ຂ່າວຫຼ້າສຸດ

ສ້າງວຽກເຮັດງານທຳ ເພື່ອລຶບລ້າງຄວາມທຸກຍາກ

3.653 01 ມີ.ນ. 2011 ຫຼຸດຜ່ອນຄວາມທຸກຍາກ
ສ້າງວຽກເຮັດງານທຳ ເພື່ອລຶບລ້າງຄວາມທຸກຍາກ

<p style="text-align: justify;"> ເຖິງ​ແມ່ນ​ວ່າ ໃນ​ໄລ­ຍະ​ຜ່ານ​ມາ ປະ­ຊາ­ຊົນ​ຢູ່​ເຂດ​ຫ່າງ​ໄກ​ສອກ­ຫຼີກ ຫຼື​ເວົ້າ​ງ່າຍໆ​ແມ່ນ​ຊົນ­ນະ­ບົດ​ນັ້ນ ແນ່­ນອນ​ການ​ສ້າງ​ລາຍ​ຮັບ​ໃຫ້​ຄອບ­ຄົວ ແມ່ນ​ມີ​ຄວາມ​ຫຍຸ້ງ­ຍາກ​ທີ່​ສຸດ ຈາກ​ບັນ­ຫາ​ດັ່ງ­ກ່າວ ໄດ້​ກາຍ­ເປັນ​ອຸ­ປະ­ສັກ​ໃນ​ການ​ລຶ­ບລ້າງ​ຄວາມ­ທຸກ​ຍາກ ດັ່ງ­ນັ້ນ ການ​ສ້າງ​ວຽກ​ເຮັດ​ງານ​ທຳ​ໃຫ້​ກັບ​ປະ­ຊາ­ຊົນ​ໃນ​ທ້ອງ­ຖິ່ນ​ຕ່າງໆ ຈຶ່ງ​ມີ​ຄວາມ​ສຳ­ຄັນ ໃນ​ການ​ປັບ­ປຸງ​ຊີ­ວິດ​ການ​ເປັນ​ຢູ່​ຂອງ​ເຂົາ­ເຈົ້າ ກໍ​ຄື​ເປັນ​ການ​ປະ­ກອບ­ສ່ວນ​ເຂົ້າ​ໃນ​ການ​ລຶ­ບລ້າງ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ນັ້ນ​ເອງ.</p> <p style="text-align: justify;"> ຕໍ່​ກັບ​ການ​ສ້າງ​ວຽກ​ເຮັດ​ງານ​ທຳ​ນັ້ນ ໃນ​ໄລ­ຍະ​ຜ່ານ​ມາ ລັດ­ຖະ­ບານ​ເຮົາ​ກໍ​ໄດ້​ໃຊ້​ງົບ­ປະ­ມານ​ຢ່າງ​ມະ­ຫາ­ສານ ເພື່ອ​ສາ­ມາດ​ລຶ­ບລ້າງ​ຄວາມ­ທຸກ​ຍາກ​ຂອງ​ປະ­ຊາ­ຊົນ ໃນ​ຫຼາຍໆ​ທ້ອງ­ຖິ່ນ ໂດຍ​ສະ­ເພາະ ໃນ​ເຂດ​ໂຕ​ເມືອງ​ເປົ້າ​ໝາຍ​ທີ່​ທຸກ​ຍາກ​ກ່ວ​າ​ໝູ່ ບໍ່​ວ່າ​ຈະ​ເປັນ​ການ​ປັບ­ປຸງ​ພື້ນ­ຖານ​ໂຄງ​ລ່າງ ເພື່ອ​ສ້າງ​ຄວາມ​ສະ­ດວກ​ສະ­ບາຍ​ໃຫ້​ແກ່​ປະ­ຊາ­ຊົນ ພ້ອມ​ນັ້ນ​ຍັງ​ຕ້ອງ­ການ​ໃຫ້​ປະ­ຊາ­ຊົນ​ມີ​ລາຍ​ຮັບ​ເພີ່ມ​ຂຶ້ນ ແລະ ສ້າງ​ວຽກ​ເຮັດ​ງານ​ທຳ​ໃຫ້​ແກ່​ປະ­ຊາ­ຊົນ​ໃນ​ແຕ່​ລະ​ຂົງ­ເຂດ ໃຫ້​ເໝາະ​ສົມ​ກັບ​ສະ­ພາບ​ຕົວ​ຈິງ ບໍ່​ວ່າ​ຈະ​ເປັນ​ການ​ເຮັດ​ໄຮ່ ນາ ສວນ ລວມ​ໄປ​ເຖິງ ສົ່ງ­ເສີມ​ວຽກ​ງານ​ສີ­ໄມ້­ລາຍ­ມື​ຂອງ​ແຕ່​ລະ​ຄອບ­ຄົວ ເພື່ອ​ສ້າງ​ເປັນ​ສິນ­ຄ້າ​ຂອງ​ທ້ອງ­ຖິ່ນ.