ຂ່າວຫຼ້າສຸດ

ກະຊວງການຕ່າງປະເທດ ອອກຖະແຫຼງການກ່ຽວກັບສະຖານະການຢູ່ຮົງກົງ

210 30 ສ.ຫ. 2019 ຂ່າວໜ້າ​ໜຶ່ງ

    ລັດ­ຖະ­ບານ​ແຫ່ງ ສປປ ລາວ ໄດ້​ອອກ​ຖະ­ແຫຼງ­ການ​ໃນ​ວັນ​ທີ 28 ສິງ­ຫາ 2019 ຕໍ່​ກັບ​ສະ­ຖາ­ນະ​ການ​ທີ່​ເກີດ​ຂຶ້ນ​ຢູ່​ຮົງ​ກົງ​ວ່າ: ລັດ­ຖະ­ບານ ແຫ່ງ ສປປ ລາວ ໄດ້​ຕິດ­ຕາມ​ສະ­ພາບ​ການ​ປະ​ທ້ວງ​ຢູ່​ເຂດ​ປົກ ຄອງ​ພິ­ເສດ​ຮົງ​ກົງ ສປ ຈີນ ຢ່າງ​ໃກ້­ຊິດ ແລະ ມີ​ຄວາມ​ເປັນ​ຫ່ວງ​ຕໍ່​ເຫດ­ການ​ປະ​ທ້ວງ​ດັ່ງ­ກ່າວ ເຊິ່ງ​ເປັນ​ການ​ສ້າງ​ຄວາມ​ບໍ່​ສະ­ຫງົບ​ຕໍ່​ສະ­ຖຽນ​ລະ​ພາບ​ທາງ​ສັງ­ຄົມ​ຂອງ​ເກາະ​ຮົງ​ກົງ.

    ລັດ­ຖະ­ບານ​ລາວ​ເວ­ລາ​ໃດ​ກໍ​ຢຶດ​ໝັ້ນ​ນະ­ໂຍ­ບາຍ​ຈີນ​ດຽວ ແລະ ຮັບ​ຮູ້​ຮົງ​ກົງ​ແມ່ນ​ເຂດ​ປົກ­ຄອງ​ພິ­ເສດ​ຂອງ ສປ ຈີນ ຕາມ​ລະ­ບົບ ຈີນ​ດຽວ ສອງ​ລະ­ບອບ ປະ­ເທດ ສປປ ລາວ ຫວັງ​ຢ່າງ​ຍິ່ງ​ວ່າ ເຫດ­ການ​ດັ່ງ­ກ່າວ​ຈະ​ໄດ້​ຮັບ​ການ​ແກ້​ໄຂ​ໂດຍ​ລັດ­ຖະ­ບານ​ເຂດ​ປົກ­ຄອງ​ພິ­ເສດ​ຮົງ​ກົງ​ດ້ວຍ​ສັນ­ຕິ​ວິ­ທີ ເພື່ອ​ເຮັດ​ໃຫ້​ສະ ພາບ​ການ​ກັບ​ຄືນ​ສູ່​ປົກ­ກະ­ຕິ.

ຂ່າວທີ່ກ່ຽວຂ້ອງ