ຍົກລະດັບຄວາມສາມາດໃຫ້ຄູເຝິກ-ນັກກີລາຄົນພິການ

398 23 ສ.ຫ. 2019 ວົງຈອນກີລາ
ຍົກລະດັບຄວາມສາມາດໃຫ້ຄູເຝິກ-ນັກກີລາຄົນພິການ

    ພິ­ທີ​ປິດ​ຊຸດ​ເຝິກ­ອົບ­ຮົມ​ການ​ຍົກ​ລະ­ດັບ​ຄວາມ​ສາ­ມາດ​ໃຫ້​ຄູ​ເຝິກ ແລະ ນັກ­ກີ­ລາ​ຄົນ​ພິ­ການ ຈັດ​ຂຶ້ນ​ວັນ​ທີ 18 ສິງ­ຫາ 2019 ຢູ່​ຫ້ອງ​ປະ­ຊຸມ​ສູນ​ຟື້ນ​ຟູ​ໜ້າ­ທີ່​ການ ໂດຍ​ມີ​ທ່ານ ໄຊ­ຊະ­ນະ ສະ­ຫວັດ­ດີ ຮອງ​ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ທ່ານ​ນາງ ໂທ​ມິ​ໂກະ ມາ​ເອະ​ຈິ​ມະ ປະທານ​ອົງ­ການ​ຄົນ​ພິ­ການ​ອາ­ຊີ ເພື່ອ​ການ​ພັດ­ທະ­ນາ ທ່ານ ນາ​ໂອ​ມິດ​ສຸ ຮັດ​ໂຕ​ລິ ຜູ້​ຊ່ຽວ­ຊານ​ກີ­ລາ​ຄົນ​ພິ ການ​ປະ­ເທດ​ຍີ່­ປຸ່ນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ໄຊ­ຊະ­ນະ ສະ­ຫວັດ­ດີ ກ່າວ​ວ່າ: ຊຸດ​ເຝິກ­ອົບ­ຮົມ​ຄັ້ງ​ນີ້​ເປັນ​ໂຄງ­ການ​ທີ່​ດີ ເຮັດ​ໃຫ້​ເຂົ້າ­ໃຈ​ການ​ພັດ­ທະ­ນາ​ວຽກ​ງານ​ກີ­ລາ-ກາຍ­ຍະ­ກຳ​ຄົນ​ພິ­ການ​ຫຼາຍ​ຂຶ້ນ ແລະ ເຊື່ອ​ວ່າ​ຄູ​ເຝິກ ແລະ ນັກ­ກີ­ລາ​ທີ່​ເຂົ້າ​ຮ່ວມ​ຈະ​ນຳ​ຄວາມ​ຮູ້ ແລະ ສິ່ງ​ຕ່າງໆ​ທີ່​ໄດ້​ຈາກ​ການ​ເຝິກ­ອົບ­ຮົມ ໄປ​ຈັດ​ຕັ້ງ​ຜັນ​ຂະ­ຫຍາຍ​ໃນ​ທ້ອງຖິ່ນ​ຂອງ​ຕົນ​ຢ່າງ​ມີ​ປະ​ສິດ­ທິ​ຜົນ.

    ຊຸດ​ເຝິກ­ອົບ­ຮົມ​ຄັ້ງ​ນີ້ ດຳ­ເນີນ​ແຕ່​ວັນ​ທີ 15-18 ສິງ­ຫານີ້ ໂດຍ​ມີ​ສຳ​ມະ​ນາ​ກອນ​ເຂົ້າ​ຮ່ວມ 26 ທ່ານ ຍິງ 7 ທ່ານ ໃນ​ນີ້​ໄດ້​ລົງ​ເລິກ​ກ່ຽວ​ກັບ​ການ​ຫຼິ້ນ​ກີ­ລາ​ກັບ​ຄົນ​ພິ­ການ ພາກ​ທິດ​ສະ​ດີ ແລະ ພາກ​ປະ­ຕິ­ບັດ​ຕົວ​ຈິງ ວິ­ທີ​ຊ່ວຍ­ເຫຼືອ​ຄົນ​ພິ­ການ ວິ­ທີ​ການ​ຫຼິ້ນ ທັກ​ສະ ແລະ ກະ­ຕິ​ກາ​ຕ່າງໆ​ຂອງ​ກີ­ລາ​ທັກ​ຄິວ​ບາ​ເລ ກີ­ລາ​ຈານ​ບິນ ແລະ ກີ­ລາ​ຕີ​ບານ​ປຸ່ມ​ເປົ້າ​ຄົນ​ພິ­ການ.

ຂ່າວທີ່ກ່ຽວຂ້ອງ