ຂ່າວຫຼ້າສຸດ

ລະວັງ ! ບັນຫາໂທລະສັບເຄື່ອງຮ້ອນ (ເລື່ອງໃກ້ຕົວ) ທີ່ທຸກຄົນຄວນໃສ່ໃຈ

523 22 ສ.ຫ. 2019 ຫົວຂໍ້ຂ່າວອື່ນໆ

    ບັນ­ຫາ​ໂທລະ­ສັບ​ມື​ຖື​ມີ​ອາ­ການ​ເຄື່ອງ​ຮ້ອນ ມັກ​ເກີດ​ຂຶ້ນ​ເລື້ອຍໆ ບໍ່​ຈຳ­ເປັນ​ວ່າ​ຕ້ອງ ໃຊ້​ມື​ຖື​ລາ­ຄາ​ແພງ ຫຼື ຖືກ ເມື່ອ​ພົບ​ເຫັນ​ບັນ­ຫາ​ນີ້ ຫາກ​ເຮົາ​ບໍ່​ຢຸດ​ຫຼິ້ນ ຫຼື ແກ້​ໄຂ​ບັນ­ຫາ ໂທລະ­ສັບ​ທີ່​ເກີດ​ຄວາມ​ຮ້ອນ​ຈະ​ຮ້ອນ​ຂຶ້ນ ເລື້ອຍໆ ແລະ ເປັນ​ອັນ­ຕະ­ລາຍ​ໄດ້.

    ມາ​ເບິ່ງ​ກັນ​ວ່າ​ມີ​ປັດ​ໄຈ​ອັນ​ໃດ​ແດ່ ທີ່​ເຮັດ​ໃຫ້​ໂທລະ­ສັບ​ຂອງ​ເຮົາ​ພົບ​ກັບ​ບັນ­ຫາ​ເຫຼົ່າ​ນີ້.

    - ປັບ​ປ່ຽນ​ພຶດ­ຕິ​ກຳ​ການ​ໃຊ້​ງານ​ອິນ​ເຕີ​ເນັດ 3G/4G ໃຫ້​ເໝາະ​ສົມ​ກັບ​ແພັກ​ເກດ ເພາະ​ເມື່ອ​ທ່ານ​ໃຊ້​ເນັດ​ຕາມ​ຄວາມ​ໄວ​ທີ່​ຊື້​ໄວ້​ຄົບ ຄວາມ​ໄວ​ຈະ​ຫຼຸດ​ລົງ ຫາກ​ຍັງ​ຝືນ​ຫຼິ້ນ ຫຼື ໃຊ້ ວຽກ​ຢ່າງ​ເບິ່ງ​ຮູບ­ເງົາ ເບິ່ງ​ຢູ​ທູບ ເຄື່ອງ​ຂອງ ທ່ານ​ຈະ​ເຮັດ​ວຽກ​ໜັກ​ດ້ວຍ​ເຊັ່ນ​ກັນ ເພາະ ຄວາມ​ໄວ​ຂອງ​ເນັດ​ໝົດ​ແລ້ວ​ນັ້ນ​ເອງ.

    - ການ​ໂຫຼດ​ເກມ​ຮຸ່ນ​ໃໝ່​ທີ່​ມັກ​ມາ​ພ້ອມ ກັບ​ການ​ຮອງ​ຮັບ​ລະ­ບົບ 3D  ລວມ​ເຖິງ​ການ ເບິ່ງ​ຮູບ­ເງົາ ເບິ່ງ​ລະ­ຄອນ ເບິ່ງ​ຄລິບ​ເທິງ​ໂທ ລະ​ສັບ ເຮັດ​ໃຫ້​ຕົວ​ເຄື່ອງ​ໂທລະ­ສັບ​ຕ້ອງ​ໃຊ້ ພະ­ລັງ­ງານ ແລະ ພື້ນ​ທີ່​ໃນ​ການ​ໂຫຼດ​ຂໍ້​ມູນ ຂ້ອນ​ຂ້າງ​ສູງ ແລະ CPU ກໍ​ເຮັດ​ວຽກ​ໜັກ ດ້ວຍ​ເຊັ່ນ​ກັນ ນີ້​ເປັນ​ອີກ​ບັນ­ຫາ​ໃຫຍ່​ທີ່​ເຮົາ ພົບ​ເລື້ອຍໆ ໂທລະ­ສັບ​ສະ​ເປັກ​ຕ່ຳ​ແຕ່​ຝືນ​ຫຼິ້ນ​ເກມ​ສະ​ເປັກ​ສູງ.

