ການ​ສົ່ງ​ອອກ​ຢາງ​ພາ​ລາ​ຂອງ​ກຳ​ປູ​ເຈຍ ​ເພີ່ມ​ຂຶ້ນ 24%

219 19 ສ.ຫ. 2019 ຂ່າວຕ່າງປະເທດ
ການ​ສົ່ງ​ອອກ​ຢາງ​ພາ​ລາ​ຂອງ​ກຳ​ປູ​ເຈຍ ​ເພີ່ມ​ຂຶ້ນ 24%

    ຫວ່າງ​ບໍ່​ດົນ​ມາ​ນີ້ ກົມ​ຢາງພາລາ ກະຊວງ​ກະສິກຳ ປ່າໄມ້ ແລະ​ປະມົງ​ກຳປູເຈຍ ໄດ້​ເປີຍ​ເຜີຍ​ຂໍ້​ມູນ ສະແດງ​ໃຫ້​ເຫັນ​ວ່າ ໃນ 6 ເດືອນ​ຕົ້ນ​ປີ​ນີ້ ກຳປູເຈຍ​ສົ່ງ​ອອກ​ຢາງພາລາ​ໄດ້ 10.4261 ໂຕນ ເພີ່ມ​ຂຶ້ນ 24% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີຜ່ານມາ ຊຶ່ງ​ສ້າງ​ລາຍ​ຮັບ​ໄດ້ 139 ລ້ານ​ໂດ​ລາ​ສະຫະລັດ.

     ທ່ານ ແມນ ໂຊ​ຟິກ ເລຂາທິການ​ສະມາຄົມ​ພັດທະນາ​ຢາງພາລາ​ທຳ​ມະ​ຊາດ​ກຳປູເຈຍ ກ່າວ​ວ່າ ປະລິມານ​ການ​ສົ່ງ​ອອກ​ຢາງພາລາ​ເພີ່ມ​ຂຶ້ນ ຕົ້ນຕໍ​ແມ່ນ​ຍ້ອນ​ວ່າ​ຜົນ​ຜະລິດ​ຢາງພາລາ​ເພີ່ມ​ຂຶ້ນ. ປັດຈຸບັນ​ນີ້ ເນື້ອທີ່​ປູກ​ຢາງພາລາ​ພາຍ​ໃນ​ປະເທດ​ກຳປູເຈຍ​ມີ 43.630 ເຮັກຕາ. ຍ້ອນ​ວ່າ​ພົບ​ບັນຫາ​ຕ່າງໆ ເຊັ່ນ​ແຮງ​ງານ​ບໍ່​ພຽງພໍ ລາຄາ​ໃນ​ຕະຫຼາດ​ສາກົນ​ຫຼຸດ​ລົງ ແລະ ອື່ນໆ ຈຶ່ງ​ເຮັດ​ໃຫ້​ເນື້ອທີ່​ປູກ​ຢາງພາລາ​ເກືອບ​ບໍ່​ມີ​ການ​ປ່ຽນແປງ​ໃນ 3 ປີຜ່ານມາ. ທ່ານ ແມນ ໂຊ​ຟິກ ກ່າວ​ຕື່ມ​ວ່າ ຖ້າ​ຫາ​ກວ່າ​ສະພາບ​ດັ່ງກ່າວ​ບໍ່​ມີ​ການ​ປ່ຽນແປງ​ໃນຕໍ່ໜ້າ ກໍ​ຈະ​ບໍ່​ມີ​ການ​ລົງທຶນ​ໃໝ່​ໃນ​ຫຼາຍ​ປີ​ຕໍ່ໜ້າ. ໃນ​ຂະນະ​ດຽວ​ກັນ ເນື່ອງ​ຈາ​ກວ່າ ອຸປະກອນ​ການ​ປຸງ​ແຕ່ງ​ຢູ່​ພາຍ​ໃນ​ປະເທດ ບໍ່​ຄົບ​ວົງ​ຈອນ ຜົນ​ຜະລິດ​ຢາງພາລາ​ຂອງ​ກຳປູເຈຍ ສ່ວນ​ຫຼາຍ ຈະ​ສົ່ງ​ອອກ​ສູ່​ຫວຽດນາມ ແລະ ມາ​ເລ​ເຊຍ.

ຂ່າວທີ່ກ່ຽວຂ້ອງ