ຂ່າວຫຼ້າສຸດ

ຝົົນຕົກ​ໜັກ​ເຮັດ​ໃຫ້​ນ້ຳນອງ​ຢູ່​ທາງ​ພາກ​ເໜືອ​ອິນ​ເດຍ

637 21 ສ.ຫ. 2019 ຂ່າວຕ່າງປະເທດ
ຝົົນຕົກ​ໜັກ​ເຮັດ​ໃຫ້​ນ້ຳນອງ​ຢູ່​ທາງ​ພາກ​ເໜືອ​ອິນ​ເດຍ

    ສື່ສານ​ໃນ​ອິນ​ເດຍ ລາຍ​ງານ​ເມື່ອ​ວັນ​ທີ 19 ສິງຫາ​ນີ້​ວ່າ ມີ​ຜູ້​ເສຍ​ຊີວິດ 40 ກວ່າ​ຄົນ ຍ້ອນ​ເຫດ​ຂັດຂ້ອງ​ທີ່​ເກີດ​ຂຶ້ນ ຊຶ່ງ​ພົວພັນ​ເຖິງ​ສະພາບ​ຝົນຕົກ​ໜັກ ແລະ ນ້ຳນອງ ຢູ່​ໃນ​ເຂດ​ພາກ​ເໜືອ​ອິນ​ເດຍ ພາຍ​ໃນ​ເວລາ 24 ຊົ່ວໂມງ​ທີ່​ຜ່ານ​ມາ.

    ຂ່າວ​ແຈ້ງວ່າ ມີ​ຜູ້​ເສຍ​ຊີວິດ 24 ຄົນ ແລະ ຫາຍ​ສາບ​ສູນ​ອີກ​ຈຳນວນ​ໜຶ່ງ ຢູ່​ໃນ​ຫຼາຍ​ເມືອງ​ທີ່​ແຕກ​ຕ່າງໆ​ກັນ ຢູ່​ໃນ​ລັດ ຮິ​ມາ​ຈັນ ປຣາ​ເດ​​ສ ໃນ​ຂະນະ​ທີ່​ມີ​ຜູ້​ເສຍ​ຊີວິດ​ຢ່າງ​ໜ້ອຍ 17 ຄົນ ຢູ່​ໃນ​ລັດ ອຸດ​ຕຣາ​ຄານ. ສ່ວນ​ຢູ່​ໃນ​ລັດ​ປັນ​ຈາບ ມີ 3 ຄົນ ທີ່​ເປັນ​ສະມາຊິກ​ໃນ​ຄອບຄົວ​ໜຶ່ງ ໄດ້​ເສຍ​ຊີວິດ ຍ້ອນ​ເຮືອນ​ພັງ​ຖະ​ຫຼົ່ມ​ລົງ​ມາ​ທັບ ຫຼັງ​ຈາກ​ທີ່​ຝົນຕົກ​ຫຼາຍ​ຫ່າ​ຕິດຕໍ່​ກັນ.

    ອົງການ​ອຸຕຸນິຍົມ​ຂອງ​ອິນ​ເດຍ ມີ​ຄຳ​ແຈ້ງ​ເຕືອນ​ອອກ​ມາ​ເມື່ອ​ວັນ​ທີ 19 ສິງຫາ​ນີ້ວ​​່າ ຈະ​ເກີດ​ມີ​ຝົນຕົກ​ໜັກ​ຢູ່​ໃນ​ຫຼາຍ​ເຂດ​ໃນ​ລັດ ອຸດ​ຕຣາ​ຄານ ຕະຫຼອດ​ຮອດ​ລັດ ມັດ​ຢາ ປຣາ​ເດ​​ສ (ພາກ​ກາງ​ອິນ​ເດຍ) ແລະ ບັນດາ​ລັດ​ໃນ​ພາກ​ຕາເວັນ​ອອກ​ຂອງ​ອິນ​ເດຍ ເຊັ່ນ​ລັດ ຈັດ​ຕີ​ສະກາ ລັດ​ຈາ​ຄານ ລັດ​ໂອ​ດິ​ສາ ລວມ​ເຖິງ​ລັດ ທະມິນ ນາ​ດູ (ພາກ​ໃຕ້​ອິນ​ເດຍ) ແລະ ທ້ອງຖິ່ນ​ອື່ນໆ​ອີກ.

ຂ່າວທີ່ກ່ຽວຂ້ອງ