ໄພ​ນ້ຳ​ຖ້ວມ​ຢູ່ກຳປູ​ເຈຍ ​ເຮັດ​ໃຫ້​ມີຫຼາຍ​ພັນຄອບຄົວປະສົບ​ໄພ

168 20 ສ.ຫ. 2019 ຂ່າວຕ່າງປະເທດ
ໄພ​ນ້ຳ​ຖ້ວມ​ຢູ່ກຳປູ​ເຈຍ ​ເຮັດ​ໃຫ້​ມີຫຼາຍ​ພັນຄອບຄົວປະສົບ​ໄພ

    ເມື່ອ​ວັນ​ທີ 15 ສິງຫາ​ນີ້​ທີ່​ຜ່ານ​ມາ ຄະນະ​ກຳມະການ​ຄຸ້ມ​ຄອງ​ໄພພິບັດ​ທຳ​ມະ​ຊາດ​ແຫ່ງ​ຊາດ​ກຳປູເຈຍ ໄດ້​ເປີດເຜີຍ​ວ່າ ເນື່ອງ​ຈາກ​ມີ​ຝົນຕົກ​ໜັກ​ຢ່າງ​ຕໍ່​ເນື່ອງ ພາໃຫ້​ເກີດ​ໄພ​ນ້ຳ​ຖ້ວມ​ຢູ່ 8 ແຂວງ ຄື: ແຂວງ​ສີ​ຫາ​ນຸ ພະ​ຕະບອງ ແລະ ແຂວງ​ອື່ນໆ​ຂອງ​ກຳປູເຈຍ ຊຶ່ງ​ມີ 8.000 ຄອບຄົວ​ໄດ້​ຮັບ​ຜົນ​ກະທົບ. ໃນ​ນັ້ນ ມີ​ເຮືອນ 6.900 ຫຼັງ ແລະ ເນື້ອທີ່​ປູກຝັງ 940 ເຮັກຕາ ໄດ້​ຖືກ​ທຳລາຍ.

    ເມື່ອ​ບໍ່​ດົນ​ມາ​ນີ້ ທ່ານ​ຮຸນ​ແຊນ ນາຍົກລັດຖະມົນຕີ​ກຳປູເຈຍ ໄດ້​ຮຽກຮ້ອງ​ໃຫ້​ຄະນະ​ກຳມະການ​ກູ້​ໄພ​ແຫ່ງ​ຊາດ ສະໜອງ​ການ​ຊ່ວຍເຫຼືອ ແລະ ສົ່ງ​ກຳລັງ​ທະຫານ ແລະ ຕຳຫຼວດ​ເຂົ້າ​ໄປ​ໃຫ້ການ​ຊ່ວຍເຫຼືອ​ອົບ​ພະ​ຍົບ​ປະຊາຊົນ​ຜູ້​ປະສົບ​ໄພ.

    ອົງການ​ຊວງ​ອຸຕຸນິຍົມ ແລະ ແຫຼ່ງ​ນ້ຳຂອງ​ກຳປູເຈຍ ໄດ້​ຄາດ​ຄະເນ​ວ່າ ເນື່ອງ​ຈາກ​ຜົນ​ກະທົບ​ຂອງ​ລົມພາຍຸ ແລະ ລົມ​ມໍ​ລະ​ສຸມ​ເຂດ​ຮ້ອນ ຈຶ່ງ​ເຮັດ​ໃຫ້​ເຂດ​ຢູ່​ລຽບ​ຕາມ​ແຄມ​ຝັ່ງ​ທະເລ​ເກີດ​ມີ​ຝົນຕົກ​ໜັກ​ອີກ​ໃນ​ວັນ​ທີ 16 ສິງຫາ​ທີ່​ຜ່ານ​ມາ.

ຂ່າວທີ່ກ່ຽວຂ້ອງ