ຂ່າວຫຼ້າສຸດ

ຜູ້​ຕິດພະຍາດ​ໝາກ​ແດງ​ຢູ່​ໃນ ສ ອາ​ເມຣິກາ ​ເພີ່ມ​ຂຶ້ນ

627 21 ສ.ຫ. 2019 ຂ່າວຕ່າງປະເທດ
ຜູ້​ຕິດພະຍາດ​ໝາກ​ແດງ​ຢູ່​ໃນ ສ ອາ​ເມຣິກາ ​ເພີ່ມ​ຂຶ້ນ

    ເຈົ້າ​ໜ້າທີ່ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 19 ສິງຫາ​ນີ້​ວ່າ ຢູ່​ໃນ ສ ອາ​ເມ​ຣິ​ກາ ໄດ້​ມີ​ການ​ຢັ້ງຢືນ​ຜູ້​ຕິດ​ພະຍາດໝາກແດງ​ຕື່ມ​ອີກ 21 ລາຍ ໃນ​ອາທິດ​ທີ່​ຜ່ານ​ມາ ເຮັດ​ໃຫ້​ຍອດ​ຈຳນວນ​ຜູ້​ຕິດພະຍາດ​ນີ້ ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ຂຶ້ນ​ເປັນ 1.203 ລາຍ.

    ການ​ລະບາດ​ຂອງ​ພະຍາດໝາກແດງ​ງວດ​ນີ້ ນັບ​ວ່າ​ຮ້າຍ​ແຮງ​ທີ່​ສຸດ ນັບ​ແຕ່​ປີ 1992 ເປັນຕົ້ນ​ມາ ຊຶ່ງ​ໃນ​ປີ​ນັ້ນ ມີ​ການ​ຢັ້ງຢືນ​ຈຳນວນ​ຜູ້​ຕິດ​ພະຍາດໝາກແດງ ຢູ່​ທີ່​ລະດັບ​ສູງ​ເປັນ​ປະຫວັດ​ການ ຢູ່​ໃນ ສ ອາ​ເມ​ຣິ​ກາ ໂດຍ​ມີ 2.126 ກໍລະນີ.

    ສູນ​ຄວບ​ຄຸມ ແລະ ປ້ອງ​ກັນ​ພະຍາດ​ຂອງ ສ ອາ​ເມ​ຣິ​ກາ (CDC) ແຈ້ງ​ໃຫ້​ຮູ້​ວ່າ ນັບ​ມາ​ຮອດ​ວັນ​ທີ 15 ສິງຫາ​ປີ້​ນີ້ ໄດ້​ຢັ້ງຢືນ​ກໍລະນີ​ການ​ຕິດພະຍາດ​ດັ່ງກ່າວ​ຢ່າງ​ແຮງ ແລະ ຍິ່ງ​ໄປ​ກວ່າ​ນັ້ນ​ຍັງ​ມີ​ກໍລະນີ​ການ​ເສຍ​ຊີວິດ ຢູ່​ໃນ 30 ລັດ ຂອງ ສ ອາ​ເມ​ຣິ​ກາ. ເຖິງ​ຢ່າງໃດ​ກໍ​ຕາມ CDC ຢືນຢັນ​ວ່າ ໃນ​ຊຸມ​ອາທິດ​ທີ່​ຜ່ານ​ມາ ຈຳນວນ​ຜູ້​ຕິດ​ພະຍາດໝາກແດງ ໄດ້​ເພີ່ມ​ຂຶ້ນ​ໜ້ອຍ​ກວ່າ ເມື່ອ​ທຽບໃສ່​ທີ່​ມີ​ຫຼາຍ​ຮ້ອຍ​ກໍລະນີ​ພາຍ​ໃນ 1 ອາທິດ ເມື່ອ​ຕົ້ນ​ປີ​ນີ້.

ຂ່າວທີ່ກ່ຽວຂ້ອງ