ຂ່າວຫຼ້າສຸດ

ອິນ​ເດ​ຍ ວາງ​ຄາດໝາຍ​ກາຍ​ເປັນ​ພື້ນ​ຖານ​ເສດຖະກິດ​ຂະໜາດ 5.000 ຕື້​ໂດ​ລາ

230 19 ສ.ຫ. 2019 ຂ່າວຕ່າງປະເທດ
ອິນ​ເດ​ຍ ວາງ​ຄາດໝາຍ​ກາຍ​ເປັນ​ພື້ນ​ຖານ​ເສດຖະກິດ​ຂະໜາດ 5.000 ຕື້​ໂດ​ລາ

   ນາຍົກລັດຖະມົນຕີ​ອິນ​ເດຍ ນາ​ເຣນ​ດຣາ ໂມ​ດີ ກ່າວ​ຢູ່​ໃນ​ນະຄອນຫຼວງ ນີວ ແດນ​ລີ ເມື່ອ​ວັນ​ທີ 15 ສິງຫາ ທີ່​ຜ່ານ​ມາ ຊຶ່ງ​ເປັນ​ໂອກາດ​ວັນຊາດ​ອິນ​ເດຍ ນັ້ນ​ວ່າ ອິນ​ເດຍ​ວາງ​ຄາດໝາຍ​ໃຫ້​ກາຍເປັນ​ພື້ນຖານ​ເສດຖະກິດ​ຂະໜາດ 5.000 ຕື້​ໂດ​ລາ​ສະຫະລັດ ໃຫ້​ໄດ້​ໂດຍ​ໄວ.

    ນາຍົກລັດຖະມົນຕີ​ໂມ​ດີ ກ່າວ​ເນັ້ນ​ວ່າ ໃນ 70 ປີ​ຕົ້ນ​ຂອງ​ພື້ນຖານ​ເອກະລາດ​ນັ້ນ ອິນ​ເດຍ​ໄດ້​ກາຍເປັນ​ພື້ນຖານ​ເສດຖະກິດ​ຂະໜາດ 2.000 ຕື້​ໂດ​ລາ​ສະຫະລັດ. ເຖິງ​ແນວໃດ​ກໍ​ຕາມ ພາຍ​ໃນ​ເວລາ​ພຽງ 5 ປີ​ທີ່​ຜ່ານ​ມາ ອິນ​ເດຍ​ໄດ້​ເພີ່ມ​ເຕີມ​ອີກ 1.000 ຕື້ ໂດ​ລາ​ສະຫະລັດ ໃຫ້​ແກ່​ພື້ນຖານ​ເສດຖະກິດ. ຖ້າ​ຫາ​ກວ່າ​ອິນ​ເດຍ ສາມາດ​ມີ​ບາດກ້າວ​ອັນ​ຍາວ​ພາຍ​ໃນ 5 ປີ​ຕໍ່ໜ້າ ກໍ​ເຊື່ອ​ວ່າ​ອິນ​ເດຍ ຈະ​ກາຍເປັນ​ພື້ນຖານ​ເສດຖະກິດ​ຂະໜາດ 5.000 ຕື້​ໂດ​ລາ​ສະຫະລັດ.

    ເມື່ອ​ເວົ້າ​ເຖິງ​ວຽກ​ງານ​ປ້ອງ​ກັນ​ຊາດ​ນັ້ນ ນາຍົກລັດຖະມົນຕີ ໂມ​ດີ ເວົ້າ​ວ່າ ອິນ​ເດຍ​ຈະ​ມີ “ຫົວໜ້າ​ເສນາ​ທິ​ການ​ໃຫຍ່” ໃໝ່ ເພື່ອ​ເພີ່ມ​ທະວີ​ການ​ປະສານ​ງານ ລະຫວ່າງ​ກອງ​ກຳລັງ​ກອງທັບ​ບົກ ກອງທັບ​ອາກາດ ແລະ ກອງທັບ​ເຮືອ.

ຂ່າວທີ່ກ່ຽວຂ້ອງ