ຂ່າວຫຼ້າສຸດ

ຢູ-18 ອົດສະຕຣາລີ ຄວ້າແຊັມອາຊຽນ 2019

364 22 ສ.ຫ. 2019 ວົງຈອນກີລາ
ຢູ-18 ອົດສະຕຣາລີ ຄວ້າແຊັມອາຊຽນ 2019

    ການ​ແຂ່ງ­ຂັນ​ເຕະ­ບານ​ຊາຍ ຮຸ່ນ​ອາ­ຍຸ​ບໍ່​ເກີນ 18 ປີ ຊີງ​ແຊັມ​ອາ​ຊຽນ 2019 ທີ່​ນະ­ຄອນ​ໂຮ່​ຈີ​ມິງ ສສ ຫວຽດ­ນາມ ໃນ​ລະ­ຫວ່າງ​ວັນ​ທີ 6-19 ສິງ­ຫາ 2019 ນັດ​ຊີງ​ຊະ­ນະ​ເລີດ ອົດ​ສະ​ຕຣາ​ລີ ອະ­ດີດ​ແຊັມ 4 ສະ­ໄໝ ພົບ​ກັບ ມາ​ເລ​ເຊຍ ແຊັມ​ເກົ່າ ເຊິ່ງ​ເປັນ​ການ​ພົບ​ກັນ​ອີກ​ຄັ້ງ​ໃນ​ປີ​ນີ້ ຕໍ່​ຈາກ​ນັດ​ທີ 3 ຂອງ​ຮອບ​ແບ່ງ​ກຸ່ມ B ມາ​ເລ​ເຊຍ ເອົາ​ຊະ­ນະ ອົດ​ສະ​ຕຣາ​ລີ 3-0.

    ແຕ່​ນັດ​ນີ້​ເປັນ ອົດ​ສະ​ຕຣາ​ລີ ເຮັດ​ໄດ້​ດີ​ກວ່າ​ບຽດ​ເອົາ​ຊະ­ນະ ມາ​ເລ​ເຊຍ ແບບ​ຫວຸດ​ຫວິດ 1-0 ຈາກ​ປະ­ຕູ​ໄຊ​ຂອງ ເລັກ​ລານ ບຣຸກ ນາ­ທີໆ 79 ອົດ​ສະ​ຕຣາ​ລີ ຄວ້າ​ແຊັມ​ເປັນ​ສະ­ໄໝ​ທີ 5 ຕໍ່​ຈາກ​ປີ 2015 ເທົ່າ​ກັບ ໄທ ສ່ວນ​ຄູ່​ຊີງ​ອັນ​ດັບ 3 ອິນ​ໂດ​ເນ​ເຊຍ ຖະ​ຫຼົ່ມ ມຽນ​ມາ 5-0.

    ສ່ວນ ຢູ-18 ທີມ​ຊາດ​ລາວ ຕົກ​ຮອບ​ແບ່ງ​ກຸ່ມໆ A ລົງ​ແຂ່ງ­ຂັນ 5 ນັດ ຊະ­ນະ 3 ນັດ ເສຍ 2 ນັດ ມີ 9 ຄະ­ແນນ.

ຂ່າວທີ່ກ່ຽວຂ້ອງ