ຂ່າວຫຼ້າສຸດ

ສອງນັກວິທະຍາສາດ ຄິດຄົ້ນຈຸລິນຊີທີ່ສາມາດຍ່ອຍສະຫຼາຍປລາສຕິກໄດ້ແລ້ວ

469 27 ສ.ຫ. 2019 ຫົວຂໍ້ຂ່າວອື່ນໆ

    ໃນ​ປັດ­ຈຸ­ບັນ ບັນ­ຫາ​ປລາ​ສ​ຕິກ​ລົ້ນ​ໂລກ ເປັນ​ເລື່ອງ​ທີ່​ທຸກ​ປະ­ເທດ ແລະ ທຸກ​ໜ່ວຍ​ງານ​ເລີ່ມ​ຫັນ​ມາ​ໃຫ້​ຄວາມ​ສົນ­ໃຈ​ກັນ​ຢ່າງ​ຫຼວງ­ຫຼາຍ ເພາະ​ບໍ່​ພຽງ​ແຕ່​ມັນ​ເປັນ​ຂີ້​ເຫຍື້ອ​ທີ່​ຍ່ອຍ​ຍາກ ແຕ່​ມັນ​ຍັງ​ສົ່ງ​ຜົນ​ກະ­ທົບ​ຕໍ່​ຫຼາຍ​ຊີ­ວິດ​ໃຕ້​ທ້ອງ​ທະ­ເລ​ອີກ​ດ້ວຍ.

    ແຕ່​ມີ​ສອງ​ນັກ­ວິ­ທະ­ຍາ­ສາດ Jeanny Yao ແລະ Miranda Wang ທີ່​ຕໍ່​ຍອດ​ໂຄງ­ການ​ຕັ້ງ­ແຕ່​ຍັງ​ເປັນ​ນັກ­ຮຽນ ຈົນ​ຕອນ​ນີ້​ພວກ​ເຂົາ​ສາ­ມາດ​ຄິດ​ຄົ້ນ​ແບກ​ທີ​ເຣຍ​ທີ່​ຍ່ອຍ​ສະ­ຫຼາຍ​ຖົງ​ປລາ​ສ​ຕິກ​ໄດ້​ສຳ­ເລັດ​ດ້ວຍ​ໄວ​ພຽງ​ແຕ່ 20 ປີ​ເທົ່າ​ນັ້ນ.

    ຈຸ​ລິນ​ຊີ​ເຫຼົ່າ­ນັ້ນ​ຈະ​ເຮັດ​ໜ້າ­ທີ່​ຍ່ອຍ​ປລາ​ສ​ຕິກ ໂດຍ​ຂັ້ນ​ທຳ​ອິດ ປລາ​ສ​ຕິກ​ຈະ​ຖືກ​ເຮັດ​ໃຫ້​ອ່ອນ​ລົງ ແລະ ຖືກ​ເລັ່ງ​ປະ­ຕິ­ກິ­ລິ­ຍາ​ການ​ຍ່ອຍ​ດ້ວຍ​ເອນ​ໄຊ ຫຼັງ​ຈາກ​ນັ້ນ​ມັນ​ຈະ​ຖືກ​ປ່ຽນ​ເປັນ​ກາກ​ບອນ​ດີ​ອົກ​ຊິດ ແລະ ນ້ຳ ໄດ້​ພາຍ​ໃນ 24 ຊົ່ວ­ໂມງ.

    ທ່ານ Miranda Wang ກ່າວ​ວ່າ ມັນ​ເປັນ​ໄປ​ໄດ້​ຍາກ ທີ່​ຈະ​ໃຫ້​ຄົນ​ຫຼຸດ​ການ​ໃຊ້​ຖົງ​ປລາ​ສ​ຕິກ​ລົງ ເພາະ­ສະ­ນັ້ນ ແທນ​ທີ່​ເຮົາ​ຈະ​ລໍ­ຖ້າ​ໃຫ້​ຂີ້​ເຫຍື້ອ​ເຫຼົ່າ­ນັ້ນ​ຍ່ອຍ​ສະ­ຫຼາຍ​ໄປ​ເອງ ເຮົາ​ຄວນ​ຕ້ອງ​ເຮັດ​ອັນ​ໃດ​ອັນ​ໃດ​ອັນ​ໜຶ່ງ ກ່ອນ​ທີ່​ມັນ​ຈະ​ສ້າງ​ບັນ­ຫາ​ໄປ​ຫຼາຍ​ກວ່າ​ນີ້.

    ນັກ­ວິ­ທະ­ຍາ­ສາດ​ທັງ​ສອງ​ຄົນ ເປັນ​ນັກ­ວິ­ທະ­ຍາ­ສາດ​ທີ່​ມີ​ອາ­ຍຸ​ນ້ອຍ​ທີ່​ສຸດ​ທີ່​ໄດ້​ຮັບ​ລາ­ງວັນ Perlman science prize ລວມ​ເຖິງ​ຜົນ­ງານ​ຂອງ​ພວກ​ເຂົາ​ກໍ​ກວາດ​ລາ­ງວັນ​ໄປ​ແລ້ວ​ອີກ​ຫຼາຍ​ລາ­ງວັນ ທັງ​ນີ້​ຈຸ​ລິນ​ຊີ​ນີ້​ຍັງ​ໄດ້​ຮັບ​ການ​ຈົດ​ສິດ­ທິ​ບັດ ພ້ອມ​ເງິນ​ສະ­ໜັບ­ສະ­ໜູນ​ການ​ທົດ​ລອງ​ໄປ​ອີກ 400.000 ໂດ​ລາ​ສະ­ຫະ­ລັດ ເພື່ອ​ໃຊ້​ຕໍ່​ຍອດ​ອີກ​ດ້ວຍ.

ຂ່າວທີ່ກ່ຽວຂ້ອງ