ຂ່າວຫຼ້າສຸດ

ກຽມພົບກັບຮູບເງົາເລື່ອງດອກຈຳປາບານ

230 29 ສ.ຫ. 2019 ຂ່າວໜ້າ​ໜຶ່ງ
ກຽມພົບກັບຮູບເງົາເລື່ອງດອກຈຳປາບານ

    ກົມ​ຮູບ­ເງົາ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ຈັດ​ຖະ­ແຫຼງ​ຂ່າວ​ກ່ຽວ​ກັບ​ຮູບ­ເງົາ​ເລື່ອງ​ດອກ​ຈຳ­ປາ​ບານ ເຊິ່ງ​ເປັນ​ຮູບ­ເງົາ​ເລື່ອງ​ທຳ​ອິດ​ຂອງ​ການ​ຮ່ວມ​ມື​ສ້າງ ລະ­ຫວ່າງ ລາວ ແລະ ຈີນ ສ້າງ​ຂຶ້ນ​ໃນ​ໂອ ກາດ​ສາຍ­ສຳ­ພັນ ລາວ-ຈີນ ໂດຍ​ສະ­ເພາະ ເພື່ອ​ເປັນ​ການ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ວັນ​ສຳ­ຄັນ​ຂອງ​ພັກ​ຂອງ​ຊາດ ກໍ​ຄື ປີ​ທ່ອງ​ທ່ຽວ ລາວ-ຈີນ ພິ­ເສດ​ເພື່ອ​ຄຳ­ນັບ​ຮັບ​ຕ້ອນ​ວັນ­ຊາດ​ຈີນ ວັນ​ທີ 1 ຕຸ­ລາ ຄົບ­ຮອບ 70 ປີ.

    ພາຍ­ຫຼັງ​ຮູບ­ເງົາ​ເລື່ອງ​ນີ້​ສ້າງ​ສຳ­ເລັດ​ລົງ​ໄດ້​ເລີ່ມ​ສາຍ​ໃນ​ໂອ­ກາດ ປະ­ທານ​ປະ­ເທດ​ຈີນ​ເດີນ­ທາງ​ມາ​ຢ້ຽມ­ຢາມ​ລາວ ຢ່າງ​ເປັນ​ທາງ​ການ ໃນ​ວັນ​ທີ 13 ພະ­ຈິກ 2017 ທີ່​ໂຮງ​ຮູບ­ເງົາ​ສູນ​ການ​ຄ້າ​ວຽງ​ຈັນ​ເຊັນ​ເຕີ ນະ­ຄອນ­ຫຼວງ​ວຽງ​ຈັນ ແລະ ສາຍ​ຮອບ​ທຳ​ອິດ​ໃນ​ໂອ­ກາດ​ເປີດ​ກອງ​ປະ­ຊຸມ​ຄັ້ງ​ທຳ​ອິດ ກ່ຽວ​ກັບ​ການ​ໂຄ­ສະ­ນາ​ແນວ​ຄິດ​ລິ​ເລີ່ມ: ໜຶ່ງ​ແລວ​ໜຶ່ງ ເສັ້ນ­ທາງ ຂອງ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ຮ່ວມ​ກັບ​ສຳ­ນັກ​ຂ່າວ​ຊິນ​ຫົວ​ຈີນ ໃນ​ວັນ​ທີ 16 ມັງ ກອນ 2019 ແລະ ສາຍ​ຮອບ​ສື່​ມວນ​ຊົນ​ຢູ່​ປັກ​ກິ່ງ ແລະ ໄດ້​ສືບ­ຕໍ່​ສາຍ​ຢູ່​ຫຼາຍ​ແຂວງ​ຂອງ​ຈີນ.  

