ຟີ​ລິບ​ປິນ ​ປະ​ກາດ​ສ້າງ​ຕັ້ງ​ອົງ​ການ​ການ​ບິນ​ອາ​ວະ​ກາດ​

196 19 ສ.ຫ. 2019 ຂ່າວຕ່າງປະເທດ
ຟີ​ລິບ​ປິນ ​ປະ​ກາດ​ສ້າງ​ຕັ້ງ​ອົງ​ການ​ການ​ບິນ​ອາ​ວະ​ກາດ​

    ວັນ​ທີ 8 ສິງຫາ​ທີ່​ຜ່ານ​ມາ ທ່ານ ໂຣດ​ຣີ​ໂກ ດູ​ເຕີ​ເຕ ປະທານາທິບໍດີ​ຟີ​ລິບ​ປິນ ໄດ້​ລົງ​ນາມ​ໃນ​ກົດໝາຍ​ວ່າ​ດ້ວຍ​ອາ​ວະ​ກາດ​ຟີ​ລິບ​ປິນ (RA11363) ແລະ ຜ່ານ​ນັ້ນ​ກໍ​ໄດ້​ປະກາດ​ສ້າງຕັ້ງ​ອົງການ​ການບິນ​ອາ​ວະ​ກາດ​ຟີ​ລິບ​ປິນ (PhilSA) ຊຶ່ງ​ແຫຼ່ງ​ຂ່າວ​ໃນ​ຟີ​ລິບ​ປິນ ໄດ້​ເຜີຍແຜ່​ຂ່າວ​ດັ່ງກ່າວ​ໃນ​ວັນ​ທີ 13 ສິງຫາ​ທີ່​ຜ່ານ​ມາ.

    ອີງ​ຕາມ​ກົດໝາຍ​ສະບັບ​ນີ້​ແລ້ວ PhilSA ເປັນ​ອົງ​ການຈັດຕັ້ງ​ບໍລິຫານ​ຂັ້ນ​ສູງ​ກາງ ຊຶ່ງ​ຈະ​ຮັບຜິດຊອບ​ການ​ພັດທະນາ​ດ້ານ​ອາ​ວະ​ກາດ ແລະ  ວຽກ​ງານ​ພັດທະນາ​ວິທະຍາສາດ​ເຕັກ​ໂນ​ໂລ​ຊີ​ອາ​ວະ​ກາດ​ລະດັບ​ຊາດ​ຂອງ​ຟີ​ລິບ​ປິນ; ອີງ​ຕາມ​ນະໂຍບາຍ ແລະ ແຜນການ​ພັດທະນາ​ອາ​ວະ​ກາດ​ຟີ​ລິບ​ປິນ ອົງການ​ດັ່ງກ່າວ​ຈະ​ຊຸກຍູ້​ການ​ພັດທະນາ​ໂຄງການ​ການບິນ​ອາ​ວະ​ກາດ​ລະດັບ​ຊາດ​ຟີ​ລິບ​ປິນ ວາງ​ແຜນການ​ທີ່​ກ່ຽວຂ້ອງ ແລະ  ຮັບຜິດຊອບ​ການ​ປະຕິບັດ​ຕົວ​ຈິງ.

    ຄະນະ​ກຳມະການ​ອາ​ວະ​ກາດ​ຟີ​ລິບ​ປິນ (PSC) ກໍ​ໄດ້​ສ້າງຕັ້ງ​ຂຶ້ນ​ໃນ​ເວລາ​ດຽວ​ກັນ ຊຶ່ງ​ເປັນ​ອົງ​ການຈັດຕັ້ງ​ໃຫ້​ຄຳ​ປຶກສາ​ຕົ້ນຕໍ​ດ້ານ​ວິທະຍາສາດ​ອາ​ວະ​ກາດ ແລະ  ການ​ພັດທະນາ​ເຕັກນິກ​ການບິນ​ອາ​ວະ​ກາດ​ຟີ​ລິບ​ປິນ. ປະທານາທິບໍດີ ດູ​ເຕີ​ເຕ ຈະ​ເປັນ​ຜູ້​ຮັບຜິດຊອບ​ຄະນະ​ກຳມະການ​ດັ່ງກ່າວ​ໂດຍ​ກົງ.

ຂ່າວທີ່ກ່ຽວຂ້ອງ