</p> <p style="text-align: justify;"> ບ້ານ​ທ່າ​ຊ້າງ ເມືອງ​ປາກ​ງື່ມ ນະ­ຄອນ­ຫຼວງ​ວຽງ​ຈັນ ກໍ​ຖື​ວ່າ​ເປັນ​ໜ້າ​ຊົມ­ເຊີຍ ທີ່​ເຂົາ­ເຈົ້າ​ໄດ້​ສ້າງ­ຕັ້ງ​ໃຫ້​ມີ​ກຸ່ມ​ຫັດ­ຖະ­ກຳ​ຕ່ຳ­ຫູກ ເຊິ່ງ​ສອດ­ຄ່ອງ​ກັບ​ນະ­ໂຍ­ບາຍ​ຂອງ​ພັກ-ລັດ ແລະ ກໍ​ເປັນ​ແບບ­ຢ່າງ​ໃນ​ການ​ສ້າງ​ລາຍ​ຮັບ​ໃຫ້​ປະ­ຊາ­ຊົນ​ໃນ​ທ້ອງ­ຖິ່ນ ທ່ານ ສົມ​ຫວັງ ສຸ­ວັນ­ນະ​ກຸມ­ມານ ຫົວ­ໜ້າ​ກຸ່ມ​ຫັດ­ຖະ­ກຳ​ຕ່ຳ­ຫູກ​ບ້ານ​ທ່າ​ຊ້າງ ກ່າວ​ວ່າ: ກຸ່ມ​ຫັດ­ຖະ­ກຳ​ຂອງ​ພວກ​ເຮົາ ແມ່ນ​ໄດ້​ເລີ່ມ​ຕົ້ນ​ເປັນ​ເວ­ລາ 8 ປີ​ມາ​ແລ້ວ ເປັນ​ການ​ສ້າງ​ລາຍ​ໄດ້​ເສີມ​ໃນ​ເວ­ລາ​ວ່າງ​ຈາກ​ການ​ເຮັດ​ນາ ເຮັດ​ສວນ ມາ​ຮອດ​ປັດ­ຈຸ­ບັນ ມີ​ກີ່​ທັງ​ໝົດ 450 ກີ່ ແລະ ມີ​ເງິນ​ກອງ​ທຶນ​ເຖິງ 680 ລ້ານ​ກີບ ສຳ­ລັບ​ສະ­ມາ­ຊິກ​ແມ່­ຍິງ ສ່ວນ​ຜູ້​ຊາຍ​ມີ​ກອງ​ທຶນ​ປະ­ມານ 200 ລ້ານ​ກີບ ສຳ­ລັບ​ສະ­ມາ­ຊິກ​ພາຍ​ໃນ​ກຸ່ມ ແມ່ນ​ເລີ່ມ​ຈາກ​ນັກ­ຮຽນ ປ 3 ຈົນ​ໄປ​ເຖິງ​ຜູ້​ເຖົ້າ​ຜູ້​ແກ່​ທີ່​ຍັງ​ແຂງ­ແຮງ ນອກ­ຈາກ​ສະ­ມາ­ຊິກ​ໃນ​ບ້ານ​ທ່າ​ຊ້າງ​ເອງ​ແລ້ວ ຍັງ​ມີ​ຢູ່​ບ້ານ​ດອນ​ໄຮ່ ບ້ານ​ທາງ​ໂຄ້ງ ສົມ​ປະ­ເສີດ ສົມ​ສະ­ຫວາດ ບ້ານ​ພ້າວ ດອນ​ສັງ​ໄພ ໂຄກ​ສາ ແລະ ບ້ານ​ບໍ່​ເຫຼັກ.</p> <p style="text-align: justify;"> ທ່ານ​ຍັງ​ກ່າວ​ຕື່ມ​ວ່າ: ຈາກ​ການ​ຂະ­ຫຍາຍ­ຕົວ​ຂອງ​ກຸ່ມ​ພວກ​ເຮົາ ສາ­ມາດ​ເວົ້າ​ໄດ້​ວ່າ ການ​ກໍ່­ສ້າງ​ຫັດ­ຖະ­ກຳ​ຕ່ຳ­ຫູກ​ຂອງ​ພວກ​ເຮົາ ແມ່ນ​ເປັນ​ການ​ສ້າງ​ວຽກ​ເຮັດ​ງານ​ທຳ ສ້າງ​ລາຍ​ຮັບ​ໃຫ້​ແກ່​ປະ­ຊາ­ຊົນ​ໃນ​ທ້ອງ­ຖິ່ນ.</p> <p style="text-align: justify;"> ບໍ່​ພຽງ​ເທົ່າ​ນັ້ນ ຍັງ​ເປັນ​ການ​ອະ­ນຸ​ຮັກ​ຫັດ­ຖະ­ກຳ​ຕ່ຳ­ຫູກ​ລາວ​ເຮົາ ທີ່​ມີ​ມາ​ແຕ່​ລຸ້ນ​ກ່ອນ​ປູ່​ຍ່າ​ຕາ​ຍາຍ ໃຫ້​ຄົງ​ຢູ່​ກັບ​ຄົນ​ລາວ​ຕະ­ຫຼອດ​ໄປ.</p> <p style="text-align: justify;"> <strong>ໂດຍ: ສ.ແສງ​ງາມ</strong></p>

ຂ່າວທີ່ກ່ຽວຂ້ອງ