    - ສາກ​ຖ່ານ​ໂທລະ­ສັບ (ຊາຣ໌ດ​ແບດ​ເຕີ ຣີ່) ພ້ອມ​ທັງ​ລົມ​ໂທລະ­ສັບ ລວມ​ໄປ​ເຖິງ​ຫຼິ້ນ ເກມ​ໄປ​ນຳ ດັ່ງ­ນັ້ນ ການ​ແກ້​ບັນ­ຫາ​ງ່າຍ​ສຸດ ຄື​ທ່ານ​ຄວນ​ຫຼີກ​ລ່ຽງ​ການ​ສາກ​ແບດ​ເຕີ​ຣີ່ ພ້ອມ​ການ​ໃຊ້​ງານ​ຢ່າງ​ເດັດ­ຂາດ ຫາກ​ບໍ່​ຈຳ ເປັນ.

    - ເປິດ​ແອັບ​ລິ​ເຄ​ຊັ່ນ​ທີ່​ໃຊ້​ງານ​ຖິ້ມ​ໄວ້ ຄົນ ທົ່ວ​ໄປ​ມັກ​ຄິດ​ວ່າ­ການ​ກົດ​ປຸ່ມ Home ຄື ການ​ປິດ​ແອັບ​ແລ້ວ ຄວາມ​ຈິງ​ຄື​ຜິດ ເພາະ Apps ເຫຼົ່າ­ນັ້ນ​ຍັງ​ຄົງ​ເຮັດ​ວຽກ​ຢູ່ ແລະ ເຮັດ ໃຫ້​ເຄື່ອງ​ປະ­ມວນ​ຜົນ​ຕະ­ຫຼອດ​ເວ­ລາ ດັ່ງ­ນັ້ນ ຫຼັງ​ການ​ໃຊ້​ງານ​ຄວນ​ປິດ​ແອັບ​ພລິ​ເຄ​ຊັ່ນ​ທີ່ ເປິດ​ຖິ້ມ​ໄວ້ ເພື່ອ​ຢຸດ​ການ​ເຮັດ​ວຽກ​ຂອງ ແອັບ​ເຫຼົ່າ­ນັ້ນ​ຢ່າງ​ເປັນ​ທາງ​ການ ບໍ່​ແມ່ນ ການ​ພັກ​ໜ້າ​ຈໍ ທ່ານ​ຄວນ​ຈັດ­ການ Clear ແອັບ​ພລິ​ເຄ​ຊັ່ນ​ທີ່​ບໍ່​ໄດ້​ໃຊ້​ຖິ້ມ​ໄປ.

    - ການ​ເລືອກ​ໃຊ້​ງານ​ເຄ​ສ ຫຼື ອຸ­ປະ­ກອນ​ທີ່ ບໍ່​ໄດ້​ມາດ­ຕະ­ຖານ ເຄ​ສ​ປ້ອງ​ກັນ​ບາງ​ຢ່າງ ອາດ​ສົ່ງ​ຜົນ​ຕໍ່​ການ​ລະ­ບາຍ​ຄວາມ​ຮ້ອນ ດັ່ງ­ນັ້ນ ແນະ­ນຳ​ວ່າ​ຄວນ​ຫຼີກ​ລ່ຽງ​ເຄ​ສ​ຊິ​ລິ​ໂຄນ ຄຸນ​ນະ​ພາບ​ຕ່ຳ ແລະ ຂອງ​ບໍ່​ໄດ້​ມາດ­ຕະ­ຖານ ທັງ​ນີ້ ລວມ​ໄປ​ເຖິງ​ບ່ອນ​ສາກ​ປອມ ທັງ​ສາຍ​ສາກ ແລະ ອະ​ແດບ​ເຕີ ລວມ​ໄປ​ເຖິງ Powerbank ທີ່​ບໍ່​ໄດ້​ຕາມ​ມາດ­ຕະ­ຖານ​ດ້ວຍ.

