­ຫາ 2019 ກ່ອນ​ລຸຍ​ການ​ແຂ່ງ­ຂັນ​ເຕະ­ບານ ເອ​ເອັຟ​ຊີ ຮຸ່ນ​ອາ­ຍຸ​ບໍ່​ເກີນ 16 ປີ ແຊັມ​ປ້ຽນ​ຊິບ 2020 ຮອບ​ຄັດ​ເລືອກ (AFC U16 Championship 2020 Qualifiers) ທີ່​ນະ­ຄອນ­ຫຼວງ​ວຽງ​ຈັນ ສປປ ລາວ ເປັນ​ເຈົ້າ­ພາບ ໃນ​ທ້າຍ​ເດືອນ​ກັນ­ຍາ​ນີ້.

    ການ​ໄປ​ເກັບ​ຕົວ​ເຝິກ­ຊ້ອມ​ໃນ​ຄັ້ງ​ນີ້ ແມ່ນ​ເປັນ​ເວ­ລາ 6 ວັນ ລະ­ຫວ່າງ​ວັນ​ທີ 1-6 ກັນ­ຍາ 2019 ທີ່​ສູນ​ເຝິກ​ສະ­ໂມ­ສອນ ຮວ່າງ ແອັງ​ຢາ​ລາຍ ເມືອງ​ເປຣ​ກູ ສສ ຫວຽດ­ນາມ  ພ້ອມ​ກັນ​ນັ້ນ ທີມ​ຊາດ​ລາວ ຢູ-16 ຍັງ​ຈະ​ມີ​ເກມ​ນັດ​ອຸ່ນ​ເຄື່ອງ 2 ນັດ ໃນ​ວັນ​ທີ 3 ກັນ­ຍາ 2019 ພົບ​ກັບ ສະ­ໂມ­ສອນ ຮວ່າງ ແອັງ​ຢາ​ລາຍ ຮຸ່ນ​ອາ­ຍຸ​ບໍ່​ເກີນ 16 ປີ ແລະ ວັນ​ທີ 5 ກັນ­ຍາ 2019 ພົບ​ກັບ ສະ­ໂມ­ສອນ Nutifood JMG Academy U16 ຫຼັງ​ຈາກ​ນັ້ນ​ຈະ​ເດີນ­ທາງ​ໄປ​ເກັບ​ຕົວ​ເຝິກ­ຊ້ອມ​ຕໍ່ ຢູ່​ນະ­ຄອນ­ຫຼວງ​ຮາ​ໂນ້ຍ ສສ ຫວຽດ­ນາມ ໃນ​ວັນ​ທີ 7-10 ກັນ­ຍາ 2019 ພ້ອມ​ກັບ​ມີ​ເກມ​ນັດ​ອຸ່ນ​ເຄື່ອງ​ອີກ 1 ນັດ ເພື່ອ​ເປັນ​ການ​ກະ­ກຽມ​ຄວາມ​ພ້ອມ​ໃນ​ການ​ແຂ່ງ­ຂັນ​ລາຍ­ການ AFC U16 Championship 2020 Qualifiers ຮອບ​ຄັດ​ເລືອກ ລະ­ຫວ່າງ​ວັນ​ທີ 18-22 ກັນ­ຍາ 2019 ທີ່​ນະ­ຄອນ­ຫຼວງ​ວຽງ​ຈັນ ສປປ ລາວ ເປັນ​ເຈົ້າ­ພາບ ທີ່​ສະ­ໜາມ­ກິ­ລາ​ແຫ່ງ​ຊາດ (ຫຼັກ16) ໂດຍ​ທີມ​ຊາດ​ລາວ ແມ່ນ​ຈັດ​ຢູ່​ກຸ່ມ J ຮ່ວມ​ກັບ ທີມ​ຊາດ​ຍີ່­ປຸ່ນ ທີມ​ຊາດ​ມາ​ເລ​ເຊຍ ແລະ ທີມ​ຊາດ​ກຳ­ປູ­ເຈຍ.

    ສຳ­ລັບ​ໂປຣ​ແກຣມ​ຂອງ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 16 ປີ ໃນ​ລາຍ­ການ AFC U16 Championship 2020 Qualifiers ປະ­ກອບ​ມີ: ໃນ​ວັນ​ທີ 18 ກັນ­ຍາ 2019 ພົບ ທີມ​ຊາດ​ຍີ່­ປຸ່ນ 15:00 ໂມງ ໃນ​ວັນ​ທີ 20 ກັນ­ຍາ 2019 ເວ­ລາ 18:30 ໂມງ ພົບ ທີມ​ຊາດ​ມາ​ເລ​ເຊຍ ແລະ ໃນ​ວັນ​ທີ 22 ກັນ­ຍາ 2019 ເວ­ລາ 18:30 ໂມງ ພົບ ທີມ​ຊາດ​ກຳ­ປູ­ເຈຍ.

ຂ່າວທີ່ກ່ຽວຂ້ອງ