ກອງທັບຣັດ​ເຊຍ-ມຽນມາ ​ເພີ່ມ​ທະວີ​ການ​ຮ່ວມ​ມື​ຫຼາຍ​ດ້ານ

179 20 ສ.ຫ. 2019 ຂ່າວຕ່າງປະເທດ
ກອງທັບຣັດ​ເຊຍ-ມຽນມາ ​ເພີ່ມ​ທະວີ​ການ​ຮ່ວມ​ມື​ຫຼາຍ​ດ້ານ

    ພົນ​ເອກ ແຊກ​ເກ ຊອຍ​ກູ ລັດຖະມົນຕີ​ປ້ອງ​ກັນ​ປະເທດ​ຣັດ​ເຊຍ ໄດ້​ພົບ​ປະ​ກັບ​ນາຍ​ພົນ ມິນ​ອອງ​ລາຍ ຜູ້​ບັນຊາ​ການ​ບັນດາ​ກອງ​ກຳລັງ​ປະກອບ​ອາວຸດ​ມຽນ​ມາ ເມື່ອ​ວັນ​ທີ 17 ສິງຫາ​ທີ່​ຜ່ານ​ມາ ຊຶ່ງ​ມີ​ຂຶ້ນ​ຢູ່​ນອກ​ການ​ສຳ​ມະ​ນາ​ດ້ານ​ການ​ທະຫານ​ສາກົນ Army Games 2019 ທີ່​ເຂດ​ຊານເມືອງ​ນະຄອນ​ຫຼວງ​​ມົສ​ກູ (ຣັດ​ເຊຍ) ໂດຍ​ສອງ​ຝ່າຍ​ໄດ້​ເຫັນ​ດີ​ເປັນ​ເອກະສັນ​ກັນ ໃນ​ການ​ສ້າງ​ການ​ພົວພັນ​ຮ່ວມ​ມື​ຫຼາຍ​ດ້ານ ລະຫວ່າງ​ກອງທັບ​ຂອງ​ສອງ​ປະເທດ.

    ກະຊວງ​ປ້ອງ​ກັນ​ປະເທດ​ຣັດ​ເຊຍ ໃຫ້​ຮູ້​ວ່າ ການ​ເຈລະຈາ​ລະຫວ່າງ​ການ​ນຳ​ຂັ້ນ​ສູງ​ດ້ານ​ການ​ທະຫານ​ຂອງ​ສອງ​ປະເທດ ໄດ້​ມີ​ຂຶ້ນ​ທ່າມກາງ​ບັນຍາກາດ​ທີ່​ເປັນ​ມິດ. ສອງ​ຝ່າຍ​ໄດ້​ເວົ້າ​ເຖິງ​ບັນຫາ​ຄວາມ​ເປັນ​ຈິງ ກໍ​ຄື​ຄວາມ​ຫວັງ​ໃນ​ການ​ຮ່ວມ​ມື​ແບບ​ສອງ​ຝ່າຍ ໃນ​ຂົງເຂດ​ວຽກ​ງານ​ປ້ອງ​ກັນ​ຊາດ.

   ກ່ອນ​ໜ້າ​ນັ້ນ ເມື່ອ​ເດືອນ​ເມສາ 2019 ນາຍ​ພົນ ມິນ​ອອງ​ລາຍ ແຈ້ງ​ໃຫ້​ຮູ້​ວ່າ ມຽນ​ມາ​ສົນໃຈ​ຕໍ່​ບັນດາ​ອຸປະກອນ​ປ້ອງ​ກັນ​ຊາດ ທີ່​ຜະລິດ​ໂດຍ​ຣັດ​ເຊຍ ໃນ​ນັ້ນ​ມີ​ອາວຸດ​ປືນ ແລະ ລົດ​ຫຸ້ມ​ເກາະ. ເມື່ອ​ປີ 2018 ຣັດ​ເຊຍ ໄດ້​ເຊັນ​ສັນຍາ​ວ່າ​ດ້ວຍ​ການ​ສະໜອງ​ເຮືອບິນ​ສູ້​ຮົບ Su-30SM ຈຳນວນ 6 ລຳ ໃຫ້​ແກ່​ມຽນ​ມາ.

ຂ່າວທີ່ກ່ຽວຂ້ອງ