ໄຟ​ໄໝ້​ກຳ​ປັ່ນ​ໂດຍສານ​ຢູ່​ໃນ​ອິນ​ໂດ​ເນ​ເຊຍ

218 20 ສ.ຫ. 2019 ຂ່າວຕ່າງປະເທດ
ໄຟ​ໄໝ້​ກຳ​ປັ່ນ​ໂດຍສານ​ຢູ່​ໃນ​ອິນ​ໂດ​ເນ​ເຊຍ

     ການ​ຊ່ວຍເຫຼືອ​ກູ້​ໄພ ໄດ້​ຮັບ​ການ​ຜັນ​ຂະຫຍາຍ​ໃນ​ວັນ​ທີ 18 ສິງຫາ ຫຼັງ​ຈາກ​ທີ່​ກຳປັ່ນ​ບັນທຸກ​ຜູ້ໂດຍສານ​ລຳ​ໜຶ່ງ ເກີດ​ໄຟ​ລຸກ​ໄໝ້ ຢູ່​ໃນ​ເຂດ​ນອກ​ຝັ່ງ​ທະເລ​ແຂວງ ສຸລາ​ເວ​ສີ (ພາກ​ກາງ​ອິນ​ໂດ​ເນ​ເຊຍ) ເມື່ອ​ກ່ອນ​ໜ້າ​ນັ້ນ 1 ວັນ.

    ຫົວໜ້າ​ຫ້ອງການ​ຊອກ​ຫາ​ກູ້​ໄພ​ຂອງ​ແຂວງ​ດັ່ງກ່າວ ແຈ້ງ​ໃຫ້​ຮູ້​ວ່າ ໄຟ​ໄໝ້​ດັ່ງກ່າວ ໄດ້​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 7 ຄົນ (ໃນ​ນັ້ນ​ມີ​ເດັກນ້ອຍ​ລວມ​ຢູ່​ນຳ 2 ຄົນ) ແລະ ມີ​ຜູ້​ຫາຍ​ສາບ​ສູນ 4 ຄົນ ໃນ​ຂະນະ​ທີ່​ມີ 61 ຄົນ ໄດ້​ຮັບ​ຄວາມ​ຊ່ວຍເຫຼືອ​ຂຶ້ນ​ມາ​ໄດ້.

    ກຳປັ່ນ​ດັ່ງກ່າວ ປະສົບ​ໄພ ໃນ​ຂະນະ​ທີ່​ພວມ​ແລ່ນ​ມາ​ຈາກ​ທ່າ​ກຳປັ່ນ ເກນ​ດາ​ຣີ ໃນ​ແຂວງ ສຸລາ​ເວ​ສີ ເພື່ອ​ມຸ່ງ​ໜ້າ​ໄປ​ຍັງ​ທ່າ​ກຳປັ່ນ ກາ​ເຣີ​ລວາ​​ງ ໃນ​ແຂວງ ມາ​ໂຣ​ວາລີ ໃຫ້​ກັບ​ແຂວງ​ສຸລາ​ເວ​ສີ ກາງ. ແປວໄຟ​ໄດ້​ເກີດ​ຂຶ້ນ​ຢູ່​ໃນ​ຫ້ອງ​ເຄື່ອງ​ຈັກ ແລະ ຄະນະ​ປະຈຳ​ກຳປັ່ນ​ໄດ້​ໃຊ້​ຄວາມ​ພະຍາຍາມ​ເພື່ອ​ມອດ​ໄຟ ແຕ່​ກໍ​ບໍ່​ສຳເລັດ. ໄຟ​ໄດ້​ສືບຕໍ່​ແຜ່​ກວ້າງ​ອອກ ເຮັດ​ໃຫ້​ຜູ້ໂດຍສານ​ຫຼາຍ​ຄົນ​ໂດດ​ລົງ​ນ້ຳ​ເພື່ອ​ເອົາ​ຕົວ​ລອດ.

ຂ່າວທີ່ກ່ຽວຂ້ອງ