ຂ່າວຫຼ້າສຸດ

ຍີ່ປຸ່ນ ປະ​ສົບ​ກັບ​ການ​ຂາດ​ດຸນ​ການ​ຄ້າ

499 26 ສ.ຫ. 2019 ຂ່າວຕ່າງປະເທດ
ຍີ່ປຸ່ນ ປະ​ສົບ​ກັບ​ການ​ຂາດ​ດຸນ​ການ​ຄ້າ

    ກະຊວງ​ການ​ເງິນ​ຍີ່ປຸ່ນ ແຈ້ງ​ໃຫ້​ຮູ້ເມື່ອ​ວັນ​ທີ 19 ສິງຫາ​ທີ່​ຜ່ານ​ມາ​ວ່າ ຍີ່ປຸ່ນ​ໄດ້​ປະສົບ​ກັບ​ການ​ຂາດ​ດຸນ​ການ​ຄ້າ ເປັນ​ມູນ​ຄ່າ 249,6 ຕື້​ເຢນ (ເທົ່າ​ກັບ 2,34 ຕື້​ໂດ​ລາ​ສະຫະລັດ) ໃນ​ເດືອນ​ກໍລະກົດ ປີ 2019.

    ນີ້​ເປັນ​ເທື່ອ​ທຳ​ອິດ​ໃນ​ຮອບ 2 ເດືອນ​ທີ່​ຜ່ານ​ມາ ທີ່​ຍີ່ປຸ່ນ​ປະສົບ​ກັບ​ການ​ຂາດ​ດຸນ​ການ​ຄ້າ ຊຶ່ງ​ສາເຫດ​ກໍ​ແມ່ນ​ຍ້ອນ​ການ​ແກ້ງ​ແຍ່ງ​ການ​ຄ້າ​ລະຫວ່າງ​ຈີນ ກັບ ສ ອາ​ເມ​ຣິ​ກາ ແລະ ຄວາມ​ເຄັ່ງ​ຕຶງ​ດ້ານ​ການ​ຄ້າ ລະຫວ່າງ​ຍີ່ປຸ່ນ ກັບ ສ ເກົາຫຼີ ເຮັດ​ໃຫ້​ເປັນ​ຜົນ​ສະທ້ອນ​ຕໍ່​ການເຄື່ອນໄຫວ​ສົ່ງ​ອອກ​ສິນຄ້າ​ຂອງ​ພື້ນຖານ​ເສດຖະກິດ​ຍີ່ປຸ່ນ.

    ບົດ​ລາຍ​ງານ​ຂອງ​ກະຊວງ​ການ​ເງິນ​ຍີ່ປຸ່ນ ໃຫ້​ຮູ້​ວ່າ ມູນ​ຄ່າ​ການ​ສົ່ງ​ອອກ​ສິນຄ້າ​ຂອງ​ຍີ່ປຸ່ນ ໃນ​ເດືອນ​ກໍລະກົດ ປີ 2019 ໄດ້​ຫຼຸດ​ລົງ 1,6% ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ​ກາຍ ໂດຍ​ລົງ​ມາ​ຍັງ​ເຫຼືອ​ທີ່ 6.640 ຕື້​ເຢນ (ເທົ່າ​ກັບ 62,4 ຕື້​ໂດ​ລາ​ສະຫະລັດ) ເປັນ​ຂີດ​ໝາຍ​ຫຼຸດ​ລົງ 8 ເດືອນ​ຕິດຕໍ່​ກັນ.

    ໃນ​ເວລາ​ດຽວ​ກັນ ການ​ນຳ​ເຂົ້າ​ສິນຄ້າ​ຂອງ​ຍີ່ປຸ່ນ​ກໍ​ຫຼຸດ​ລົງ ແຕ່​ວ່າ​ອັດຕາ​ສ່ວນ​ຫຼຸດ​ລົງ​ຕ່ຳ​ກວ່າ ຄື​ຢູ່​ທີ່ 1,2% ແລະ ບັນລຸ​ມູນ​ຄ່າ 6.890 ຕື້​ເຢນ. ນີ້​ເປັນ​ເດືອນ​ທີ​ສາມ​ຕິດຕໍ່​ກັນ ທີ່​ມູນ​ຄ່າ​ການ​ນຳ​ເຂົ້າ​ສິນຄ້າ​ຂອງ​ຍີ່ປຸ່ນ​ຫຼຸດ​ລົງ. ຜົນ​ທີ່​ຕາມ​ມາ​ກໍ​ຄື ຍີ່ປຸ່ນ​ຂາດ​ດຸນ​ການ​ຄ້າ 249,6 ຕື້​ເຢນ.

ຂ່າວທີ່ກ່ຽວຂ້ອງ