ຂ່າວຫຼ້າສຸດ

ກັນຍາເພັດ ຍາດໄດ້ 2 ລາງວັນ ຊີງແຊັມຢູໂດ ຢູ່ປະເທດໄທ

485 22 ສ.ຫ. 2019 ວົງຈອນກີລາ
ກັນຍາເພັດ ຍາດໄດ້ 2 ລາງວັນ ຊີງແຊັມຢູໂດ ຢູ່ປະເທດໄທ

    ທ້າວ ກັນ­ຍາ​ເພັດ ພັນ​ດາ​ນຸ​ວົງ ຍາດ​ໄດ້​ລາ­ງວັນ​ຄູ​ເຝິກ​ຊາຍ​ດີ­ເດັ່ນ ແລະ ລາ­ງວັນ 1 ຫຼຽນ​ຄຳ ໃນ​ຮຸ່ນ​ນ້ຳ­ໜັກ​ບໍ່​ເກີນ 73 ກິ​ໂລ ປະ­ເພດ​ປະ­ຊາ­ຊົນ​ຊາຍ​ທົ່ວ​ໄປ ໃນ​ການ​ແຂ່ງ­ຂັນ​ກີ­ລາ​ຢູ​ໂດ ເຍົາ­ວະ​ຊົນ ຊີງ​ແຊັມ​ແຂວງ​ສະ­ໝຸດ​ສາ­ຄອນ ແລະ ການ​ແຂ່ງ­ຂັນ​ຢູ​ໂດ ປະ­ຊາ­ຊົນ​ຊີງ​ແຊັມ​ແຂວງ​ສະ­ໝຸດ​ສາ­ຄອນ ປະ­ຈຳ​ປີ 2019 ຢູ່​ປະ­ເທດ​ໄທ ນອກ­ຈາກ​ນີ້​ຍັງ​ນຳ­ພາ​ທີມ​ມະ­ຫາ­ວິ­ທະ­ຍາ­ໄລ​ບູ­ລະ­ພາ ຄວ້າ 3 ຫຼຽນ​ຄຳ 2 ຫຼຽນ​ເງິນ 1 ຫຼຽນ​ທອງ ໃນ​ການ​ແຂ່ງ­ຂັນ​ດັ່ງ­ກ່າວ.

    ວັນ​ທີ 16-18 ສິງ­ຫາ 2019 ທ້າວ ກັນ­ຍາ​ເພັດ ພັນ​ດາ​ນຸ​ວົງ ນັກ​ສຶກ​ສາ​ລາວ ທີ່​ໄປ​ສຶກ​ສາ​ຕໍ່​ລະ ດັບ​ປະ­ລິນ­ຍາ​ໂທ ຢູ່​ມະ­ຫາ­ວິ­ທະ­ຍາ­ໄລ​ບູ­ລະ­ພາ ຄູ​ເຝິກ​ສອນ​ກີ­ລາ​ຢູ​ໂດ​ໂຮງ­ຮຽນ​ພອນ​ສະ­ຫວັນ​ກີ­ລາ-ກາ​ຍະ​ກຳ ອະ­ດີດ​ນັກ­ກີ­ລາ​ຢູ​ໂດ​ທີມ​ຊາດ​ລາວ ຮັບ​ໜ້າ­ທີ່​ເປັນ​ຄູ​ເຝິກ​ທັບ​ນັກ­ກີ­ລາ​ຢູ​ໂດ​ມະ­ຫາ­ວິ­ທະ­ຍາ­ໄລ​ບູ ລະ​ພາ ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ຢູ​ໂດ​ເຍົາ­ວະ​ຊົນ​ຊີງ​ແຊັມ​ແຂວງ​ສະ­ໝຸດ​ສາ­ຄອນ ແລະ ການ​ແຂ່ງ ຂັນ​ຢູ​ໂດ ປະ­ຊາ­ຊົນ​ຊີງ​ແຊັມ​ແຂວງ​ສະ­ໝຸດ​ສາ­ຄອນ ປະ­ຈຳ​ປີ 2019 ໂດຍ​ມີ​ນັກ­ກີ­ລາ​ເຂົ້າ​ຮ່ວມ 540 ຄົນ ຈາກ 47 ພາກ­ສ່ວນ.

    ການ​ແຂ່ງ­ຂັນ​ຄັ້ງ​ນີ້ ທ້າວ ກັນ­ຍາ​ເພັດ ພັນ​ດາ​ນຸ​ວົງ ຍັງ​ໄດ້​ຮັບ​ໂອ­ກາດ​ຈາກ​ມະ­ຫາ­ວິ­ທະ­ຍາ­ໄລ​ບູ ລະ​ພາ ລົງ​ແຂ່ງ­ຂັນ​ຮຸ່ນ​ນ້ຳ­ໜັກ​ບໍ່​ເກີນ 73 ກິ​ໂລ ປະ­ເພດ​ປະ­ຊາ­ຊົນ​ຊາຍ​ທົ່ວ​ໄປ ພ້ອມ​ກັບ​ນັກ­ກີ­ລາ​ອີກ 6 ຄົນ ຍິງ 3 ຄົນ ຜ່ານ​ການ​ແຂ່ງ­ຂັນ ກັນ­ຍາ​ເພັດ ສາ­ມາດ​ທະ­ລຸ​ເຂົ້າ​ຮອບ​ຊີງ​ຫຼຽນ​ຄຳ​ໄດ້ ພ້ອມ​ນີ້​ຍັງ​ໄດ້​ນຳ­ພາ​ນັກ­ກີ­ລາ​ມະ­ຫາ­ວິ­ທະ­ຍາ­ໄລ​ບູ­ລະ­ພາ ຄວ້າ​ຫຼຽນ​ຄຳ​ໄດ້​ອີກ 3 ຫຼຽນ​ຄຳ 2 ຫຼຽນ​ເງິນ 1 ຫຼຽນ​ທອງ ເຮັດ​ໃຫ້ ກັນ­ຍາ​ເພັດ ພັນ​ດາ​ນຸ​ວົງ ໄດ້​ຮັບ​ລາ­ງວັນ​ຄູ​ເຝິກ​ຊາຍ​ດີ­ເດັ່ນ ມາ​ອີກ 1 ລາ­ງວັນ.

ຂ່າວທີ່ກ່ຽວຂ້ອງ