ຂ່າວຫຼ້າສຸດ

ສາທາລະນະ​ລັດ ຈາດ ປະກາດ​ພາວະ​ສຸກ​ເສີນ​ຢູ່​ໃນ​ສອງ​ແຂວງ

223 20 ສ.ຫ. 2019 ຂ່າວຕ່າງປະເທດ
ສາທາລະນະ​ລັດ ຈາດ ປະກາດ​ພາວະ​ສຸກ​ເສີນ​ຢູ່​ໃນ​ສອງ​ແຂວງ

   ເມື່ອ​ວັນ​ທີ 18 ສິງຫາ​ນີ້ ປະທານາທິບໍດີ ສາທາລະນະ​ລັດ ຈາດ ອີດ​ຣິ​​ສ ເດີ​ບີ ໄດ້​ປະກາດ​ພາວະ​ສຸກ​ເສີນ​ແກ່ຍາວ​ເປັນ​ເວລາ 3 ເດືອນ ຢູ່​ໃນ​ແຂວງ ຊີ​ລາ ແລະ ແຂວງ ອວາດ​ດາຍ (ທາງ​ທິດຕາເວັນອອກ​ຂອງ​ປະເທດ) ບ່ອນ​ຊຶ່ງ​ເກີດ​ການ​ພິພາດ​ລະຫວ່າງ​ຊົນເຜົ່າ ເພີ່ມ​ທະວີ​ຂຶ້ນ​ໃນ​ໄລຍະ​ຫຼັງໆ​ມາ​ນີ້ ທີ່​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຫຼາຍ​ສິບ​ຄົນ.

    ເພື່ອ​ຢຸດຕິ​ສະພາບ​ຄວາມ​ຮຸນ​ແຮງ​ທີ່​ເກີດ​ຂຶ້ນ​ຢູ່​ໃນ​ສອງ​ແຂວງ​ດັ່ງກ່າວ ປະທານາທິບໍດີ ອີດ​ຣິ​​ສ ເດີ​ບີ ຍັງ​ໄດ້​ສະເໜີ​ໃຫ້​ຜັນ​ຂະຫຍາຍ​ການ​ປະຕິບັດ​ໜ້າທີ່​ຂອງ​ກອງທັບ ໃນ​ການ​ສົ່ງ​ຄວາມ​ຊ່ວຍເຫຼືອ ແລະ ດຳເນີນ​ວິທີ​ການ​ແກ້​ໄຂ​ຢູ່​ໃນ​ເຂດ​ທີ່​ເກີດ​ການ​ພິພາດ. ໃນ​ຂະນະ​ດຽວ​ກັນ ກອງ​ກຳລັງ​ຮັກສາ​ຄວາມ​ສະຫງົບ ກໍ​ໄດ້​ຮັບ​ອະນຸຍາດ​ເຂົ້າ​ແຊກ​ແຊງ​ຫຼາຍ​ຂຶ້ນ ເພື່ອ​ຄວບ​ຄຸມ​ສະຖານະ​ການ.

    ການ​ພິພາດ​ລະຫວ່າງ​ຊົນເຜົ່າ ຢູ່​ໃນ​ເຂດ​ທິດຕາເວັນອອກ​ຂອງ​ສາທາລະນະ​ລັດ ຈາດ ໃນ​ຫຼາຍ​ອາທິດ​ທີ່​ຜ່ານ​ມາ ໄດ້​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 109 ຄົນ.

ຂ່າວທີ່ກ່ຽວຂ້ອງ