ໄຊເສດຖາ FC-ວັງວຽງອາຄາເດມີ ຮ່ວມກັນພັດທະນານັກກີລາຮຸ່ນເຍົາວະຊົນ

776 23 ສ.ຫ. 2019 ວົງຈອນກີລາ
ໄຊເສດຖາ FC-ວັງວຽງອາຄາເດມີ ຮ່ວມກັນພັດທະນານັກກີລາຮຸ່ນເຍົາວະຊົນ

    ສະ­ໂມ­ສອນ​ໄຊ​ເສດ​ຖາ FC ຮ່ວມ​ກັບ​ສະ­ໂມ­ສອນ​ວັງ​ວຽງ​ອາ​ຄາ​ເດ​ມີ (Vangvieng Academy) ຈັດ​ແຂ່ງ­ຂັນ​ບານ­ເຕະ​ນັດ​ມິດ­ຕະ­ພາບ ຂຶ້ນ​ວັນ​ທີ 17-18 ສິງ­ຫາ 2019 ຢູ່​ເດີ່ນ​ບານ­ເຕະ​ອາ​ພົງ ເມືອງ​ວັງ​ວຽງ ແຂວງ​ວຽງ​ຈັນ ໂດຍ​ມີ​ທ່ານ ໄຊ​ເສດ​ຖາ ຄຳ​ວຽງ​ງາມ ຄູ​ເຝິກ​ກີ­ລາ​ບານ­ເຕະ​ສະ­ໂມ­ສອນ​ໄຊ​ເສດ​ຖາ FC ທ່ານ ເທບ​ພະ​ໄທ ປະ­ເສີດ ຄູ​ເຝິກ​ກີ­ລາ​ບານ­ເຕະ​ສະ­ໂມ­ສອນ Vangvieng Academy ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ໄຊ​ເສດ​ຖາ ຄຳ​ວຽງ​ງາມ ກ່າວ​ວ່າ: ກິດ­ຈະ­ກຳ​ຄັ້ງ​ນີ້ ເປັນ​ການ​ແຂ່ງ­ຂັນ​ຮຸ່ນ​ອາ­ຍຸ 10-16 ປີ ເພື່ອ​ມິດ­ຕະ­ພາບ ສ້າງ​ໃຫ້​ມີ​ບັນ­ຍາ­ກາດ​ຟົດ­ຟື້ນ ເປັນ​ການ​ພັດ­ທະ­ນາ ແລະ ແລກ­ປ່ຽນ​ທັກ​ສະ ຄວາມ​ຮູ້ ໃຫ້​ນັກ­ກີ­ລາ 2 ສະ­ໂມ­ສອນ ທັງ​ເປັນ​ການ​ສົ່ງ­ເສີມ​ນັກ­ກີ­ລາ​ບານ­ເຕະ​ເຍົາ­ວະ​ຊົນ ໄດ້​ພັດ­ທະ­ນາ​ເຕັກ­ນິກ​ກ້າວ​ສູ່​ທີມ​ຊາດ ເຊິ່ງ​ໄລ­ຍະ​ຜ່ານ​ມາ​ພວກ​ເຮົາ​ກໍ​ໄດ້​ໄປ​ແລກ­ປ່ຽນ​ຢູ່​ຫຼາຍ​ແຫ່ງ​ທັງ​ພາຍ​ໃນ ແລະ ຕ່າງ ປະ­ເທດ ຫຼ້າ​ສຸດ​ແມ່ນ​ໄດ້​ໄປ​ແຂ່ງ­ຂັນ​ບານ­ເຕະ​ມິດ­ຕະ­ພາບ​ຢູ່​ປະ­ເທດ​ໄທ ໂດຍ​ຄັດ​ເລືອກ​ເອົາ​ນັກ­ກີ­ລາ ອາ­ຍຸ 8-15 ປີ ສາ­ມາດ​ຍາດ​ໄດ້​ລາ­ງວັນ​ຊະ­ນະ​ເລີດ.

ຂ່າວທີ່ກ່ຽວຂ້ອງ