ຂ່າວຫຼ້າສຸດ

ນາຍົກລັດຖະມົນຕີອິນ​ເດຍ ສົນທະນາ​ຜ່ານ​ທາງ​ໂທລະສັບ​ກັບ​ຜູ້ນຳ ສ ອາ​ເມຣິກາ

431 21 ສ.ຫ. 2019 ຂ່າວຕ່າງປະເທດ
ນາຍົກລັດຖະມົນຕີອິນ​ເດຍ ສົນທະນາ​ຜ່ານ​ທາງ​ໂທລະສັບ​ກັບ​ຜູ້ນຳ ສ ອາ​ເມຣິກາ

   ເມື່ອ​ວັນ​ທີ 19 ສິງຫາ​ນີ້ ນາຍົກລັດຖະມົນຕີ​ອິນ​ເດຍ ນາ​ເຣນ​ດຣາ ໂມ​ດີ ໄດ້​ສົນທະນາ​ຜ່ານ​ທາງ​ໂທລະສັບ ແກ່​ຍາວ​​​ເປັນ​ເວລາ 30 ນາທີ ກັບ​ປະທານາທິບໍດີ ໂດ​ນາ​​ລ ທຣຳ ຜູ້ນຳ ສ ອາ​ເມ​ຣິ​ກາ ເພື່ອ​ປຶກສາ​ຫາລື​ກ່ຽວ​ກັບ​ບັນດາ​ບັນຫາ​ລະຫວ່າງ​ສອງ​ຝ່າຍ ແລະ ໃນ​ໃນ​ພາກ​ພື້ນ.

    ຖະແຫຼງການ​ຂອງ​ກະຊວງ​ການ​ຕ່າງປະເທດ​ອິນ​ເດຍ ໃຫ້​ຮູ້​ວ່າ ການ​ສົນທະນາ​ຜ່ານ​ທາງ​ໂທລະສັບ​ລະຫວ່າງ​ຜູ້ນຳ​ທັງ​ສອງ ມີ​ຂຶ້ນ​ໃນ​ບັນຍາກາດ​ທີ່​ອົບ​ອຸ່ນ ແລະ ຈິງ​ໃຈ ໃນ​ນັ້ນ ນາຍົກລັດຖະມົນຕີ ໂມ​ດີ ໄດ້​ສະແດງ​ຄວາມ​ຫວັງ​ວ່າ ລັດຖະມົນຕີ​ການ​ຄ້າ​ອິນ​ເດຍ ແລະ ຜູ້​ແທນ​ການ​ຄ້າ​ຂອງ ສ ອາ​ເມ​ຣິ​ກາ ຈະ​ພົບ​ປະກັນ​ໃນ​ບໍ່​ຊ້າ​ນີ້ ເພື່ອ​ປຶກສາ​ຫາລື​ກ່ຽວ​ກັບ​ຄວາມ​ຫວັງ​ດ້ານ​ການ​ຄ້າ​ລະຫວ່າງ​ສອງ​ຝ່າຍ ເພື່ອ​ຜົນ​ປະໂຫຍດ​ຂອງ​ທັງ​ສອງ​ຝ່າຍ. ນາຍົກລັດຖະມົນຕີ ໂມ​ດີ ກໍ​ຍົກ​ໃຫ້​ເຫັນ​ເຖິງ​ຄວາມ​ສຳຄັນ ຂອງ​ການ​ສ້າງ​ສະພາບ​ແວດ​ລ້ອມ​ທີ່​ປາສະຈາກ​ການ​ກໍ່​ການ​ຮ້າຍ ປາສະຈາກ​ຄວາມ​ຮຸນ​ແຮງ ແລະ  ການ​ສະກັດ​ກັ້ນ​ການເຄື່ອນໄຫວ​ກໍ່​ການ​ຮ້າຍ​ຂ້າມ​ຊາຍ​ແດນ.

    ໃນ​ຂະນະ​ດຽວ​ກັນ ຖະແຫຼງການ​ຂອງ​ໂຄສົກ​ທຳ​ນຽບ​ຂາວ ໃຫ້​ຮູ້​ວ່າ ໃນ​ການ​ສົນທະນາ​ຜ່ານ​ທາງ​ໂທລະສັບ​ກັບ​ນາຍົກລັດຖະມົນຕີ​ອິນ​ເດຍ ນັ້ນ ປະທານາທິບໍດີ ທຣຳ ໄດ້​ຊີ້​ແຈງ​ເຖິງ​ຄວາມ​ພະຍາຍາມ ໃນ​ການ​ຫຼຸດຜ່ອນ​ຄວາມ​ເຄັ່ງ​ຕຶງ ລະຫວ່າງ​ອິນ​ເດຍ ກັບ​ປາ​ກິດ​ສະຖານ ແລະ ການ​ຮັກສາ​ສັນຕິພາບ​ຢູ່​ໃນ​ພາກ​ພື້ນ. ຜູ້ນຳ​ທັງ​ສອງ ໄດ້​ປຶກສາ​ຫາລື​ຢ່າງ​ເລິກເຊິ່ງ ກ່ຽວ​ກັບ​ມາດ​ຕະການ​ທີ່​ເຂົາເຈົ້າ​ຈະ​ສືບຕໍ່​ປັບປຸງ​ການ​ພົວພັນ​ທາງ​ດ້ານ​ເສດຖະກິດ ລະຫວ່າງ ສ ອາ​ເມ​ຣິ​ກາ ກັບ​ອິນ​ເດຍ ໂດຍ​ຜ່ານ​ການ​ຊຸກຍູ້​ທາງ​ດ້ານ​ການ​ຄ້າ.

ຂ່າວທີ່ກ່ຽວຂ້ອງ