    - ຫຼີກ​ລ່ຽງ​ການ​ວາງ​ໂທລະ­ສັບ​ໄວ້​ບໍ­ລິ­ເວນ​ທີ່​ມີ​ຄວາມ​ຮ້ອນ​ສູງ ລວມ​ເຖິງ​ໄວ້​ໃນ​ລົດ​ທີ່​ຖືກ​ຄວາມ​ຮ້ອນ​ສູງ.

    - ແອັບ​ພລິ​ເຄ​ຊັນ​ໃໝ່ໆ​ໃນ​ປັດ­ຈຸ­ບັນ​ນັ້ນ ມີ​ຫຼາຍ​ຕົວ​ທີ່​ເຮັດ​ວຽກ​ຕະ­ຫຼອດ​ເວ­ລາ ເຊັ່ນ: Facebook ແອັບ​ພລິ​ເຄ​ຊັນ​ພວກ​ນີ້​ກໍ​ເຮັດ​ໃຫ້​ເຄື່ອງ​ຮ້ອນ​ເຊັ່ນ​ກັນ.

    - ຫາກ​ໂທລະ­ສັບ​ເກີດ​ຄວາມ​ຮ້ອນ​ແລ້ວ ວິ­ທີ​ງ່າຍໆ​ທີ່​ສາ­ມາດ​ແກ້​ບັນ­ຫາ​ໄດ້​ໄວ​ທີ່​ສຸດ ນັ້ນ​ຄື ປັບ​ໃຫ້​ໂທລະ­ສັບ​ຂອງ​ທ່ານ​ຢູ່​ໃນ​ໂໝດ​ຂອງ​ການ​ເຮັດ​ວຽກ​ເທິງ​ເຮືອ­ບິນ ພ້ອມ​ທັງ​ຢຸດ​ເຮັດ​ກິດ­ຈະ­ກຳ​ທຸກ​ຢ່າງ​ເທິງ​ໂທລະ­ສັບ.

    - ແລະ ອີກ​ວິ­ທີ​ໃນ​ການ​ແກ້​ບັນ­ຫາ​ມື​ຖື​ຮ້ອນ ຄື ປິດ​ເຄື່ອງ​ປະ­ມານ 20 ນາ­ທີ ເມື່ອ​ບໍ່​ໄດ້​ໃຊ້ ງານ​ຈະ​ຊ່ວຍ​ໃຫ້​ເຄື່ອງ​ຄາຍ​ຄວາມ​ຮ້ອນ​ອອກ​ໄປ​ໄດ້.

    ທັງ​ໝົດ​ທີ່​ກ່າວ​ມາ​ນີ້ ມັກ​ເປັນ​ບັນ­ຫາ​ທີ່​ເຮົາ​ມັກ​ພົບ​ໄດ້​ເລື້ອຍໆ ດັ່ງ­ນັ້ນ ເຮົາ​ຄວນ​ສັງ­ເກດ​ດີໆ ຫາກ​ໂທລະ­ສັບ​ຂອງ​ເຮົາ​ມັກ​ຮ້ອນ​ຂຶ້ນ ໃຫ້​ຄິດ​ໄວ້​ກ່ອນ​ເລີຍ​ວ່າ​ເຮົາ​ຕ້ອງ​ເລີ່ມ​ຕົ້ນ ກວດ­ກາ​ເທື່ອ​ລະ​ຢ່າງ​ໃຫ້​ແນ່​ໃຈ​ວ່າ​ເຄື່ອງ​ຮ້ອນ​ເກີດ​ຈາກ​ອັນ​ໃດ ຖ້າ​ບໍ່​ຮູ້​ຈະ​ແກ້​ໄຂ​ແນວ­ໃດ ກໍ​ໃຫ້​ຕັ້ງ​ຄ່າ​ກັບ​ໄປ​ເລີ່ມ​ຕົ້ນ ນັ້ນ​ຄື​ຕັ້ງ​ຄ່າ​ຈາກ​ໂຮງ­ງານ​ເບິ່ງ​ເດີ.

ຂ່າວທີ່ກ່ຽວຂ້ອງ