    ທ່ານ​ນາງ ສີ­ວິ­ໄລ ອ້ວນ​ພົງ​ຈະ­ເລີນ ເປັນ​ໜຶ່ງ​ໃນ​ນັກ­ສະ­ແດງ​ຢູ່​ໃນ​ເລື່ອງ​ໄດ້​ກ່າວ​ວ່າ: ມີ​ຄວາມ​ຮູ້­ສຶກ​ພາກ­ພູມ​ໃຈ​ທີ່​ຕົນ​ໄດ້​ມີ​ໂອ­ກາດ​ເປັນ​ສ່ວນ​ໜຶ່ງ​ໃນ​ບົດ​ທີ່​ສຳ­ຄັນ ເປັນ​ອີກ​ບົດ­ບາດ​ໜຶ່ງ​ທີ່​ຂ້ອນ​ຂ້າງ​ຍາກ​ພໍ​ສົມ­ຄວນ​ໃນ​ການ­ສະ­ແດງ ເພາະ­ວ່າ​ຕ້ອງ​ໄດ້​ໃຊ້​ອາ­ລົມ​ຄວາມ​ຮູ້­ສຶກ ເອົາ​ຕົນ​ເອງ​ເຂົ້າ​ໄປ​ຢູ່​ໃນ​ຕົວ​ລະ­ຄອນ​ນັ້ນ ເຮົາ​ເອງ​ຕ້ອງ​ໄດ້​ເຂົ້າ­ໃຈ​ວ່າ ຕອນ​ນັ້ນ​ເຫດ­ການ​ທີ່​ເກີດ​ຂຶ້ນ​ເປັນ​ຍ້ອນ​ສາ­ເຫດ​ຫຍັງ​ຈຶ່ງ​ເກີດ​ຂຶ້ນ​ແບບ​ນັ້ນ ເຊິ່ງ​ຈະ​ເຂົ້າ​ສາຍ​ຢູ່​ໂຮງ​ຮູບ­ເງົາ​ເມ​ເຈີ (ສູນ​ການ​ຄ້າ​ວຽງ​ຈັນ​ເຊັນ​ເຕີ) ວັນ​ທີ 19 ກັນ­ຍາ 2019 ໃນ​ຮູບ­ເງົາ​ເລື່ອງ​ນີ້​ໄດ້​ຮັບ​ບົດ​ເປັນ​ແມ່​ຂອງ​ນາງ​ຈຳ­ປາ ແລະ ໃນ​ບົດ​ເລື່ອງ​ນີ້ ນາງ ຈຳ­ປາ ເປັນ​ນາງ​ເອກ ປະ​ຫັວດ​ຄວາມ​ເປັນ​ຂອງ​ເລື່ອງ​ນີ້​ສ້າງ​ຂຶ້ນ​ມາ​ເພື່ອ​ສາຍ​ພົວ­ພັນ ລາວ-ຈີນ ຄົບ ຮອບ 55 ປີ ພິ­ເສດ ກໍ​ຄື ປີ​ນີ້​ເປັນ​ປີ​ທ່ອງ​ທ່ຽວ ລາວ-ຈີນ ເປັນ​ປີ​ທີ່​ມີ​ຄວາມ​ໝາຍ​ຄວາມ​ສຳ­ຄັນ ເປັນ​ເລື່ອງ​ທຳ​ອິດ​ຂອງ​ສາຍ​ພົວ­ພັນ ລາວ-ຈີນ ເປັນ​ເລື່ອງ​ທີ່​ໄດ້​ຮັບ​ລາ­ງວັນ​ຊະ­ນະ​ເລີດ​ການ​ແຂ່ງ­ຂັນ​ຮູບ­ເງົາ ຢູ່​ສະ­ຫະ­ລັດ​ອາ​ເມ​ຣິ​ກາ ປະ­ເພດ​ການ​ຮ່ວມ​ມື​ດີ­ເດັ່ນ ເປັນ​ອີກ​ເລື່ອງ​ໜຶ່ງ​ທີ່​ເປັນ­ຄວາມ​ພາກ­ພູມ​ໃຈ​ຂອງ​ຄົນ​ລາວ ໃນ​ການ​ເຂົ້າ​ຮ່ວມ​ຊີງ​ລາ­ງວັນ ໃນ​ຈຳ­ນວນ​ເລື່ອງ​ຫຼາຍ​ກວ່າ 300 ເລື່ອງ​ທົ່ວ​ໂລກ ທີ່​ເຂົ້າ​ແຂ່ງ­ຂັນ​ໃນ​ຫຼາຍ​ສາ­ຂາ ແຕ່​ຮູບ­ເງົາ​ເລື່ອງ​ດອກ​ຈຳ­ປາ​ບານ ສາ­ມາດ​ຍາດ​ໄດ້​ລາ­ງວັນ​ຊະ­ນະ​ເລີດ.

    ສ່ວນ​ເລື່ອງ​ລາຍ​ລະ­ອຽດ​ຈະ​ເປັນ​ແນວ­ໃດ​ນັ້ນ ຢາກ​ໃຫ້​ໄປ​ເບິ່ງ​ຮູບ­ເງົາ​ເລື່ອງ​ນີ້ ຢາກ​ໃຫ້​ຄົນ​ລາວ​ເຮົາ​ມີ​ສ່ວນ​ຮ່ວມ ໃນ​ການ​ທີ່​ເຂົ້າ​ມາ​ຕິດ­ຕາມ​ຜົນ­ງານ​ຂອງ​ຄົນ​ລາວ ທີ່​ເປັນ​ຄັ້ງ​ທຳ​ອິດ ໄດ້​ມີ​ໂອ­ກາດ​ສະ­ແດງ​ຮ່ວມ​ກັບ​ດາ­ລາ​ຈີນ ແລະ ເປັນ​ຮູບ­ເງົາ​ທີ່​ມີ​ຄວາມ​ໝາຍ​ຄວາມ​ສຳ­ຄັນ ເໝາະ​ກັບ​ທຸກ​ເພດ​ໄວ ແລະ ເປັນ​ການ​ສົ່ງ­ເສີມ​ຮູບ­ເງົາ​ລາວ​ນັບ​ມື້​ໄດ້​ຮັບ​ການ​ພັດ­ທະ­ນາ​ຍົກ​ລະ­ດັບ​ຂຶ້ນ​ອີກ.

ຂ່າວທີ່ກ່ຽວຂ້ອງ